Fréttablaðið - 18.08.2012, Page 18

18. ágúst 2012 LAUGARDAGUR18
Þ
etta hefur verið langt
undirbúningstímabil,
leik mennirnir hafa beðið
lengi eftir fyrsta leikdegi
og ég held að allir séu til-
búnir í slaginn. Það ríkir
mikil spenna í herbúðum Tottenham og
væntingarnar eru miklar,“ segir lands-
liðsmaðurinn Gylfi Þór Sigurðsson sem
skrifaði undir samning við enska stór-
liðið Tottenham í byrjun síðasta mán-
aðar. Enska úrvalsdeildin hefst í dag og
sækir Lundúnaliðið Newcastle heim í
fyrsta leik. Gylfi gekk til liðs við Tot-
tenham í kjölfar frábærs gengis hjá
Swansea eftir áramót, en þar var hann
lánsmaður frá þýska liðinu 1899 Hof-
fenheim.
Gylfi lék með íslenska landsliðinu
í vináttuleiknum gegn Færeyjum á
Laugardalsvellinum í vikunni. Leikar
fóru 2-0 fyrir Ísland, en viðureignin
var liður í undirbúningi liðsins fyrir
undankeppni HM sem fram fer í Brasi-
líu eftir tvö ár.
Bestur í golfi í Tottenham
Þú hefur væntanlega í mörg horn að
líta þegar þú kemur til landsins, hvort
sem er til að spila landsleiki eða í frí?
„Ég neita því ekki að ég er oft dálít-
ið upptekinn í Íslandsheimsóknunum.
Dagskráin í kringum landsleikina er
stíf, en þegar ég fæ frídaga reyni ég
oftast að nýta þá til að slappa af. Nú
fékk ég að koma til Íslands tveimur
dögum fyrr en áætlað var og nýtti þá
til að heimsækja fjölskyldu og vini. Ég
fylgist vel með FH og fer á alla leiki
sem ég kemst á með liðinu þegar ég er
á landinu. Svo finnst mér líka gott að
fara upp í sumarbústað og spila golf.“
Þú ert mikill golfáhugamaður?
„Já, ég spila mjög mikið golf. Úti í
London spila ég eins mikið golf og ég get
þegar mér gefst tími til. Það eru margir
frábærir vellir á Englandi, sérstaklega á
London-svæðinu og gaman að spila þar.“
Hverjir eru helstu golf-félagar þínir
í London?
„Ég spila mikið við Eggert Gunnþór
Jónsson, félaga minn í landsliðinu og
leikmann Wolves, sem býr í Mið-Eng-
landi og er því ekkert allt of langt frá
mér. Hann var betri en ég í fyrra en ég
tók mig á og vann hann nýlega í fyrsta
skipti. Svo spilaði ég við nokkra af Tot-
tenham-strákunum í æfingaferðinni
okkar til Bandaríkjanna í síðasta mán-
uði og á eftir að spila mun meira með
þeim.“
Hver er bestur í golfi í Tottenham?
„Ætli ég verði ekki að taka það á mig.
Ég vann þá alla og vonandi heldur það
áfram þannig.“
Villas-Boas virkar vel á mig
Hvað gerirðu af þér í frístundum á Eng-
landi annað en að spila golf?
„Annað en að kenna Eggert Gunnþóri
golf, meinarðu? Í rauninni reyni ég bara
að slappa sem mest af. Leiktímabilið er
svo langt og álagið svo mikið að maður
þarf á því að halda að taka því rólega.
Reyndar koma mjög oft gestir til okkar
og þá gerum við eitthvað með þeim.“
Kanntu vel við þig í stórborginni?
„Já, mjög vel. Ég bjó auðvitað lengi í
Reading [Gylfi gekk til liðs við Reading
sextán ára gamall árið 2005 og bjó þar
meira og minna til ársins 2010 þegar
hann var seldur til Hoffenheim] sem er
í fjörutíu mínútna fjarlægð frá London
og þekki svæðið mjög vel, sem er þægi-
legt. London er auðvitað risastór borg
en ég er farinn að ná áttum í kring-
um æfingasvæði Tottenham í norð-
urhluta London. Ég bý í um fimmtán
mínútna fjarlægð frá æfingasvæðinu
á mjög góðum stað. London er líka það
sunnarlega að veðrið er fínt miðað við
England. Það snjóar að minnsta kosti
minna í London en í Newcastle.“
Bestu kantmenn í deildinni
Hvernig meturðu frammistöðu þína
í æfingaleikjum Tottenham í Banda-
ríkjunum í síðasta mánuði, þar sem
þú skoraðir meðal annars sigurmarkið
gegn New York Red Bulls?
„Bandaríkjaferðin var mjög góð að
mörgu leyti. Ég fékk að spila mikið,
í raun meira en ég bjóst við í svona
æfingaferð, og mér gekk vel og er sátt-
ur. Í svona ferðum erum við strákarnir
Ég fann líka
fyrir því að
fólk þekkti
mig úti á
götu hjá
Swansea,
en auðvitað
hefur það
aukist mjög
eftir að
ég kom til
Tottenham.
Breyti ekki venjum mínum
Gylfi Þór Sigurðsson, landsliðsmaður og nýr leikmaður Tottenham, vonast eftir að verða í brennidepli í dag þegar Lundúnaliðið
mætir Newcastle í fyrsta leik tímabilsins. Kjartan Guðmundsson ræddi við Gylfa í landsliðsskreppitúr til Íslands í vikunni.
HORFIR FRAM Á VIÐ Gylfi segir mikilvægt að nýta frítíma sinn í að slaka vel á, enda leikjaálagið mikið í ensku úrvalsdeildinni. „Við spilum auðvitað rosalega marga leiki, í
deildinni, tveimur bikarkeppnum og Evrópudeildinni, svo það verður einhver rótering á mannskapnum en það er erfitt að segja til um það nákvæmlega hver mín staða
verður í liðinu. Hópurinn hjá Tottenham er mjög góður og flestir hafa spilað í bestu deildum heims í mörg ár,“ segir hann. FRÉTTABLAÐIÐ/ANTON
líka saman alla daga og öll kvöld og
kynnumst því betur en þegar við hitt-
umst tvo til þrjá tíma í senn á æfinga-
svæðinu og æfingarnar skila sér vel.“
Ertu farinn að finna fyrir því hver
staða þín í liðinu verður í vetur?
„Nei, í raun ekki, því þegar tíma-
bilið hefst kemst meiri rútína á skipu-
lagið. Við spilum auðvitað rosalega
marga leiki, í deildinni, tveimur bik-
arkeppnum og Evrópudeildinni, svo
það verður einhver rótering á mann-
skapnum en það er erfitt að segja til
um það nákvæmlega hvar mín staða
verður í liðinu. Hópurinn hjá Totten-
ham er mjög góður og flestir hafa spil-
að í bestu deildum heims í mörg ár.“
Hlakkar þú sérstaklega til að spila
með einhverjum ákveðnum leikmönn-
um?
„Já, en ef ég nefni einn þyrfti ég
strax að nefna annan og svo koll af
kolli. Það er gaman að spila með þeim
flestum.“
Og þar á meðal kantmönnum liðsins,
væntanlega?
„Já, við erum með tvo af allra bestu
kantmönnunum í deildinni, þá Gareth
Bale og Aaron Lennon. Þeir eru báðir
öskufljótir og það verður gaman að
spila með þeim í vetur. Þjálfarinn,
André Villas-Boas, virkar líka mjög
vel á mig. Hann stóð sig frábærlega hjá
Porto og þótt hlutirnir hafi ekki alveg
gengið upp hjá honum hjá Chelsea hef
ég trú á að hann læri af því og hann er
mjög ákveðinn í að allt gangi upp hjá
Tottenham.“
Eðlilegt að velja Tottenham fram yfir
Liverpool
Fyrr í sumar áttu sér stað miklar
vangaveltur varðandi ástæður þess
að þú valdir að ganga til liðs við Tot-
tenham en ekki Liverpool, sem einn-
ig hafði borið víurnar í þig. Hvað réði
þeirri ákvörðun að velja Tottenham?
„Ég held að það segi sig í rauninni
sjálft þegar litið er á þessi tvö lið og
gengi þeirra síðustu árin. Tottenham
er með heims klassahóp.“
Ein af sögusögnunum gerði ráð fyrir
að ástæðan fyrir því að þú valdir Tot-
tenham væri sú að þú ert mikill stuðn-
ingsmaður Manchester United og gætir
þess vegna ekki hugsað þér að spila
fyrir erkifjendur þess liðs. Er eitthvað
hæft í því?
„Ég heyrði af ýmsum sögusögnum í
sumar en var lítið að velta mér upp úr
þeim. Stuðningur minn við Manchester
United kemur málinu ekkert við held-
ur tók ég þessa ákvörðun fyrir sjálfan
mig á knattspyrnulegum grundvelli.“
Brendan Rodgers, sem þjálfaði þig
hjá Swansea, er tekinn við Liverpool og
þekkir þig vel sem leikmann, en slíkt
var ekki uppi á teningnum með André
Villas-Boas. Telurðu að það hafi verið
áhætta að fara til Tottenham?
„Nei, alls ekki. Ég spjallaði við hann
áður en ég skrifaði undir og vissi hvað
hann var að hugsa. Tottenham er risa-
stór klúbbur með frábæra sögu, ég
hef fulla trú á sjálfum mér og þetta er
engin áhætta.“
Læt ekki athyglina trufla mig
Fyrsti leikur Íslands í undankeppni
HM 2014 fer fram þann 7. september
gegn Noregi á Laugardalsvelli. Nú tala
ýmsir um að drátturinn í riðilinn virð-
ist hagstæður fyrir Ísland og afar raun-
hæfur möguleiki sé á sæti í aðalkeppn-
inni í Brasilíu. Ertu sammála því?
„Ég held að enginn af okkur leik-
mönnunum sé feiminn við að segja að
við ætlum okkur upp úr þessum riðli.
Það er markmiðið, en það verður erf-
itt því riðillinn er erfiður þótt í honum
séu engar stórþjóðir í knattspyrnu-
heiminum. Norðmenn eru alltaf erfið-
ir, svissneska landsliðið er mjög gott
og Slóvenar eru alltaf mjög tæknilega
góðir. Það verður sérstaklega erfitt að
spila við Slóvena úti. En þetta verður
spennandi og skemmtilegur riðill. Von-
andi náum við að byrja vel og þá er allt
hægt í þessu.“
Hingað til hefur farið það orð af þér
að þú sért hinn fullkomni atvinnumað-
ur, að þú sért mættur fyrstur á æfing-
ar, farir síðastur, hugsir vel um líkam-
ann og leggir gríðarlega hart að þér
við ýmsar aukaæfingar. Á þetta enn
við rök við styðjast?
„Já. Ég fer ekkert að breyta mínum
venjum, því það eru þessir hlutir sem
hafa hjálpað mér að ná svona langt.“
Finnurðu fyrir því að vera orðinn
þekkt andlit og fyrirmynd margra
íslenskra barna?
„Ég fann líka fyrir því að fólk þekkti
mig úti á götu hjá Swansea, en auðvitað
hefur það aukist mjög eftir að ég kom
til Tottenham. Ég kippi mér ekkert upp
við þessa athygli og læt hana ekki fara
í taugarnar á mér, enda er ég ekki eins
og David Beckham sem kemst ekki út
í búð án þess að vera eltur.“
Hvaða búðir kemstu helst út í?
„Til dæmis Marks & Spencer eða
Waitrose. Ég finn líka fyrir því að
mörg íslensk ungmenni líta á mig sem
fyrirmynd og reyni að standa mig vel í
því hlutverki. Mér líður ágætlega með
það, enda fylgir þetta starfinu.“
Og hvernig fer svo leikurinn gegn
Newcastle í dag?
„Eigum við ekki að segja að við
vinnum 2-1 á útivelli? Ég skora sigur-
markið.“