Fréttablaðið - 30.07.2012, Blaðsíða 8

30. júlí 2012 MÁNUDAGUR8
tvær nýjar bragðtegundir!
E
N
N
E
M
M
/
S
ÍA
/
N
M
51
72
7
NÝ
BRAGÐTEGUND- BÉARNAISE
NÝ
BRAGÐTEGUND- SÍTRÓNA OG KARRÍ
VIÐSKIPTI John Harald Örneberg,
sem er sænskur timburframleið-
andi, hefur fest kaup á þremur og
hálfri jörð við Ísafjarðardjúp. Þeim
fylgir tæpur helmingshlutur í ánum
Langadalsá og Hvannadalsá.
Jarðirnar voru áður í eigu
félagsins Lífsvals sem átti um tíma
fjörutíu og tvær útjarðir víða um
land og meðal annars eitt stærsta
kúabú landsins. Landsbankinn tók
svo félagið yfir síðastliðinn vetur
og í vor voru jarðirnar auglýstar til
sölu. Þær eru Brekka, Neðri-Bakki,
Kirkjuból og síðan helmingshlutur
í Tungu. Af auglýsingunni má ráða
að svæðið sé um 22 ferkílómetrar.
Kaupin fóru fram í byrjun þessa
mánaðar og voru þau gerð í nafni
félagsins Varpland hf. en í stjórn
þess situr meðal annarra Gunnar
Sólnes lögfræðingur. „Þetta er svo
nýafstaðið að menn eru ekki búnir
að ákveða framhaldið,“ segir hann.
„En markmiðið er jú að eiga aðild
að ræktun og uppbyggingu þeirra
áa sem þarna eru. Við erum jú í
minnihluta svo við ætlum að tala
við hina aðilana og munum vonandi
bara eiga gott samstarf við þá.“
Eignarhaldið á Langadalsá fylgir
átta jörðum í Langadal og þar af á
Varpland nú þrjár og hálfa. Veiði-
félag Langadalsár hefur umráð með
hinum jörðunum fjórum en svo eiga
afkomendur Arnórs Hannessonar
hálfa jörðina í Tungu á móti Varp-
landi. En hvernig líst veiðifélaginu
á nýja eigandann? „Við erum ekki
með neina fordóma og við hlökkum
bara til samstarfsins,“ segir Þor-
leifur Pálsson formaður veiði-
félagsins. Aðspurður hvort hann
telji að nýju eignarhaldi fylgi breyt-
ingar á högum þar vestra segir
hann að áin sé nú þegar í fastri
leigu til nokkurra ára þannig að
þess sé ekki að vænta á næstunni.
Í ár hafa veiðst að minnsta kosti
sextíu laxar í Langadalsá en fjöru-
tíu og tveir í Hvannadalsá. Langi-
dalur og Hvannadalur eru suður
við Ísafjarðardjúp og falla því inna
marka Strandabyggðar.
Örneberg er stofnandi og
stjórnar formaður fyrirtækisins
The Forest Company sem er með
trjáræktun í Brasilíu og Kólumbíu
og selur við, pappírsdeig og kol til
stórra iðnaðarfyrirtækja. Gunnar
segir hann einnig vera mikinn nátt-
úruunnanda en náttúran sunnan við
Djúp er margrómuð. jse@frettabladid.is
Svíi kaupir jarðir og
ár í Ísafjarðardjúpi
Sænskur timburframleiðandi hefur keypt þrjár og hálfa jörð sem áður voru í
eigu Lífsvals. Þar með er hann með tæplegan helmingshlut í ánum Langadalsá
og Hvannadalsá. Veiðifélagið mætir nýjum samherja með opnum hug.
LANGADALSÁ Veiðifélag Langadalsár hlakkar til samstarfsins við Svíann. Sextíu löxum hefur verið landað þar í ár. MYND/LAX-Á.IS
MENNING Bolvíkingar afhjúpuðu á laugardag skilti
með Völuspá áletraðri og upp lýsingum um Þuríði
Sundafylli og Völu-Stein son hennar. Þau mæðgin
eru landnámsmenn Bolungarvíkur og hallast margir
fræðimenn að því að annað hvort þeirra hafi samið
Völuspá.
„Við erum ekkert að eigna okkur höfund Völuspár,
það hafa hins vegar fjölmargir fræðimenn gert og við
tökum mark á því,“ segir Elías Jónatansson bæjar-
stjóri Bolungarvíkur.
Ef marka má þjóðsögur hefur Þuríður hefur ekki
farið langt frá átthögum sínum og gæti því hafa verið
viðstödd vígsluna.
„Nei, Þuríði ber við loft þegar litið er á skiltið,“
segir Elías en stæðileg strýta sem skagar fram úr
Óshyrnu heitir einmitt Þuríður. Samkvæmt þjóð-
sögum var samband hennar og Þjóðólfs bróður henn-
ar afar stirt, svo stirt að hann lagði þá bölvun á systur
sína að hana skyldi daga uppi og gekk það eftir. - jse
Bolvíkingar afhjúpa skilti með Völuspá og upplýsingum um hugsanlega höfunda:
Völuspá fyrir augum höfundar
FRÁ BOLUNGARVÍK Þarna verður skiltið sett upp.
MYND/ELÍAS JÓNATANSSON
HEILSA Fólki sem vinnur vakta-
vinnu er örlítið hættara við að
fá hjartaáföll en þeim sem vinna
dagvinnu. Þetta sýnir ný rann-
sókn sem fjallað er um í vísinda-
ritinu British Medical Journal.
Heilsa meira en tveggja millj-
óna Breta var könnuð, og var nið-
ur staðan sú að vaktavinnan hafi
slæm áhrif á líkamsklukkuna og
á lífsstíl vaktavinnufólks. Hægt
er að minnka áhrifin með því að
takmarka fjölda næturvakta.
Fyrri rannsóknir hafa sýnt
fram á að fólki sem vinnur vakta-
vinnu er hættara en öðrum við
því að þjást af háum blóðþrýst-
ingi og sykursýki. - bj
Vaktir slæmar fyrir heilsuna:
Auknar líkur á
hjartaáföllum
FRÁ FLATEY Flateyjarbók hin nýja er
komin út með símanúmerum 600
Flateyinga. FRÉTTABLAÐIÐ/ANTON
FLATEY Sérstök afmælisútgáfa af
símaskrá Flateyjar á Breiðafirði
er komin út. Þetta er í tíunda sinn
sem fjáröflunarnefnd Flateyjar-
kirkju gefur símaskrána út.
Þótt aðeins örfáir ábúendur séu
í Flatey telur skráin meira en 600
Flateyinga, Inneyinga, velunnara
Flateyjar og aðra er tengjast
húsum í Flatey, Skáleyjum, Hval-
látrum, Sviðnur og Svefneyjum,
að því er segir á Skessuhorni.is.
Símaskráin hefur vaxið og
dafnað í áranna rás og er með
réttu orðin yfirgripsmikil upp-
flettibók um Flatey og málefni
eyjaskeggja.
„Í reynd má segja að síma-
skráin standi undir því nafninu
„Flateyjarbók hin nýja“ sem
sumir hafa gefið henni,“ segir
í tilkynningu frá ritstjóra út-
gáfunnar. - kh
Tíu ára afmæli símaskrár:
Ný Flateyjarbók
er komin út
Nýr kross vígður
Nýr kross var vígður í Reykholts-
kirkju í gær. Þegar kirkjan var byggð á
árunum 1988 til 1996 var ákveðið að
hafa ekki kross á turni eins og venja
er. Þess í stað var ákveðið að hafa
standandi kross framan við stafnþil
kirkjunnar. Krossinn í Reykholtskirkju
er hannaður af norska listamanninum
Jarle Rosseland.
REYKHOLT
NORÐURLAND Áður óþekkt kuml
fannst í landi Narfastaða í
Reykjadal. Kumlið er staðsett
skammt norðan bæjarins og
rétt ofan við gamla þjóðveginn í
Reykjadal, að því er fram kemur
á vefnum Akureyrivikublað.is.
Í kumlinu eru jarðneskar leifar
manns, hunda og hests. Akur-
eyri vikublað hefur eftir Adolfi
Friðrikssyni fornleifafræðingi
að kumlið sé líklega frá 9. eða 10.
öld. Kumlið hefur líklega verið
rænt fyrir árið 1400 því búið var
að róta í öllum beinum. - kh
Fornleifafundur í Reykjadal:
Fundu áður
óþekkt kuml
1. Hvar fór fram gleðigangan sem
Jón Gnarr borgarstjóri tók þátt í?
2. Hvaða ár tóku Íslendingar fyrst
þátt í sumarólympíuleikunum?
3. Hvaða lið leika til úrslita í
bikarkeppni kvenna í knattspyrnu?
SVÖR
1. Þórshöfn í Færeyjum 2. 1908
3. Stjarnan og Valur
JEMEN Öryggisverði sem starfar
fyrir ítalska sendiráðið í Sanaa,
höfuðborg Jemen, var rænt í
gær af vopnuðum mönnum.
Lögreglan reynir nú að hafa
uppi á manninum en mann-
rán eru algeng í Jemen. Fyrr í
þessum mánuði var frönskum
starfsmanni Rauða krossins
sleppt úr haldi mannræningja
en honum hafði verið rænt í
apríl.
Svissneskri konu, sem starf-
aði sem kennari í Jemen, var
rænt af skæruliðahópi al-Kaída
í mars. Ekki er vitað um afdrif
hennar. - kh
Mannræningjar í Jemen:
Rændu starfs-
manni sendiráðs
Mikið um ölvun og hávaða
Lögreglan á höfuðborgarsvæðinu fór í
töluvert mörg útköll vegna hávaða og
ölvunar á laugardagskvöldið. Nokkrir
fengu að gista fangageymslur lög-
reglunnar vegna óspekta, skemmdar-
verka og innbrota.
LÖGREGLUMÁL
VEISTU SVARIÐ?