blaðið - 15.08.2006, Blaðsíða 4

4 I FRÉTTIR
ÞRIÐJUDAGUR 15. ÁGÚST 2006 blaöiö
Offita:
Fleiri feitir
en vannærðir
mbl.is Fleiri einstaklingar eru
nú of þungir en vannærðir á
jörðinni, samkvæmt því sem
fram kom á landbúnaðarhag-
fræðiráðstefnu í Brisbane
í Ástralíu í dag. Bandaríski
prófessorinn Barry Popkin segir
hlutfallið á milli vannærðra og
of feitra hafa breyst mjög hratt á
undanförnum árum enda fjölgi
of feitum einstaklingum jafnt
og þétt á sama tíma og van-
nærðum einstaklingum fækki.
Þetta kemur fram á fréttavef
Jyllands-Posten.
Popkin segir 8oo milljón
manns nú vera vannærða í heim-
inum en að rúmlega milljarður
manns sé of feitur. Þá segir hann
engu landi í heimunum hafa
tekist að koma í veg fyrir fitufar-
aldur með batnandi lífskjörum.
Popkin nefndi Kína sem dæmi
um land þar sem margir hafi
verið vannærðir fyrir nokkrum
árum en þar séu nú margir of
feitir og sagði hann að rekja
mætti breytinguna í líkams-
þyngd Kínverja bæði til þess að
þeir stundi nú mun áreynslu-
minni vinnu en áður og þess að
þeir hafi til skamms tíma nærst
á hrísgrjónum og grænmeti
en nærist nú helst á kjöt- og
feitmeti.
Málshöfðunarréttur feðra í barnalögunum:
Eiginmenn teljast feður
annarra manna barna
■ Möguleiki á hefnd gegn barnsföður ■ Eiginmaður telst sjálfkrafa faðir barns
■ Komið í veg fyrir tilhæfulausar málshöfðanir, segir skrifstofustjóri dómsmálaráðuneytisins
Eftir Trausta Hafsteinsson
trausti@bladid.net
„Barnalögin gera ráð fyrir að ef kona
er í hjónabandi þá teljist eiginmaður
hennar sjálfkrafa faðir barnsins. Þá
skiptir engu hvort konan hafi haldið
við annan mann sem er í raun blóð-
faðir barnsins,” segir Gísli Gíslason,
formaður Félags ábyrgra feðra.
Mikil umræða varð á Alþingi
fyrir nokkru um málshöfðunarrétt
í faðernismálum. Loks var samþykkt
sú meginregla að rétturinn sé ein-
skorðaður við það að barn sé ófeðrað.
Þannig getur kona raunverulega
hefnt sín á fyrrum sambýlismanni
með því að stofna til hjúskapar með
öðrum manni fyrir fæðingu barns-
ins og sá yrði um leið skráður faðir
barnsins. Einnig getur eiginmaður
útilokað blóðföður barns sem getið
er með framhjáhaldi eiginkonunnar.
„I hefndarskyni getur kona jafn-
framt hefnt sín á manni sem hún
slítur sambandi við og er þunguð
eftir hann, með því að hefja sambúð
eða ganga í hjónaband með öðrum
manni áður en barnið fæðist. Með
þessu yrði blóðfaðir barnsins rétt-
laus til málshöfðunar þar sem barnið
væri ekki ófeðrað.”
Haukur Guðmundsson, skrifstofu-
stjóri hjá dómsmálaráðuneytinu,
telur að það myndi reyna á þanþol lag-
anna ef kona myndi gera blóðföður
réttlausan með þeim hætti að stofna
til hjúskapar með öðrum manni fyrir
fæðingu barnsins.
„Það liggur fyrir í barnalögunum
að ef barn er feðrað í hjúskap telst
eiginmaðurinn faðir barnsins, þó
svo að konan haldi við annan mann.
Blóðfaðir hefur því ekki rétt til máls-
höfðunar en aftur á móti er ákvæði
BARNALÖGIN 2003
Til eru
dæmi um
tilhæfulausar
málshöfðanir.
Haukur
Guðmundsson
Skrifstofustjóridóms-
málaráðuneytisins
í lögunum sem heimilar barninu
sjálfu að stefna vegna faðernis,” segir
Haukur.
Skiptir engu
hvort konan '
hafi haldið við
annan mann.
Gisli Gislason,
formaður Félags
ábyrgra feðra
höfðað mál gegn hverjum sem er og
til eru dæmi um algjörlega tilhæfu-
lausar málhöfðanir.”
2. gr. Feðrunarreglur um börn hjóna og
foreldra i skráðri sambúð.
Eiginmaður móður barns telst faðir þess
ef það fæðist í hjúskap þeirra. Hið sama
gildir ef barn er fætt svo skömmu eftir
hjúskaparslit að það sé hugsanlega
getið i hjúskapnum. Þetta gildir þó ekki
ef hjónin voru skilin að borði og sæng
á getnaðartíma barnsins eða ef móðir
þess giftist eða skráir samþúð sína í
þjóðskrá með öðrum manni fyrir fæð-
ingu þarnsins.
„Megintilgangur takmörkunar á
málshöfðunarréttinum við ófeðruð
börn er að koma í veg fyrir tilhæfu-
lausar málshöfðanir. Ef opnað er
fyrir málshöfðunarréttinn í faðern-
ismálum þá getur í raun hver sem er
„Það er tilhneiging hjá dómstólum
að túlka lögin með rúmum hætti
í svona málum og það sama á við
um þetta. Það er spurning hvernig
dómstólarnir myndu taka á því ef
kona gengur í hjónaband við annan
mann og gerir blóðföður réttlausan
ef það liggur fyrir að þau hafi átt í
sannanlegri sambúð á þeim tíma
sem barnið kemur undir,” bætir
Haukur við.
„Eftir námiö gat
„Eftir að ég kláraði Skrifstofu- og tölvunámið hjá NTV í haust
hefur Irfið verið ævintýri líkast. Ég starfaði áður á leikskóla en
gat eftir námið valið á milli þriggja starfa. í dag hef ég tvöfalt
hærri tekjur fyrir sama vinnutíma. Þetta nám er langbesta
fjárfesting mín hingað til og hefur breytt öllu fyrir mig og
börnin mín. Takk fyrir mig NTV!“
niv.is s
Innritun og skráning í síma 544 4500 og á www.ntv.is
Erlendir ökuþórar:
Sleppa við ökuleyfissviptingu
vegna slakra milliríkjasamskipta
Eftir Höskuld Kára Schram
hoskuldur@bladid.net
Erfiðleikar við að fylgja refsingu eftir
milli landa gera það að verkum að
útlendingar sleppa við ökuleyfissvipt-
ingu að sögn lögreglustjórans á Hvol-
svelli. Hann segir þó um undantekn-
ingartilvik að ræða. Tveir erlendir
ferðamenn voru mældir á yfir 150
km hraða á Suðurlandsvegi í síðustu
viku. Báðir sluppu við ökuleyfissvipt-
ingu en samkvæmt reglugerð hefðu
þeir átt að missa ökuleyfið í einn til
tvo mánuði.
„Útlendingar komast hjá ökuleyfis-
sviptingu þegar ljóst þykir að erfitt
getur verið að ljúka málinu með góðu
móti hér heima,“ segir Kjartan Þor-
kelsson, lögreglustjóri og sýslumaður
á Hvolsvelíi. „Menn eru kannski að
fara af landi brott og því erfitt að
fylgja málum eftir. Það er jafnvel
hætt við því að þau falli hreinlega
niður.“ Lögreglan á Hvolsvelli stöðv-
aði í síðustu viku tvo erlenda ferða-
menn vegna hraðaksturs. Mældist
annar þeirra á 153 km hraða en hinn
á 162 km hraða. Báðir viðurkenndu
brot sitt og greiddu sekt á staðnum.
Annars vegar 37.500 krónur og hins
vegar 45 þúsund krónur.
Samkvæmt reglugerðum ber að
svipta ökumenn ökuleyfi í einn til
tvo mánuði aki þeir yfir 150 km
hraða þar sem hámarkshraði er 90
km. í áðurnefndum tilvikum voru er-
lendu ferðamennirnir þó ekki sviptir
ökuleyfum.
Að sögn Kjartans er það misjafnt
eftir löndum hvernig gengur að fylgja
málum eftir. „Ef um Norðurlandabúa
er að ræða þá er hægt að senda málin
á milli landa. 1 öðrum tilvikum getur
það verið mjög snúið."
Samkvæmt upplýsingum frá lög-
reglunni í Reykjavík er það undir
hælinn lagt hvernig gengur að
fylgja refsingu eftir milli landa. I
gildi eru tvíhliða samningar milli
Islands og fjölmargra landa sem
kveða á um fullnustu refsingar. En
þó samningar þessir séu til staðar
eru þeir ekki alltaf virkir. Þannig
getur það reynst erfitt að láta
ökuleyfissviptingu gilda eftir að
einstaklingur er farinn úr landi.
I sumum löndum séu allt önnur
umferðarlög í gildi og leyfilegur
hámarkshraði mun meiri en hér. í
þeim tilvikum er nánast ómögulegt
samkvæmt lögreglunni í Reykjavík
að krefjast þess að ökuleyfissvipt-
ing haldi.