blaðið - 23.03.2007, Blaðsíða 20

20
FÖSTUDAGUR 23. MARS 2007
blaöið
matur
matur@bladid.net
Góðir hnífar
Það er ekki sama með hverju er skorið og á öllum heimilum
ættu að vera til góðir hnífar. Þannig verður eldamennskan
skemmtilegri og auðveldari.
Safarík
Settu sítrónuna í örbyigjuofn í 15 sek-
úndur áður en safinn er kreistur úr henni,
þannig færðu tvöfalt meiri safa
Ljúffengt og
fljótlegt
Flestir sjónvarpsáhorfendur
kannast við hina líflegu Rachael
Ray sem sýnd er á Skjá 1. Ra-
chael er snillingur í eldhúsinu
og sérgrein hennar er að búa
til Ijúffenga máltíð á stuttum
tíma. Hér er girnileg uppskrift
úr hennar smiðju sem á að taka
tæplega 30 mínútur.
Heitt kjúklinga- og
spínatsalat
■ 500 g kjúklingabringur
■ 3 tsk. ólífuolía
■ 1 tsk. smjör
■ 2 skalottlaukar, smátt
saxaðir
■ 3 hvítlauksrif, smátt söxuð
■ 3 tsk. kapers, smátt saxað
■ 1/2 bolli þurrt hvítvín
■ 1 sítróna
■ 1 kg spínat, vel þvegið,
stilkar skornir af en blöðin
smátt skorin.
■ salt
■ pipar
Kryddið kjúklinginn með salti
og pipar á báðum hliðum.
Hitið upp stóra pönnu, setjið 2
tsk. af ólífuolíu og hreyfið til í
pönnunni. Setjið kjúklinginn á
pönnuna þegar olían er orðin
heit og steikið í þrjár mínútur
á hvorri hlið. Að því loknu er
kjúklingurinn fjarlægður og
látinn kólna. Bætið 1 tsk. af
olíu í sömu pönnu og hreyfið
pönnuna til. Bætið svo smjör-
inu við og bræðið. Þar næst er
skalottlaukurinn, hvítlaukurinn
og kapersið sett á pönnuna og
látið krauma í 5 mínútur. Bætið
hvítvíninu við blönduna og
lækkið hitann í 30 sekúndur.
Safinn úr einni sítrónu er settur
í pönnuna og spínatið strax á
eftir, í hrúgu á pönnuna. Það
verður ekki mögulegt að koma
öllu spínatinu fyrir. Haldið
áfram að snúa spínatinu og
hræra í blöndunni þar til allt
spínatið kemst fyrir og takið
pönnuna af hitanum. Hafið
hluta spínatsins stökkt og
kryddið salatið með salti og
pipar. Skerið kjúklinginn niður
í litla bita og bætið honum við
heitt salatið, blandið saman.
Gufusoðin bleikja með grænmeti
4 litlar gulrætur
1 kúrbftur
1 rauðlaukur
3 sellerístangir
5 söxuð hvítlauksrif
10 g af smjöri og ólífuolíu
1 glas af hvítvíni (Alsace-Gentil Hugel)
500 ml kjúklingasoð
4 bleikjuflök (ca. 120 g hvert)
niðurskorin basillauf
ferskur sítrónusafi
10 g smjörklípa
Fyrst eru gulræturnar flysjaðar og niðursneiddar,
svo er 2/3 af kúrbít skorinn í sneiðar og svo í
fernt. Einn rauðlaukur er skorinn í sneiðar og sell-
erístangir í bita. Hvítlauksrifin eru hituð í 10 g .af
smjöri og ólífuolíu og þegar hann er farinn að steikj-
ast er grænmetinu skellt út á. Steikt í smástund
þar til það er gljáandi og þá er eitt glas af góðu
hvítvíni sett út á grænmetið og soðið niður. Svo er
kjúklingasoði hellt yfir. Saltað, piprað og soðið nær
alveg niður- þannig að vökvinn rétt umlyki græn-
metið. Svo er fjórum bjeikjuflökum raðað ofan á.
Saltað, piprað og niðurskornum basillaufum dreift
yfir. Lækkið hitann og látið malla í um það bil 7-10
mínútur með lokið á eða þar til bleikjan er tilbúin.
Þá er hún lögð á diska og smávegis af ferskum
sítrónusafa er kreist yfir. Því næst er örlftil smjör-
klípa (10 g) sett út í grænmetið/soðið á pönnunni
og hitað hratt upp aftur. Við þetta þykkist sósan og
verður gljáandi og falleg. Grænmetinu og sósunni
er síðan dreift yfir fiskinn og er þetta borið fram
með hrísariónum oa smábrauðhleif.
Ragnar Freyr heldur úti heimasíðu sem fjallar um matargerð
nautnaseggur
Mikill
Ragnar Freyr Ingvars-
son læknir er mikill
ástríðukokkur og
heldur út i heimasíðu
þar sem hann setur
inn uppskriftir að til-
raunum sinum í eld-
húsinu. Ragnar segir matargerð vera
hálfgert fjölskylduáhugamál en hann
hefur haft áhuga á mat og matargerð
síðan hann var unglingur. „Foreldrar
mínir eru mjög skapandi í eldhúsinu
og hafa verið alla sína búskapartíð.
Þau fóru í gegnum mörg tilraunaskeið
í eldamennskunni og það má segja að
þetta hafi smitast yfir á mig og bróður
minn sem er mikill áhugakokkur. Við
erum öll miklir nautnaseggir."
Tók að mér eldhúsið
„Ég byrjaði að elda heima á ung-
lingsaldri og svo eldaði ég vitan-
lega eftir að ég fór að búa. Ég tók
eiginlega að mér eldhúsið í mínum
búskap og hef að miklu leyti séð
um það þótt konan mín sé mjög
liðtækur kokkur,“ segir Ragnar og
bætir við að konan sé mjög sátt
við það fyrirkomulag. „Ég elda
um það bil 4-5 sinnum í viku, svo
framarlega sem ég er ekki á vakt.
Italskur matur er mjög vinsæll á
mínu heimili þó að ég sé alltaf að
reyna að elda eitthvað annað. Ein-
hvern veginn dett ég alltaf aftur í
ítalska eldamennsku auk þess sem
ég er hrifinn af matarbræðingi
(fusion). Ætli uppáhaldsmaturinn
sé ekki fyllt lambalæri. Það fer al-
veg eftir því hvað ég á til hvað ég
nota í fyllingu en ég vel gjarnan
ferskar kryddjurtir, hvítlauk, ost
og einhver ber eða ávexti.“
Gott að borða
Ragnar segist yfirleitt ekki fara
eftir uppskriftum nema hann
baki kökur eða þess háttar. „Ég
les mikið af matreiðslubókum
mér til skemmtunar og svo elda
ég yfirleitt eftir minni úr bókum
þannig að úr verður einhvers kon-
ar sambræðingur,“ segir Ragnar
og hlær. „Það klúðrast oft en það
gerist sífellt sjaldnar, einhvern veg-
inn lærist þetta smátt og smátt.“
Aðspurður hvað sé svona ánægju-
legt við að elda segir Ragnar að
það sé hreinlega svo gott að borða.
„Það er betra að borða það sem ég
hef eldað sjálfur og mér finnst
það meira verðlaunandi. Það er
skemmtilegt og afslappandi að
elda auk þess sem það dreifir hug-
anum. Svo er enn betra að borða
og njóta þess, sérstaklega ef mað-
ur veit hve mikið maður hefur lagt
í eldamennskuna."
Ragnar lætur fylgja með eina
ljúffenga uppskrift af heimasíðu
sinni en áhugasamir geta fundið
fleiri uppskriftir á www.ragnar-
freyr.blog.is.
Opiðvirkadagafrákll0-18:30 Laugardaga fráklll-17 Grensásvegi48 Búðarkórl gallerikjot.is

Helgartilboð
T-Bone steiká pönnuna eða í ofninn
á aðeins 2990.- kr.kg

KJÖT