blaðið - 09.06.2006, Blaðsíða 16

16 I GÆLUDÝR
'•Tii»3RSfi4s£fe£«

FÖSTUDAGUR 9. JÚNÍ 2006 blaAÍÖ
Báðir selirnir í
Húsdýragarðin-
um hafa kœpt
Urtan Kobba kæpti í Húsdýragarð-
inum í fyrrinótt og heilsast móður
og afkvæmi vel. Urtan Særún kæpti
fyrir fjórum dögum síðan og hafa
þvi báðar urturnar kæpt og munu
fæða kópa sína á mjólk næstu
fjórar vikurnar. Faðirinn er selur-
inn Snorri. Særún, Kobba og Snorri
voru veidd á Rauðasandi árin 1988
og 1989. Vel hefur gengið öll þau ár
er kæping hefur verið hjá urtunum
og kæpa þær nánast alltaf á sama
tíma ársins, um hvítasunnu.
Ein urta til viðbótar er í selalaug-
inni en það er Esja sem er ársgömul,
en landselskópar verða yfirleitt
kynþroska 5-6 ára. Mun Esja ekki
gegna neinu sérstöku hlutverki
við uppeldi hinna nýju systkina
sinna, nema þá helst að kenna
þeim skemmtileg sundtök í laug-
inni. Ekki er hægt að sjá af hvaða
kyni nýju kóparnir eru fyrr en þeir
verða töluvert eldri.
Landselskópar, svokallaðir vor-
kópar, eru mjög líkir fullorðnum
selum í laginu er þeir fæðast. Þeir
fæðast í gráum hárum en kasta af
sér fósturhárum þegar í móðurkviði.
Kóparnir vega um 15 kíló þegar
Fyrir hundinn þinn
Mánudaginn 12. júni
Auglýsendur, upplýsingar veita:
Kolbrún Ragnarsdóttir • Simi 510 3722 • Gsm 848 0231 • kolla@bladid.net
Magnús Gauti Hauksson • Sími 510 3723 • Gsm 691 2209 • maggi@vbl.is
þeir fæðast og verða mjög snemma
sprækir og tilbúnir til sunds. Þeir
þyngjast hratt fyrstu tvær vikurnar
og geta tvöfaldað þyngd sína á
þremur vikum. Móðirin hefur því
greinilega mjög næringarmikla
mjólk fram að færa enda stendur
uppeldið ekki lengi yfir. Eftir rúm-
lega fjórar vikur bítur móðirin kóp-
inn af sér og hann þarf að fara afla
sér fæðu sjálfur.
Selir eru óneitanlega gullfalleg dýr sem gleðja sérhvert auga. Ekki var að sjá annað en
að urtan Kobba væri hæstánægð og stolt af litla afkvæminu sínu.
„Ronaldinho hvað?" spyrja skrautfiskarnir. Gullfiskaeigendum þætti eflaust ekki amalegt að eiga fiskabúr í líki knattspyrnuvallar.
Dýrín
ogHM
Dýrin hafa ekki farið varhluta
af heimsmeistaramótinu í knatt-
spyrnu sem hefst 1 Þýskalandi 1 dag.
Þessar tvær myndir voru teknar í
sjávardýragarðinum Sea Paradise í
Hakkeijima í Japan í gær.
Á myndinni að ofan má sjá inn
í fiskabúr sem hefur verið hannað
i líki knattspyrnuvallar og í þvi
synda bláir og svartir skrautfiskar.
Japanska landsliðið leikur í bláum
búningum og eiga bláu fiskarnir
því að tákna Japan en svörtu fisk-
arnir andstæðinga þeirra. Þá er
búið að koma fyrir rauðum „bolta“
sem fiskarnir færa til þegar þeir
synda á hann.
Á neðri myndinni má sjá greif-
ingjahundinn Rommel í japanska
landsliðsbúningnum. Rommel
er, eins og nafnið gefur til kynna,
nefndur eftir þýska eyðimerkurref-
inum Erwin Rommel og er hundur-
inn lukkudýr japanska landsliðsins
á HM. Eigandi hans er Hideto Tes-
hima, fjölmiðlafulltrúi japanska
landsliðsins, og hér er hann að viðra
Rommel í þýsku borginni Bonn þar
sem Japanir eru við æfingar.