blaðið - 27.03.2007, Page 20

28
ÞRIÐJUDAGUR 27. MARS 2007
blaðió

menntun@bladid.net
Háskólanám með vinnu
Kynningarfundur um háskólanám með vinnu í viðskiptafræði
við Háskólann í Reykjavík verður haldinn húsnæði skólans að
Ofanleiti 2 (3. hæð) í dag klukkan 17. Forstöðumaður BS-náms
og fyrrverandi nemendur miðla af reynslu sinni.
Landakort á vefnum
Þeir sem læra landafræði geta nálgast ýmsar gagnlegar
upplýsingar á vefnum landakort.is. Þar eru birtir tenglar
í vefsjár og vefsíður sem sýna kortagögn og annað
fræðilegt efni jafnt hér á landi sem erlendis.
Milljónir barna fara á mis við menntun í heiminum
Stríð og menntun
Kynjadagar
Listaháskólans
Janfréttisnefnd Listaháskóla ís-
lands stendur fyrir kynjadögum í
skólanum dagana 27.-30. mars og
er almenningi velkomið að fylgjast
með því sem í boði er.
Gyða Margrét Pétursdóttir félags-
fræðingur heldur fyrirlestur undir yf-
irskriftinni List og húmor sem vopn
í kvennapólitískri baráttu í Skipholti
1 í dag klukkan 12:15.
Þá mun Lloyd Whitesell flytja
fyrirlesturinn Listening to Monster
and other queer subjects í græna
salnum Sölvhólsgötu 13 (3. hæð).
Þóra Þórisdóttir myndlistarmaður
flytur fyrirlestur í Laugarnesi á
morgun klukkan 12:30 og ber hann
titilinn Kerlinga/dollu/keramik/krús-
indúllu/fokk, upphafin sjálfsnið-
urlæging Greyson Perry í gervi
keramíklistakonu.
Áfimmtudag kl. 12:30 flytja nem-
endur úr Fræði og framkvæmd
atriði úr verkum sínum í Sölvhóls-
götu 13. Dagskránni lýkur með því
að nemendur Gunnars Hersveins
Sigursteinssonar flytja erindi úr
námskeiðinu ímyndir, auglýsingar
og markaður í Skipholti 1, föstudag-
inn 30. mars kl. 12:30.
Nám í
heimskautarétti
Undirritaður var samningur um
meistaranám í heimskautarétti
(polar law) við félagsvísinda- og
^ lagadeild Háskólans á Akureyri
í síðustu viku. (náminu verður
sérstök áhersla lögð á einstök svið
þjóðaréttar svo sem umhverfis-,
auðlinda- og hafrétt, réttindi
minnihluta og frumbyggjarétt sem
og landsrétt þjóða á heimskauta-
svæðinu. Einnig verður kennt um
réttarstöðu, stjórnskipun og stjórn-
sýslu landsbyggðar, jaðarsvæða og
örríkja á heimskautasvæðinu.
Kennsla og námskeiðahald mun
fara fram á ensku þar sem gert
er ráð fyrir þátttöku erlendra nem-
enda
Guðmundur Alfreðsson prófessor
mun veita náminu forstöðu.
Eftir Einar Örn Jónsson
einar.jonsson@bladid.net
Um 77 milljónir barna í heiminum
eru án viðunandi skólagöngu, þar
af um 40 milljónir sem búa í lönd-
um þar sem stríðsátök geisa eða
hafa geisað undanfarin ár eða ára-
tugi. Alþjóðlegu samtökin Save the
Children sem Barnaheill eiga aðild
að vinna að því að vekja athygli al-
þjóðasamfélagsins á aðstæðum þess-
ara 40 milljóna barna sem fara á
mis við menntun.
„Fram til ársins 2010 ætlum við að
veita átta milljónum barna í 20 lönd-
um menntun með því að fá börnin
til að koma í skólana, með því að
byggja skóla, með því að þjálfa kenn-
ara og útvega skólagögn og náms-
efni. Þetta erum við náttúrlega að
vinna mjög náið með heimamönn-
um,“ segir Petrína Ásgeirsdóttir,
framkvæmdastjóri Barnaheilla, Sa-
ve the Children á íslandi.
Árið 2005 hóf Save the Children
verkefnið Bætum framtíð barna
(Rewrite the Future) sem gengur út
á að bæta menntun barna í stríðs-
hrjáðum löndum. Barnaheill kem-
ur að verkefninu í þremur löndum;
Úganda, Kambódíu og Afganistan.
Petrína segir að Save the Children
hafi unnið í Kambódíu í um 17 ár og
þar hafi verið unnið mikið uppbygg-
ingarstarf og góður árangur náðst í
samstarfi við önnur félagasamtök
og stjórnvöld. Barnaheill ákváðu að
styrkja sérstaklega menntun í Stoe-
ung Trong-héraði og í lok síðasta
árs sendu þau þangað átta milljónir
króna.
„Þessir peningar munu fara í að ná
til þeirra barna sem ekki hafa feng-
ið menntun og fá þau til að koma í
skóla. Það verða haldin endurmennt-
unarnámskeið fyrir kennara og
skólastjóra, byggður nýr skóli með
sex kennslustofum, töflum og skrif-
borðum,“ segir Petrína og bætir við
að hægt sé að gera ótrúlega mikið
fyrir ekki hærri upphæð. Um lang-
tímaverkefni er að ræða og vonast
Petrína til að Barnaheill geti lagt að
minnsta kosti tíu milljónir til verk-
efnisins árlega.
í hermennsku í stað skóla
1 Úganda er einnig mikið starf
fyrir höndum þó að aðstæður séu
mjög ólíkar aðstæðum í Kambódíu.
Barnaheill beinir einkum sjónum
sínum að norðurhluta landsins þar
sem stríð hefur geisað milli skæru-
liða og stjórnvalda í 20 ár.
Petrína segir að þar sé algengt að
börn séu tekin og látin sinna her-
mennsku.
„Yfirmaður Save the Children þar
í landi sagði að þegar friðarsamn-
ingarnir verða í höfn sé framundan
mikil vinna við að ná til allra barn-
anna sem hafa verið án menntunar
árum saman, hafa verið barnaher-
menn, og hjálpa þeim að aðlagast
samfélaginu og fá menntun til að
þau hafi einhverja möguleika í líf-
inu,“ segir hún.
Barnaheill tekur einnig þátt í
minna verkefni á vegum Save the
Children í Afganistan sem gengur út
á gerð námsefnis sem tengist sögu
og menningu barna þar í landi.
Að sögn Petrínu hafa samtökin
einkum leitað til almennings, fyrir-
tækja og stjórnvalda um fjármögn-
un verkefnanna. Þá hafa nemendur
við Menntaskólann við Sund verið
duglegir að safna peningum fyrir
samtökin.
Styrktaraðilar tregir
Striðsátök hafa oft mikil áhrif á
möguleika barna í þessum löndum
til að sækja skóla og þeirra áhrifa
gætir jafnvel eftir að átökunum
sjálfum lýkur. Þá eru alþjóðlegir
styrktaraðilar oft tregir til að veita
fjármagn til menntunar barna á
stríðshrjáðum svæðum.
„Þeim finnst að það vanti full-
nægjandi kerfi til að tryggja að að-
stoðin berist og það hefur þá þær
afleiðingar að milljónir skólabarna
eru án menntunar árum saman.
í stríði virka stjórnvöld ekki al-
mennilega og infrastrúktúrinn fell-
ur. Við viljum sem alþjóðasamtök
að menntun verði hluti af neyðarað-
stoð þannig að það sé allt gert til að
halda uppi skóla á stríðshrjáðum
svæðum vegna þess að hann veitir
börnunum náttúrlega öruggt skjól
og kennir þeim færni til að vernda
sig og getur hjálpað þeim til að
vinna úr áföllum," segir Petrína og
bætir við að menntun skipti miklu
máli bæði fyrir börnin sem hennar
njóta sem og samfélagið sem þau
búa í.
„Hún er undirstaða velsældar
fyrir barnið sjálft, þroska þess og
möguleika. Að sama skapi er hún
mjög mikilvæg fyrir samfélagið.
Rannsóknir í gegnum árin hafa
sýnt að grunnmenntun er mjög
jákvæð fyrir efnahagslega þróun.
Það sýnir sig að í 16 af fátækustu
ríkjum heims hafa ríkt borgara-
styrjaldir síðastliðin 20 ár þannig
að það er greinilegt samhengi þar á
milli,“ segir hún.
Karlmenn í leikskólum
Karlar eru fáir í hópi leikskóla-
kennara og fjölgar hægt. Anna Elísa
Hreiðarsdóttir, deildarstjóri á leik-
skólanum Iðavelli á Akureyri, hefur
rannsakað viðhorf íslenskra leik-
skólakennara til náms og starfs og
greinir frá niðurstöðum rannsókn-
ar sinnar á umræðufundi á vegum
skólaþróunarsviðs kennaradeildar
Háskólans á Akureyri í dag klukk-
an 16:30. í rannsókninni veltir Anna
meðal annars upp þeirri spurningu
hvort í leikskólanámi og starfi gætu
verið þröskuldar sem karlar hnytu
um frekar en konur. Hún segir að
þröskuldarnir séu að mörgu leyti
þeir sömu og konur sem fara inn á
karlavettvang þurfa að yfirstíga.
„Að einu slepptu að konur sem
fara í karlastörf fá oft hærri laun og
meiri virðingu og völd sem er ekki
raunin þegar karlar fara í störf eins
og hjúkrun, leikskólakennslu eða
kennslu yngri barna. Ég leiði líkur
að því að karlmenn séu í rauninni
svolítið að tapa á þessu og það þurfi
sterk bein tií að fara í svona störf,“
segir hún.
„Ég tel eftir rannsóknina að
stærstu þröskuldarnir séu fólgnir
í viðhorfum samfélagsins. Það eru
goðsagnir og staðalímyndir sem við
höfum og svo þessar óljósu kröfur
sem við gerum til fólks eins og karla
í kvennastörfum um að vera eitt-
hvað annað en kennarar. Þeir þurfa
kannski að vera kynfyrirmynd, karl-
inn á staðnum í stað þess að vera
bara kennarinn,“ segir hún.
„Hins vegar eru karlarnir mjög
jákvæðir og finnst gaman í vinn-
unni sinni og finnst þetta mikilvæg
vinna sem henti báðum kynjunum.
Þetta sé starf sem henti fólki með
Frægur karlleikskólakennari Heið-
ar Kristjánsson, söngvari Botnleðju
og ieikskóiakennari, í hópi leikskóla-
barna.
ákveðna eiginleika hvort sem það er
karl eða kona,“ segir hún.
Fyrirlestur Önnu verður fluttur í
stofu 16 í Þingvallastræti 23 á Akur-
eyri í dag klukkan 16:30.