blaðið - 09.06.2006, Blaðsíða 15

blaöið FÖSTUDAGUR 9. JÚNÍ 2006
SKOÐUN I 15
íslandsvinaganga
Það hefur vart farið fram hjá neinum
að íslandsvinaganga fór fram þann
27. maí s.l. Gönguna gengu yfir 3.000
íslandsvinir sem sýnir óvenju mikla
samstöðu almennings um verndun
náttúrunnar. Segja má að gangan sé
sögulegur atburður því fátítt er um
svo fjölmenn mótmæli hér á landi.
Sannkölluð karnivalstemning var
í göngunni sem endaði með frá-
bærum tónleikum á Austurvelli þar
sem margir valinkunnir listamenn
lögðu málefninu lið. Skipuleggj-
endur íslandsvinagöngunnar eru
ánægðir með gönguna sem fór í alla
staði vel fram.
Á vegum íslandsvina hefur haf-
ist undirskriftasöfnun þar sem
skorað er á stjórnvöld að láta af
stóriðjustefnu sinni og hefjast
handa við uppbyggingu vistvæns,
sjálfbærs þekkingarsamfélags.
Islandsvinir eru hlynntir mark-
vissri uppbyggingu atvinnulífs
á landsbyggðinni og vilja skora
á stjórnvöld að hafa umhverfis-
vernd að leiðarljósi og haga upp-
byggingunni svo að frekari eyði-
legging lands og náttúru verði
stöðvuð. ísland er eitt af ríkustu
löndum heims og ætti því að geta
staðið undir ábyrgri, vistvænni
stefnu sem önnur lönd gætu
tekið sér til fyrirmyndar. Rúm-
lega 3.000 undirskriftir hafa safn-
ast og enn er hægt að skrifa undir
á www.islandsvinir.org. Þannig
getum við í sameiningu fengið
stjórnvöld til að taka tillit til vilja
almennings um framtíð landsins.
Þann 21. júlí næstkomandi
er ráðgert að hefja áfengis- og
vímuefnalausar fjölskyldutjald-
búðir undir Snæfelli við Kára-
hnjúkasvæðið. Búðirnar verða
opnar öllum sem vilja njóta nátt-
úrunnar á þessu undurfallega
svæði áður en að það fer undir
vatn. Boðið verður upp á göngu-
ferðir um svæðið, kynningar og
menningardagskrá.
Þrátt fyrir vel heppnaða íslands-
vinagöngu hefur fjölmiðlaumfjöllun
að mestu leyti snúist um fána sem
var uppi fyrstu mínútur göngunnar,
en á hann var letrað: „Drekkjum Val-
gerði, ekki íslandi“. Nafn Valgerðar
var þarna notað sem tákn fyrir stór-
iðjustefnuna, en Valgerður stendur
í fararbroddi þessarar mjög svo um-
deildu stefnu. Fánann báru fjögur
ungmenni þar til skipuleggjendur
göngunnar og nokkrir þátttakendur
báðu þau vinsamlega að fjarlægja
hann. Ungmennin brugðust vel við
þessari beiðni og tóku fánann niður.
Við hörmum að Valgerður og fjöl-
skylda hennar skyldu finna til ótta
vegna orðaleiks í slagorðum nokk-
urra þátttakenda göngunnar. Við
vonum að sá ótti sé ekki lengur til
staðar þar sem ungmennin hafa birt
yfirlýsingu þess efnis að raunveru-
leg hótun lá ekki að baki.
Baráttuaðferðir eru ætíð umdeil-
anlegar. En áðalatriðið hér er náttúra
íslands og efnahagsleg framtíð lands-
ins. Um þetta ber okkur að standa
vörð með því að stemma stigu við
frekari stóriðjuframkvæmdum og
hefjast handa við mótun ábyrgrar
framtíðarsýnar. Sú stefna sem tekin
er þarf að fela í sér uppbyggingu
fjölbreytts atvinnlífs sem lifir í sátt
og samlyndi við náttúruna, án stór-
felldra umhverfisspjalla eða meng-
unar. Það er hlutverk stjórnvalda
að sjá til þess að þjóðin fái fræðslu
um raunverulegar afleiðingar stór-
iðju og leyfa henni síðan að velja
eða hafna. Úr niðurstöðum síðustu
sveitarstjórnakosninga má lesa að
þjóðin hafnar í auknum mæli stór-
iðjustefnunni og á það ber að hlusta.
Skynsamlegt væri að líta til þess
sem getur svo auðveldlega komið
í staðinn, til dæmis endurvinnsla
þess gríðarlega magns af áli sem
sóað er í heiminum eða þróun trefja
sem gætu leyst umhverfisspillandi
málma af hólmi.
Við hvetjum fólk til að kynna sér
til hlítar afleiðingar frekari stóriðju
á náttúru, atvinnulíf og efnahag ís-
lands og velta einnig málinu fyrir
sér í stærra samhengi með gróður-
húsaáhrif í huga.
Helena Stefánsdóttir, Andrea Ólafs-
dóttir, Arnar Steinn Friðbjarnarson,
Birgitta Jónsdóttir, Arna Ösp Magn-
úsardóttir, Bjarki Bragason
Höfundar eru íslandsvinir
Þátttakendur í göngunni söfnuðust saman á Austurveili í lok göngunnar.
Blaöii/Frikki

Bankastræti 2 • 101 Reykjavík • sími 551 4430 • fax 552 8684
info@laekjarkrekka.is • www.laekjarkrekka.is
AlltafsígilJ — Alltaf Ijúf
----
INlSfe

Hlý stemning
og óviájafnanlegt andrúmsloft.
Komdu og njóttu lífsins
á Lækjarbrekku.
ókeypis til
51*11111
heimila og fyrirtækja
alla virka daga
blaði&=