blaðið - 15.08.2006, Blaðsíða 6

6 I FRÉTTIR
ÞRIÐJUDAGUR 15. ÁGÚST 2006 blaöiö
Steypubíll:
Valtí
hringtorgi
Óhapp varð við hringtorgið
á Reyðarfirði er steypubíll frá
BM Vallá fór á hliðina þar í gær-
morgun og lokaði að mestu fyrir
umferð þar sem hann lá.
Að sögn starfsmanns BM
Vallár sakaði bílstjórann ekki
við byltuna en hann mun hafa
farið of geyst í hringtorgið og er
hann áttaði sig á því og brems-
aði kom kast á steypuna inni í
tromlu bílsins og við það valt
hann á hliðina.
írak:
Iranar vopna
vígamenn sjíta
Bandaríski herinn telur sig
hafa sannanir fyrir því að
vígamenn úr röðum sjíta í írak
fái vopn og þjálfun frá Irönum
en þorir ekki að fullyrða hvort
sjálf klerkastjórnin í Teheran
sé viðriðin málið. Þetta kom
fram á blaðamannafundi hjá
William Caldwell herforingja
í gær. Caldwell segir að íranar
láti sjítana fá búnað og tækni
sem er notuð við smíði heima-
tilbúinna sprengja en þær hafa
verið mikið notaðar í skálmöld-
inni sem ríkir á milli sjita og
súnníta í írak.
Fyrir stuttu sakaði Zalmay
Khalilzad, sendiherra Banda-
ríkjamanna í Irak, írana um að
hvetja sjíta til að gera árásir á
bandaríska hermenn í landinu
til þess að hefna fyrir stuðn-
ing stjórnvalda í Washington
við hernaðaraðgerðir Israela
gegn skæruliðum Hizbollah í
Líbanon. Caldwell sagði að ljóst
væri að þau vopn sem sumir
vígamanna sjíta notuðu hefðu
verið framleidd i íran á síðustu
þremur árum en þrátt fyrir það
vildi hann ekki fullyrða um
hvort írönsk stjórnvöld ættu
beina aðild að málinu.
Sjálfsmorðsárás Frá vettvangi íKolombó gær. Sjálfsmorðs-
sprengjumaður gerði banatilræði við pakistanska sendiherrann.
Srí Lanka
■ Rúmlega 60 létust og 150 særðusf ■ Pakistanski sendihCTrWlifðiaFsprengjuárás
Harðnandi átök Hjátparstarfsmenn að störfum eftir sprengjuárás stjórnarhers-
ins. Tamílsku Tígrarnir segja að árásin hafi verið gerð á munaöarleysingjahæli.
Eftir Örn Arnarson
orn@bladid.net
Hörð átök geisuðu á Srí Lanka í gær
en átökin á milli stjórnarhersins og
tamílsku Tígranna fara harðnandi
frá degi til dags. Tamílsku Tígr-
arnir sökuðu stjórnarherinn um að
hafa gert sprengjuárás á munaðar-
leysingjahæli í Mullaitivu-héraði í
norðurhluta landsins með þeim af-
leiðingum að 61 skólabarn lét lífið
og um 150 særðust. Tilræðinu var
beint gegn lífi sendiherra Pakist-
ana í höfuðborg landsins sama dag.
Hann slapp lifandi.
Talsmaður stjórnarhersins neitar
að árásin hafi verið gerð á munað-
arleysingjahæli og segir að herinn
hafi haft njósnir um að uppreisn-
armenn hefðust við á staðnum
þar sem loftárásin var gerð. Associ-
ated Press-fréttastofan hefur eftir
ónefndum starfsmanni Norrænu
friðargæslunnar að svo virðist sem
skotmark stjórnvalda hafi verið
heimili fyrir nemendur á aldrinum
sautján til tuttugu ára. Breska ríkis-
útvarpið, BBC, hefur eftir Þorfinni
Ómarssyni, talsmanni Norrænu
friðargæslunnar, að henni hafi bor-
ist kvörtun frá tamílsku Tígrunum
vegna árásarinnar og fulltrúar
hennar væru á leið á svæðið til þess
að rannsaka hvað væri hæft ásök-
unum uppreisnarmanna.
Síðar um daginn var sjálfsmorðs-
árás gerð í Kólombó, höfuðborg
landsins. Árásin var gerð á bílalest
Bashir Wali Mohamed, sendiherra
Pakistana í landinu. Sendiherrann
var á leið frá athöfn í tengslum
við þjóðhátíðardag Pakistans.
Mohamed slapp lifandi úr hildar-
leiknum en sjö létust í tilræðinu og
aðrir tíu særðust alvarlega. Sjálfs-
morðsárásin var gerð rétt við bú-
stað Mahinda Rajapakse, forseta
landsins. Þetta er í fyrsta sinn sem
tilræði er gert við fulltrúa pakist-
anskra stjórnvalda í landinu, en Pak-
istanar styðja dyggilega við bakið á
stjórnvöldum á Srí Lanka og sjá
þeim meðal annars fyrir vopnum.
Mohamed sagðist í viðtali við BBC
í gær vera sannfærður um að árásin
hafi beinst gegn honum vegna stuðn-
ings Pakistana við stjórnvöld á Srí
Lanka í baráttu þeirra gegn hryðju-
verkamönnum tamílsku Tígranna.
Stjórnvöld á Srí Lanka gruna einnig
uppreisnarmenn Tamíla um verkn-
aðinn. Tígrarnir höfðu ekki lýst til-
ræðinu á hendur sér í gær en að und-
anförnu hafa þeir ítrekað hvorki
neitað né viðurkennt að hafa átt
aðild að árásum.
Átök á milli stjórnarhersins og ta-
mílsku Tígranna hafa farið harðn-
andi undanfarið og mannfall auk-
ist. Vopnahlé hefur ríkt í landinu
frá árinu 2002 en þrátt fyrir það
geisa hörð átök á milli stjórnarhers-
ins og tamílsku Tígranna. Síðasta
hrina átakanna hófst í síðasta mán-
uði og segja talsmenn hjálparsam-
taka sem starfa í landinu að um 100
þúsund manns séu á vergangi.
AfViv.f
Skeifan 8 - s. 568 2200 - Smáralind - s. 534 2200
www.babysam.is
Himingeimurinn:
Fundað um örlög Plútó
Um þrjú þúsund stjarneðlisfræð-
ingar munu hittast í Prag í Tékk-
landiívikunniávegumAlþjóðasam-
taka stjarneðlisfræðinga til þess að
taka endanlega ákvörðun um hvort
skilgreina eigi hnöttinn Plútó sem
reikistjörnu eða ekki. Hingað til
hefur hnötturinn Plútó, sem var
uppgötvaður árið 1930, verið tal-
inn til einna af reikistjörnunum en
undanfarin ár hafa þær raddir sem
telja þá skilgreiningu fráleita gerst
háværari. Hnötturinn hafi aðeins
einn fjögurhundraðasta af massa
jarðarinnar og eigi lítið skylt við
reikistjörnur eins og Júpiter, Sat-
úrnus, Úranus og Neptúnus.
Deilan um Plútó hefur harðnað
á síðustu árum ekki síst í kjölfar
þess að fleiri íshnettir á jaðri sól-
*
Reikistjarna eða ekki
Deilt er um stöðu Plútó
kerfisins sem eru stærri en hinn
umdeildi hnöttur hafa uppgötvast.
Árið 2003 uppgötvaðist hnöttur
sem fékk nafnið Xena og er hann
líkur Plútó og telja margir að hann
eigi jafnmikla heimtingu á því að
vera skilgreindur sem reikistjarna
og Plútó. Aðrir telja réttast að lækka
Plútó í tign.
Á ráðstefnunni munu stjarneðl-
isfræðingarnir reyna að koma sér
saman um endanlega skilgreiningu
á reikistjörnu. Hugsanlegt er að
tekin verði ákvörðun um skilgrein-
ingu sem Plútó og Xena falla ekki
undir og mun þá reikistjörnum
sólkerfisins „fækka.” Hinsvegar
er talið líklegt að stjarneðlisfræð-
ingarnir komi sér saman um að
skilgreina nýjan flokk af hnöttum
sem eru frábrugðnir hefðbundnum
reikistjörnum.