Fréttablaðið - 29.06.2012, Blaðsíða 26
8 • LÍFIÐ 29. JÚNÍ 2012
Lífið tók Díönu Bjarnadóttur, stílista, tali en
hún er stílistinn á bak við ljósmynd sem rataði
í ítalska Vogue á dögunum en ljósmyndin var
tekin fyrir Oroblu-auglýsingu.
„Ég er mjög stolt af þessari mynd og að hún hafi
komist í Vogue en það var ljósmyndarinn Aldís Páls
sem sendi ljósmyndina inn.
Þetta er önnur mynd Aldísar sem kemst inn í
Vogue sem er mikill heiður fyrir alla þá sem standa
að baki myndunum enda velur blaðið aðeins þær
myndir sem skara fram úr.“
Hvert er þitt hlutverk almennt sem stílisti?
„Sem stílisti ber ég listræna ábyrgð á auglýsinga-
myndatökunni og móta hugmyndina að verkefninu
með viðskiptavininum og ljósmyndaranum. Einnig
tek þátt í vali á fyrirsætum, hárgreiðslufólki og
förðunarfræðingi.“
Hvað þarf góður stílisti til að bera? „ Stílisti
þarf að hafa ástríðu og þekkingu á tísku og
hönnun, frjótt ímyndunarafl og vera skapandi í
hugsun og skrefi á undan öðrum þegar kemur að
stefnu og straumum tískunnar.“
Hvernig verða hugmyndirnar til? „Yfirleitt fylgi
ég tilfinningunni þegar ég vinn verkefni. Hugmynd-
irnar koma til mín þegar ég er á ferðinni enda sé
ég alls staðar í kringum mig myndefni, hvert sem
ég fer; í fólki, náttúrunni, dýrum, börnum, versl-
unum, mörkuðum og fólkinu á götunum.
Ég er alltaf með myndavél eða iPhone-inn með
mér en bestu hugmyndirnar koma þó yfirleitt til
mín í svefni, eða undir morgun rétt áður en ég
vakna.“
Út frá hverju vannstu í Oroblu-tökunni?
„Fyrir Oroblu-myndatökuna var ákveðið að notast við
íslenska náttúru, Kate Moss var fyrirmyndin og stemningin útilega.
Þegar það kom svo að því að velja ljósmyndara hafði ég tekið eftir
efnilegri ungri konu sem var svo til nýkomin heim úr námi en það var
einmitt hún Aldís Pálsdóttir.
Til að fullkomna myndatökuna og útlitið sem ég var að leitast eftir
þurfti ákveðinn fatnað sem er stílistans að finna til. Einnig hafði ég
samband við tvo bræður sem eiga fínt safn bifreiða og útileigutækja
en þeir voru svo sætir að lána okkur fallega Citröen-bifreið og eld-
stæðið sem sést einmitt á myndinni sem birtist í Vogue.“
Díana með son sinn,
Mikael Þór.
ÍSLENSK LJÓSMYND Í ÍTALSKA VOGUE
Myndin sem birtist í Vogue, ljósmyndari Aldís Páls.
MYND/EINKASAFN