Fréttablaðið - 18.08.2012, Side 2

18. ágúst 2012 LAUGARDAGUR2
Mýrdalsjökull skalf
Jarðskjálfti varð við Austmanns-
bungu í Mýrdalsjökli síðdegis í gær.
Hann mældist 3,8 stig. Nokkrir
minni skjálftar fylgdu í kjölfarið en
skjálftanna varð ekki vart í manna-
byggð. Samkvæmt upplýsingum frá
Veðurstofu Íslands var skjálftinn mjög
grunnur. Þá er jafnvel búist við því að
það hlaupi í árnar undan jöklinum og
verða þær vaktaðar næstu daga.
NÁTTÚRA
BRUNI Eldur logaði í þaki íþrótta-
húss Fellaskóla rétt eftir klukk-
an 19 í gærkvöldi. Eldurinn kom
upp í þaki yfir búningsklefa
kvenna, sem er í tengibyggingu
á milli íþróttahúsa við skólann.
Samkvæmt upplýsingum
frá slökkviliðinu voru vakta-
skipti þegar tilkynning barst
um eldinn og því var hægt að
senda væna sveit í Breiðholtið.
Auðvelt var að ráða niðurlögum
eldsins og voru flestir slökkvi-
liðsmenn farnir af svæðinu
fyrir klukkan átta.
Svo virðist sem upptök eldsins
hafi verið utanhúss. Töluverðar
skemmdir urðu á þaki hússins.
Fellaskóli verður settur á mið-
vikudaginn í næstu viku. - bþh
Eldur í þaki íþróttahúss:
Þak Fellaskóla
skemmdist í eldi
HEILBRIGÐISMÁL Frjótölur í
Reykjavík hafa verið háar undan-
farna daga vegna hlýinda og
þurrka. Hlýindin hafa opnað
blóm nokkurra grastegunda sem
spretta seint og ná ekki að dreifa
frjókornum öll sumur, segir á vef
Náttúrufræðistofnunar.
Í ágúst má alltaf reikna með
svona toppum syðra en þeir
standa venjulega aðeins í fáa
daga. Fólk með grasofnæmi finn-
ur fyrir þessu jafnvel þó frjótöl-
ur verði sjaldan mjög háar svona
síðsumars. - shá
Hitabylgja vekur grasplöntur:
Enn mælast
háar frjótölur
Skothylkin ekki skilin eftir
Olís, Skotvís og Umhverfisstofnun
munu á komandi veiðitímabili standa
fyrir hvatningarátaki meðal veiði-
manna um að taka með sér tóm
skothylki af veiðislóð. Veiðimenn eru
hvattir til að sýna náttúru Íslands þá
virðingu sem hún á skilið.
UMHVERFISMÁL
ELDUR Í ÞAKI Fjölmenni fylgdist með
snörum handtökum slökkviliðsmanna í
gærkvöldi. FRÉTTABLAÐIÐ/ANTON
SPURNING DAGSINS
FÓLK Silvio Zinsstag hefur lært
forníslensku og lesið Íslendinga-
sögurnar á frummálinu. Hann
situr nú á skólabekk í Háskóla-
setri Vestfjarða og lærir nútíma-
íslensku.
Svarið kom blaðamanni á óvart
þegar hann spurði af hverju
Svisslendingur tæki sig til og
lærði forníslensku.
„Það var bara mjög hagkvæmt
fyrir mig. Já, já,“ bætir hann við
þegar hann verður þess var að
blaðamaður er orðlaus.
„Ég var að læra fornensku í
Englandi og þá kom alltaf einhver
tenging við rit sem voru á forn-
íslensku. Menn voru því sífellt að
tala um þau en enginn var fær um
að lesa þau svo það er mjög hag-
kvæmt fyrir mig að getað lesið
frumheimildirnar. Til dæmis eru
atriði í Bjólfskviðu sem einnig
koma fyrir í Grettissögu.“
Þar með hefur talið borist að
uppáhalds Íslendingasögu Zins-
stag. „Grettir er svo heillandi
sögupersóna,“ segir hann. „Grett-
ir er persóna sem menn hrífast af
en um leið vekur hann hjá manni
ugg. Hann gat verið tilfinn-
inganæmur, hann var til dæmis
skáldhneigður en svo á hann sér
óslípaðri hliðar eins og alþjóð
veit.“
En þá vaknar spurningin, ef
Grettir stykki nú fram með mál-
far síns tíma á munni, hvor myndi
skilja hann betur: Íslending-
ur sem einungis talar nútímaís-
lensku eða Zinsstag, sem mennt-
að hefur sig í forníslensku? „Þið
ættuð að skilja hann betur. Til
dæmis er mikið af íslenskum orð-
samböndum, fyrr og nú, sem þið
berið meira skynbragð á en ein-
hver sem lært hefur einungis af
bókinni.“
Zinsstag hefur einungis lært
nútímaíslensku í þrjár vikur en
segist þó farinn að skilja Íslend-
ingana að mestu. „Það er að segja
ef talað er hægar en sem nemur
tólf tungusnúningum á sekúndu,“
segir hann kankvís. „En ég á erf-
iðara með það að tala. Þar kemur
málfræðivitund mín sér illa en
meðan ég tala hef ég allar mál-
fræðireglurnar í hausnum svo mér
vefst tunga um tönn.“
Zinsstag er einnig tónlistar-
maður og þegar hann er spurður
að því hvernig hann hyggist nýta
sína forníslensku lætur hann lítið
uppi en þó ætti það ekki að koma á
óvart ef við heyrum í svissneskum
tónlistarmanni í framtíðinni flytja
tónverk þar sem okkar ylhýra
kemur við sögu. jse@frettabladid.is
„Þið mynduð skilja
Gretti betur en ég“
Svissneskur íslenskunemi er farinn að skilja okkar ylhýra mál eftir þriggja vikna
nám. Hann hafði reyndar nokkuð forskot því hann kann forníslensku. Hann
myndi hins vegar hóa í Íslending ef Grettir Ásmundarson kæmi að spjalla.
SILVIO ZINSSTAG Á ÍSAFIRÐI Ásamt því að læra nútíma-íslensku situr hann nú nám-
skeið í Gísla sögu Súrssonar enda ekki annað hægt á meðan á Vestfjarðadvölinni
stendur. MYND/BJÖRN INGI GUÐNASON
NÁTTÚRA Skoskir grasafræðingar hafa í rannsókn-
um sínum komist að því að eitt sjaldgæfasta blóm
landsins, sem er að finna á eyjunni Hirta við vestur-
strönd Skotlands, hafi sennilega borist frá Íslandi.
Bæði er talið koma til greina að fræ hafi borist með
fuglum þó það sé ekki útilokað að komur víkinga til
landsins fyrr á öldum geti skýrt tilkomu þess, segir
í frétt BBC. Blómið er ekki sjaldgæft hér, enda um
túnfífil að ræða.
Túnfífillinn hefur verið skilgreindur sem nýbúi í
flóru Skotlands og skýrður Taraxacum pankhursti-
anum til heiðurs þarlendum fræðimanni.
Túnfíflinum er ekki gefinn sérstakur gaumur
meðal fræðimanna hér en Starri Heiðmarsson, fag-
sviðsstjóri grasafræði hjá Náttúrufræðistofnun,
segir að danskur grasafræðingur, Christiansen að
nafni, hafi fjallað um túnfífla á Íslandi í grein árið
1942. Christiansen telur 116 tegundir túnfífla vaxa
á Íslandi. Ein þeirra tegunda sem Christiansen fann
er Taraxacum faeroense en þá tegund telja skosku
vísindamennirnir skyldasta blóminu á Hirta, að
sögn Starra.
Í riti sínu lýsir Christiansen túnfíflum á Íslandi í
smáatriðum; Taraxacum egilstadirense, Taraxacum
akranesense, Taraxacum vestmannicum, Tarax-
acum skutustadirense, svo dæmi séu nefnd og segja
nöfnin nokkra sögu um hvar Danann bar niður við
rannsóknir sínar. - shá
Danskur grasafræðingur taldi 116 tegundir túnfífla á Íslandi á stríðsárunum:
Telja sjaldgæfasta blómið héðan
TÚNFÍFILL AF ÓÞEKKTRI TEGUND Fáir hafa hugmynd um að
greindar hafa verið 116 tegundir af túnfífli hér á landi. Þær eru
sennilega fleiri.
Sjálfstyrkingarnámskeið
fyrir einhleypa
Á námskeiðinu er unnið að sátt og
öryggi í samskiptum hvort sem stefnt
er á leit að heppilegum maka, vinum
eða almennt bættum tengslum við
sjálfan sig og aðra. Lögð er áhersla á
að kenna þátttakendum aðferðir hug-
rænnar atferlismeðferðar sem nýta
má til aukinnar sáttar við sjálfan sig,
auk þess sem farið er vel í samskiptatækni, samskiptamynstur
og leiðir til að takast á við erfið samskipti við aðra.
Námskeiðið hefst 4. september og stendur yfir í tíu vikur, alls 20 klst.
Stjórnendur námskeiðs eru dr. Gyða Eyjólfsdóttir og Sóley D.
Davíðsdóttir sálfræðingar. Nánari upplýsingar um námskeiðið
og umsagnir fyrri þátttakenda má finna á www.salarafl.is og
www.kms.is en skráning og fyrirspurnir fara fram á
salarafl@salarafl.is og kms@kms.is
STJÓRNSÝSLA Reykjavíkurborg
getur ekki gefið Hörpu afslátt af
fasteignagjöldum eins og Pétur J.
Eiríksson, stjórnarformaður Por-
tusar, eignarhaldsfélags Hörpu,
kallaði eftir í Fréttablaðinu fyrr
í vikunni. Þetta segir aðstoðar-
maður borgarstjóra.
Árleg fasteignagjöld Hörpu eru
380 milljónir, en áætlanir rekstr-
arfélagsins gerðu ráð fyrir að
greiða um 180 milljónir árlega.
„Álagning fasteignagjalda er
ekki geðþóttaákvörðun,“ segir
S. Björn Blöndal, aðstoðarmaður
borgarstjóra, í samtali við Frétta-
blaðið. „Þar gengur eitt yfir alla.
Harpa er mjög stórt hús sem
borgar fasteignagjöld í samræmi
við það.“
Mismunurinn milli áætlana
og þess sem svo varð, skýrist af
því að miðað var við svokallað
rekstrarvirði og vísað í fordæmi
Smáralindarinnar.
Björn segir að það vinnulag
hafi verið borið undir yfirfast-
eignamatsnefnd sem skar úr um
að slíkt væri ekki heimilt. „Þess
vegna er álagningin með þessum
hætti. Það má líka taka fram að á
öllum stigum málsins bentu full-
trúar borgarinnar á að afar ólík-
legt væri að þetta stæðist.“
Pétur sagði í vikunni að ef ekki
næðust samningar um að létta
fasteignagjöldum af Hörpu gætu
eigendur hússins, ríki og borg,
þurft að taka yfir reksturinn.
Björn sagði engar slíkar við-
ræður hafa átt sér stað.
„Ég sé ekki að það bæti neitt að
ríki og borg taki þetta yfir. Verk-
efnið er nú að sjá hvort hægt sé
að gera breytingar á rekstrinum
til að loka þessu gati sem er. Við
þurfum að vinna í því núna.“
- þj
Talsmaður Reykjavíkurborgar um ákall Portusar eftir lægri fasteignagjöldum:
Ekki hægt að lækka gjöld fyrir Hörpu
HARPA Styr hefur staðið um rekstur
Hörpu, en árleg fasteignagjöld eru
rúmlega tvöfalt hærri en áætlanir gerðu
ráð fyrir. FRÉTTABLAÐIÐ/GVA
STJÓRNSÝSLA Fulltrúar Sjálfstæð-
isflokksins í borgarráði Reykja-
víkur hafa lagt til að reglum um
vínveitingaleyfi verði breytt
þannig að á heimilum fyrir aldr-
aða verði leyft að selja áfengi.
Fréttablaðið greindi frá því á
dögunum að forstjóri Hrafnistu
í Reykjavík vildi fá vínveitinga-
leyfi fyrir kaffistofuna.
Leggja fulltrúar Sjálfstæðis-
flokksins til að reglum um vín-
veitingaleyfi í íbúðahverfum
verði breytt en aðrar reglur
gilda um þau hverfi en til dæmis
miðbæinn. Flest dvalarheimilin
í Reykjavík eru í íbúðahverfum.
Því er lagt til að elliheimili geti
sótt um undanþágu frá reglum
um vínveitingaleyfi í íbúða-
hverfum. - bþh
Sjálfstæðismenn vilja breyta:
Elliheimili fái
leyfi til vínsölu
Kári Steinn, er ekki líka
gott að hlaupa með stein í
skónum?
Nei, nei. Ég er alveg steinhættur því.
Kári Steinn Karlsson maraþonhlaupari gaf
í gær tíu hollráð fyrir þá sem ætla að taka
þátt í Reykjavíkurmaraþoninu. Eins og
mönnum er eflaust kunnugt hljóp hann
með stein í skónum í maraþonhlaupinu
á Ólympíuleikunum í Lundúnum.
Grettir er persóna
sem menn hrífast af
en um leið vekur hann hjá
manni ugg.
SILVIO ZINSSTAG
ÍSLENSKUNEMI