Orðlaus - 01.10.2003, Blaðsíða 4

Orðlaus 1 árs
Okkur finnst það ótrúlegt, en það er komið ár síðan fyrsta tölubiað Orðlaus kom
út. Það virðist svo stutt síðan við sátum með eina fartölvu í íbúð á
Bræðraborgarstígnum, með enga reynslu og enga peninga. f byrjun vissum við
ekki einu sinni að við þyrftum að stofna fyrirtæki í kringum útgáfuna. Úff, stofna
fyrirtæki, við sem ætluðum bara að gefa út blaðH! Við komumst þó stóráfallalaust
út úr fyrsta tölublaðinu en vorum varla komnar heim úr útgáfupartýinu þegar við
gerðum okkur grein fyrir því að núna yrðum við bara að byrja að vinna að næsta
blaði og svo næsta og næsta og næsta...
Á þessu ári höfum við þó afrekað mikið og lært alveg ótalmargt. Við höfum flutt
fjórum sinnum og erum nú loksins búnar að koma okkur fyrir og vonandi á blaðið
eftir að lifa annað ár í viðbót. Við það að vinna við blaðið höfum við þurft að hugsa
öðruvísi og spá og spekúlera í því hvað fólki finnst skemmtiiegt að gera, hlusta á,
horfa á og síðast en ekki síst hvað því finnst skemmtilegt að lesa. Maður þarf að
fylgjast með nýjungum og kynna sér alls konar hluti til að geta náð til sem flestra.
Með því höfum við kynnst fullt af frábæru fólki sem við annars hefðum eflaust
aldrei hitt.
fslenskir blaðaunnendur geta verið ánægðir með árið. Undirtónar og Sánd hafa
tekið púlsinn á tónlistar- og kvikmyndalífinu, Fókus hefur bæði stækkað og minnkað
á árinu, Reykjavík Grapevine hóf útgáfu sína til að gleðja ferðamanninn og Mogginn
gefur núna út vikulegt blað fyrir ungt fólk sem heitir einfaldlega Fólk. Það sést á
þessu að samkeppnin er mikil og erfitt að halda svona mörgum blöðum á lífi í ekki
stærra samfélagi. Öll samkeppni er þó jákvæð og því líklegra að hver og einn finni
það sem höfðar til hans. Meiri líkur eru á því að mismunandi skoðanir komi fram
og hæfileikaríkir einstaklingar geti komið hugmyndum sínum á framfæri. Samkeppnin
heldur okkur við efnið og allir aðilar markaðarins þurfa að gera sitt besta til að
halda í lesendur, sem leiðir af sér betri blöð.
Við viljum þakka öllum þeim sem hafa hjálpað til við að láta þetta ganga upp.
Pennunum okkar því án þeirra væri blaðið ekki eins og það er, auglýsendum því
án þeirra væri ekkert blað og síðast en ekki síst lesendum okkar því án ykkar hefði
enginn af ofangreindum viljað taka þátt.
í tilefni afmælisins höfum við ákveðið að gera ekki neitt nema segja bara skál og
til hamingju með afmælið!
Ritstjórn Orðiaus
PIROIKBÐ