Bændablaðið - 13.10.2011, Blaðsíða 25

25Bændablaðið | fimmtudagur 13. október 2011
Smiðjuvegi 5, 200 Kópavogur | Sími: 510 1400 | Fax: 510 1499 | www.vatnsvirkinn.is
VATN OG HITI SÍÐAN 1954
Hestakerrur til sölu
Eigum á lager mjög vandaðar hestakerrur
Það er fáheyrt í dag að bændur
standi í stórframkvæmdum eins og
ástandið er nú í þjóðfélaginu. Hjónin
Guðmundur Guðmundarson og
Berglind Hilmarsdóttir á Núpi
undir Eyjafjöllum eru undantekn-
ing, því þau standa nú í byggingu
tæplega þúsund fermetra fjóss, en
fara þó rólega í sakirnar og byggja
í áföngum eftir því hvað fjárhag-
urinn leyfir.
„Við steyptum fyrstu steypu
þremur vikum fyrir hrun, um haustið
árið 2008. Þá steyptum við botnplötu
í haughús en gerðum síðan hlé. Síðan
gerðist lítið fram að því er gosið skall
á um vorið 2010. En eftir að hafa skaf-
að og sópað ösku í töluverðan tíma
héldum við áfram um haustið fyrir ári
síðan. Þannig að nú er komið haughús
og burðarbitar fyrir einn þriðja hluta
byggingarinnar en síðan ætlum við að
drífa alla steypu af í vetur. Það er nú
svolítið skemmtilegt frá því að segja
að smiðirnir tveir sem hjálpa okkur
og Guðmundur maðurinn minn eru
bræðrasynir og allir tengjast þeir Núpi
sterkum böndum,“ útskýrir Berglind
brosandi.
Vinnuaðstaðan gjörbreytist
Nýja fjósið verður tæplega þúsund
fermetrar að stærð og mun rúma 70
kýr ásamt geldneyti.
„Við förum rólega í þetta og
byggjum eftir efnum og aðstæðum.
Við erum að safna í sarpinn og erum til
dæmis búin að kaupa notaðan mjalta-
bás með kjarnfóðurbásum norður úr
Húnavatnssýslu, sem liggur nú inni
í geymslu og bíður eftir að verða
tekinn aftur í gagnið. Ég held að fólk
geri sér ekki grein fyrir umfangi þess
að byggja fjós í dag því fyrir bændur
eins og okkur er þetta mun stærri og
dýrari bygging en það sem hefði verið
ráðist í fyrir 30 árum,“ segir Berglind.
Nú eru 45 mjólkandi kýr á Núpi
og á búinu er 180 þúsund lítra kvóti
en þegar svigrúm gefst er á stefnuskrá
þeirra hjóna að auka við kvótann.
„Það þarf 250 þúsund lítra kvóta
fyrir svona fjós til að nýta fjár-
festinguna. Gamla fjósinu, sem var
byggt upp úr 1950, verður breytt í
aðstöðu fyrir geldneyti. Frumástæðan
fyrir því að við fórum út í þessa bygg-
ingu var sú að við ætluðum að byggja
yfir geldneytin, en eftir því sem hug-
myndin þróaðist ákváðum við að
skynsamlegast væri að byggja yfir
mjólkurkýrnar og ásetningskvígur
og geldneyti. Vinnuþátturinn spilaði
líka inn í þarna, því vinnuaðstaða mun
gjörbreytast með tilkomu nýja fjóss-
ins. Þannig að þetta verður hagræði
fyrir okkur og skemmtilegt þegar
hægt verður að taka nýju bygginguna
í notkun.“ /ehg
„Byggjum eftir efnum og aðstæðum“
„Það þarf 250 þúsund lítra kvóta fyrir svona fjós til að nýta fjárfestinguna. Gamla fjósinu, sem var byggt upp úr
1950, verður breytt í aðstöðu fyrir geldneyti,“ segir Berglind Hilmarsdóttir bóndi á Núpum undir Eyjafjöllum.