blaðið - 23.03.2007, Blaðsíða 4

4 FÖSTUDAGUR 23. MARS 2007
blaðið
INNLENT
HÆSTIRÉTTUR
lceland Express greiðir bætur
Hæstiréttur dæmdi í gær flugfélagið lceland
Express til að greiða auglýsingastofunni Himinn
og haf rúmlega 8,5 milljónir króna vegna vangold-
inna greiðslna fyrir vinnu auglýsingastofunnar í
þágu flugfélagsins árið 2005.
HÆSTIRÉTTUR
Sýknaði mann af ákæru um innbrot
Hæstiréttur sýknaði karlmann af ákæru fyrir að hafa
brotist inn í Skíðaskálann í Hveradölum í félagi við konu
og stolið verðmæti. Héraðsdómur dæmdi manninn í eins
mánaðar fangelsi og sneri Hæstiréttur því dómnum. Maður-
inn neitaði sakargiftum og barvið minnisleysi.

Enska úrvalsdeildin og Formúla 1 á Sýn
Sjónvarpsstöðin Sýn hefur tryggt sér sýningarréttinn
á Formúlu 1 og ensku úrvalsdeildinni næstu þrjú árin.
Formúla 1 byrjar á Sýn í janúar 2008 og verða keppnir
og tímatökur sýndar í opinni dagskrá. 365 ætlar að
læsa útsendingum Sirkuss frá og með næsta mánudegi.
Sundabraut:
Aðalfundur Samtaka verslunar og þjónustu:
Fundað með
ráðherrum
„Það er búið að bíða lengi eftir
Sundabraut og það þarf aðila
sem kveðst tilbúinn að gera þetta
allt til að málið komist á rekspöl,“
segir Björn Ingi Hrafnsson,
formaður stjórnar Faxaflóahafna.
Björn Ingi mun í dag
fimda með Geir Haarde
forsaetisráðherra og Sturlu
Böðvarssyni samgönguráðherra
um þann vilja Faxaflóahafna að
ljúka byggingu Sundabrautar i
einum áfanga. Björn segir koma
til greina að stofna félag í eigu
Faxaflóahafna um verkefnið.
Fordæmi séu fyrir slíku.
Ár í fangelsi:
Sló með kylfu
í höfuð og fót
Hæstiréttur staðfesti í gær
dóm Héraðsdóms Vesturlands
yfir karlmanni sem dæmdur
var í tólf mánaða fangelsisvist
fyrir h'kamsárás á heimili
fórnarlambs síns. Hinn dæmdi
réðst inn á heimili mannsins
á haustmánuðum 2005, sló
hann að minnsta kosti tvisvar
í höfuðið og tvisvar í fót með
stálkylfu og beit hann að auki
í löngutöng hægri handar.
Dómnum þótti eins árs fang-
elsisvist hæfileg refsing, þar sem
maðurinn hafði einnig rofið
skilorð eldri dóms sem kvað á
um þriggja mánaða fangelsi.
Kosningabaráttan hafin
■ Breytingar í landbúnaöi ■ Andstaða viö smásölu léttvíns og bjórs ■ Fleiri og lengri jarögöng
Eftir Heiðu Björk Vigfúsdóttur
heida@bladid.net
Samfylkingin er eini flokkurinn sem
vill að næstu skref til lækkunar mat-
vælaverðs á Islandi verði niðurfelling
innflutningsverndar á landbúnaðar-
vörum. Þingflokkur hennar var jafn-
framt eini þingflokkurinn sem mun
leggja áherslu á að þau skref verði
tekin á næsta ári. Formenn þingflokk-
anna komu saman í gær þar sem
þeir sátu fyrir svörum á aðalfundi
Samtaka verslunar og þjónustu um
hagsmunamál tengd iðnaðinum. Bar
aðalfundurinn yfirskriftina „SVÞ og
stjórnmálaflokkarnir - Eigum við
samleið?" Sagði Brynjólfur Bjarna-
son, varaformaður stjórnar SVÞ, að
félagið vildi tryggja góða og málefna-
lega umræðu fyrir kosningar.
Innflutningstollar lækki
Samfylkingin vill lækka innflutn-
ingstolla um helming strax á næsta
ári og fella þá niður í áföngum í sam-
ráði við bændur. Ingibjörg Sólrún
Gísladóttir, formaður Samfylkingar-
innar, sagði á fundinum að þau telji
að það sé tímabært að taka landbún-
aðarkerfið almennt til endurskoð-
unar og að stjórnvöld hefðu misst af
góðum tækifærum til þess.
Jón Sigurðsson, iðnaðar- og við-
skiptaráðherra og formaður Fram-
sóknarflokksins, sagði að það væri
erfitt að ná nákvæmlega sama verð-
lagi og tiðkast í mörgum löndum
meðal annars vegna flutnings- og
geymslukostnaðar á íslandi. Hann
sagði að það væri full ástæða til þess
að gera sér grein fyrir því að breyt-
ingar verði á næstu misserum sem
tækju gildi yfir nokkur ára tímabil.
Geir H. Haarde, forsætisráðherra og
formaður Sjálfstæðisflokksins, sagði
Aðalfundur Samtaka versl
unar og þjónustu í gær
Formenn þingflokkanna
svöruðu spurningum um
hagsmunamál verslunar og
þjónustu. BMiS/Frikki
að slíkar breytingar gætu ekki orðið
næsta skref. Sagði hann, eins og Jón,
að brey tingar væru framundan í land-
búnaði en gætu ekki gerst á einu ári.
Steingrímur J. Sigfússon, formaður
Vinstri grænna og fyrrverandi land-
búnaðarráðherra, sagði að beinn
framleiðslutengdur styrkur þyrfti að
víkja.
Sjálfstæðisflokkurinn
vill vín í verslanir
Smásala á léttvíni og bjór í al-
mennum verslunum var ein af þeim
spurningum sem lagðar voru fyrir
formennina. Sjálfstæðisflokkurinn
er sá eini sem er fylgjandi því en
Samfylkingin gaf ekki upp afstöðu
þar sem skiptar skoðanir eru um
málið innan flokksins. Geir sagði
að aðgengi að áfengi væri nú þegar
mjög mikið og sagði breytt sölufyr-
irkomulag vera hluta af því að færa
ísland í nútímann.
Stuðningur við útvistun opin-
berrar þjónustu og frekari flutning
verkefna frá ríkinu til einkaaðila er
meðal Framsóknarflokks, Sjálfstæð-
isflokks og Samfylkingar. Frjálslyndi
flokkurinn vill ræða útvistunina
á víðari grundvelli en styður flutn-
ing verkefna. Hjá Vinstri grænum
er ekki stuðningur við þetta, meðal
annars þar sem þetta hefur ekki
verið rætt mikið og er ekki á stefnu-
skrá flokksins. Afstaða Framsóknar-
flokks er sú að aukin útvistun opin-
berrar þjónustu sé sjálfsögð að því
gefnu að kostnaður verði ekki meiri
og aðgengi að þjónustunni skerðist
ekki.
Afstaða Frjálslynda flokksins er
sú að það sé margt í ríkiskerfinu
sem þurfi að athuga og endurmeta.
Finnst þeim meðal annars afar sér-
stakt að Landhelgisgæslan þurfi
að leita til Færeyja eftir olíu vegna
virðisaukaskattsins.
Félag dúldagninga- og
veggfóörarameistara
LÁTIÐ FAGMANN
VINNA VERKIÐ!
- Dúkalögn
- Veggfóörun
- Teppalögn
dukur@simnet. is - www.dukur.is
(öF
ORYQGISGIRÐINGAR
Ír\
Bjóðum heildarlausnir
í girðingum, hliðum og
öðrum öryggisþáttum
ásamt uppsetningu.
Suðurhraun 2a
Símar: 544 4222 og 893 5489
Fax: 544 4221 • girding@girding.is
www.girding.is
Fréttamannafundur 1 Bagdad:
Sprengja sprakk
nærri Ki-Moon
Gera þurfti nokkurra mínútna
hlé á sjónvarpsútsendingu frá frétta-
mannafundi Ban Ki-Moon, fram-
kvæmdastjóra Sameinuðu þjóðanna,
og Nouri al-Maliki, forsætisráð-
herra íraks, eftir að sprengja sprakk
um fimmtíu metra frá byggingunni
sem hýsti fundinn á græna svæð-
inu í Bagdad, höfuðborg íraks. Ban
skýldi sér á bak við ræðupúltið eftir
að mikill hvellur skók bygginguna
þannig að bitar úr lofti salarins féllu
niður á gólf.
Framkvæmdastjóranum var
greinilega brugðið við sprenging-
una. Hann var þó tiltölulega fljótur
að ná stillingu og svaraði einni
spurningu fréttamanns til viðbótar,
áður en fundinum var slitið. Engan
sakaði afvöldum sprengjunnar, sem
var skotið inn á græna svæðið með
sprengjuvörpu. Sprengingin skildi
eftir sig rúmlega eins metra djúpa
holu í jörðinni.
Ban kom í óvænta heimsókn til
Bagdad i gær, en hún var sú fyrsta
frá því að hann tók við embætti
framkvæmdastjóra Sameinuðu
þjóðanna í ársbyrjun. Heimsóknin
hafði ekki verið auglýst.
íslendingur í Brasilíu:
Dæmdur í
3 ára fangelsi
Hlynur Smári Sigurðarson,
sem handtekinn var í Brasilíu
í júní í fyrra með það sem
talið var 2 kíló af kókaíni, var
í vikunni dæmdur i 3 ára fang-
elsi. Hlynur situr í fangelsi í
borginni Porto Seguro þar sem
hann hefur óttast um líf sitt.
Ekki verður óskað eftir því
að Hlynur afpláni refsinguna
hér á landi. Hlynur og verjandi
hans telja líkur á að aðeins þurfi
að afþlána þriðjung dómsins
. og þar sem Hlynur hafi brátt
setið í fangelsi í ár geti vistinni
lokið í vor, samkvæmt þeim
upplýsingum sem utanríkis-
ráðuneytið hefur fengið.