blaðið - 15.11.2006, Blaðsíða 4

4 MIÐVIKUDAGUR 15. NÓVEMBER 2006
blaðið
íslensk kvikmyndagerð efld
Menntamálaráðherra og fjármálaráðherra
skrifuðu ásamt fulltrúum Samtaka kvikmynda-
gerðarmanna undir samkomulag tll næstu
fjögurra ára um eflingu íslenskrar kvikmynda-
gerðar. Áhersla verður lögð á fjölskyldumyndir.
NEYTENDASAMTÖKIN
Engar upplýsingar um ökuþóra
„Óskað er eftir persónuupplýsingum en það er ekki hlutverk
tryggingafélaga að refsa fólki," segir Jóhannes Gunnarsson,
formaður Neytendasamtakanna. Samtökin lýstu í gær and-
stöðu sinni við þær hugmyndir að tryggingafélög fái aðgang
að uþþlýsingum hjá lögreglunni um umferðarlagabrot.
STROKUFANGI
Slapp úr héraðsdómi
Fanginn ívar Smári Guðmundsson strauk úr haldi lögregl-
unnar í Héraðsdómi Reykjavíkur í gær. Hann var klæddur
í svartan stuttermabol og græna hettupeysu. ívar er að
afplána 20 mánaða dóm á Litla-Hrauni vegna fikniefnabrota.
Lögreglan leitar hans og er í síma 444-1000.
Prófkjör Samfylkingarinnar í Reykjavík var um liðna helgi.
Frambjóðendur háðu harða baráttu, en hverju kostuðu þeir til?
ÁGÚST ÓLAFUR ÁGÚSTSSON
ALÞINGISMAÐUR 4. SÆTI
Hver var kostnaður þinn við prófkjörsbaráttuna?
Ég er ekki ennþá búinn að taka það saman. í fyrstu sýnist mér
það vera þrjár milljónir.
Hverjir voru heistu styrktaraðilar þfnir í baráttunni?
Það voru vinir og vandamenn. Ég þáði enga styrki frá
fyrirtækjum.
Hefur verið gerð grein fyrir launum starfsmanna
á þínum vegum?
Ég var ekki með neina starfsmenn á mínum vegum.
HELGI HJÖRVAR
ALÞINGiSMAÐUR 5. SÆTI
Hver var kostnaður þinn við prófkjörsbaráttuna?
Kostnaðaráætlun gerði ráö fyrir fjórum og hálfri milljón.
Ég vænti þess að lokaniðurstaða verði í námunda við það.
Hverjir voru helstu styrktaraðllar þfnlr í baráttunnl?
I gegnum þersónulega vini kom helmingur og annað eins frá
ýmsum fyrirtækjum, einkum í fjármálastarfsemi.
Hefur verið gerð grein fyrir iaunum starfsmanna
á þinum vegum?
Við stofnuðum stuðningsmannafélag sem sér um það. Það mun
skila Samfylkingunni reikningum og auðvitað gefa upp laun.
ÁSTA RAGNHEIÐUR JÓHANNESDÓTTIR
ALÞINGISMAÐUR 6. SÆTI
Hver var kostnaður þinn við prófkjörsbaráttuna?
Það er ekki komið í Ijós en það er á milli 1,5 og tvær milljónir.
Hverjlr voru helstu styrktaraðilar þínir f baráttunni?
Ég borga þetta sjálf og síðan lögðu stuðningsmenn, vinir og
vandamenn í baukinn.
Hefur verið gerð grein fyrir launum starfsmanna
á þínum vegum?
Ég hef ekki borga ðnein laun en fengið ómetanlega hjálp.
MÖRÐUR ÁRNASON
ALÞINGISMADUR 7. SÆTI
Hver var kostnaður þlnn við prófkjörsbaráttuna?
Hann er um tvær milljónir.
Hverjir voru helstu styrktaraðilar þinir í baráttunni?
Að langmestu leyti eigið fé með stuðningi fjölskyldu og vina.
Hefur verið gerð grein fyrir launum starfsmanna
á þfnum vegum?
Nei, enda ekki um neina starfsmenn að ræða. Kosningastjórinn
vann sitt starf í sjálfboðavinnu enda eiginkona mín.
Varaborgarfulltrúi verktaki við skipulagsmál:
Segi ekki af mér
Gengur þvert gegn verkaskiptingu Eiga að sinna eftirliti
Slippurinn víkur Óskar Bergsson
framsóknarmaður leiöir uppbyggingu
á hafnarsvæðinu næstu tólf mánuðina
Starfið var ekki augiýst.
Eftir Ingibjörgu B. Sveinsdóttur
ingibjorg@bladid.net
„Þetta gengur þvert gegn allri hugsun
um verkaskiptingu stjórnmála-
manna og embættismanna,” segir
Dagur B. Eggertsson, borgarfulltrúi
Samfylkingarinnar, um ráðningu
Óskars Bergssonar, varaborgarfull-
trúa Framsóknarflokksins, sem
verkefnastjóra við uppbyggingu
Mýrargötusvæðisins.
„Þetta er tímabundin verkefna-
stjórn sem ég tek að mér fyrir Fram-
sóknarflokkinn. Ég tel að þetta hafi
ekki áhrif á störf mín sem varaborg-
arfulltrúi hjá Reykjavíkurborg,”
segir Óskar aðspurður hvort hann
hyggist segja af sér.
Gísli Gíslason hafnarstjóri segir
Óskar hafa verið ráðinn eins og hvern
annan ráðgjafa til hafnarinnar. „Það
var gengið frá þessu í lok september.
Vinnan við Mýrargötuskipulagið
er mjög flókið verkefni og mitt mat
var að Óskar hefði mikla kosti til að
vinna með okkur í þessu. Það var
Hefurekki
áhrifá
störfmín
Óskar Bergsson,
varaborgarfulltrúi
ákveðið í hafnarstjórn að setja aukið
vægi í þessa vinnu. Maður reynir að
finna í þessi verkefni þá sem maður
telur að nái árangri.”
Að sögn hafnarstjóra er Óskar
ráðinn sem verktaki til tólf mánaða
til að byrja með. „Hann mun skila
ákveðnum tímum i tengslum við
það.”
Óskar segir að hann hafi verið
beðinn í haust að taka að sér það
verkefni að klára málið. „Ég hef
bæði þekkingu og reynslu af skipu-
lags- og byggingarmálum. Ég er
húsasmíðameistari og rekstrarfræð-
ingur. Það er ekki fulllaunað starf
að vera varaborgarfulltrúi,” leggur
Óskar áherslu á.
Dagur B. Eggertsson telur málið
vera á mjög gráu svæði. „Okkur
stjórnmálamönnum er ætlað að
hafa eftirlit með stjórnsýslunni og
framkvæmd þeirra verkefna sem
við erum að fjalla um. í því skyni
sitjum við í ýmsum nefndum og
starfshópum og stýrum málum án
þess að fá greitt fyrir það aukalega.
Þegar Helgi Pétursson var borgarfull-
trúi var hann ráðinn til Orkuveitu
Reykjavíkur. Hann hætti sem borgar-
fulltrúi vegna þessara sjónarmiða.”
Dagur hefur beðið um að samning-
urinn sem gerður var við Óskar verði
lagður fram á næsta fundi hafnar-
stjórnar. „Ég á ekki von á öðru en að
það verði gert.”
Angela Merkel kanslari Þýskalands:
Segist vera lélegur bílstjóri
Angela Merkel, kanslari Þýska-
lands, hefur viðurkennt að hún sé
sérstaklega lélegur ökumaður og
að hún hafi þurft þrisvar sinnum
fleiri ökutíma en meðalmaður
áður en kennarinn hleypti henni í
prófið. Þetta kemur fram í viðtali
við blaðið Bild am Sonntag um
helgina.
Hinsvegar þurfti hún að bíða
lengi eftir að umsókn hennar um
ökuleyfi færi gegnum embættis-
mannakerfi alþýðulýðveldisins
eftir að hún loks stóðst prófið. Það
var ekki fyrr en hún mútaði emb-
ættismanni að hún fékk skírteinið
í sínar hendur og gat hafist handa
við að sýna hversu lélegur öku-
maður hún er.
Merkel segir ennfremur í viðtal-
inu að hún, rétt eins og aðrar konur,
eigi í miklum erfiðleikum með að
leggja ökutækjum í stæði og að hún
kjósi helst að aka um á smábílum
sökum þessa.
Hreint ehf. var stofnað áriö 1983 og er eitt elsta
óg stærsta ræstingarfyrirtæki landsins.
Er HREINT hjá þínu fyrirtæki
Hreint býður upp á ókeypis ráðgjöf
Auðbrekku 8, 200 Kópavogi, simi 554 6088, hreint@hreint.is, www.hreint.is