Fréttablaðið - 12.11.2012, Blaðsíða 16

12. nóvember 2012 MÁNUDAGUR16
timamot@frettabladid.is
Ástkær vinur minn, faðir okkar,
tengdafaðir og afi,
PÁLL ÞORSTEINN JÓHANNSSON
mjólkurfræðingur,
Suðurbraut 2, Hafnarfirði,
lést á Líknardeild Landspítala miðvikudaginn
31. október. Hann verður jarðsunginn frá
Fríkirkjunni í Hafnarfirði miðvikudaginn
14. nóvember kl. 13.00.
Gréta Húnfjörð Sigurðardóttir
Rut María Pálsdóttir
Sigurður Kristinn Pálsson
Jóhann Ásgrímur Pálsson
tengdabörn og barnabörn.
Þarna verður farið í öll helstu grunnat-
riði í okkar hefðbundnu ljóðlist og skoð-
aðir helstu bragarhættir. Að því búnu
fær fólk æfingu í að búa til vísur,“ segir
Ragnar Ingi Aðalsteinsson sem í kvöld
byrjar að kenna á bragfræðinámskeiði
á vegum ABC barnahjálpar. Námskeið-
ið er óvenjulegt að því leyti að náms-
skeiðsgjöldin sem þátttakendur greiða
renna óskert til ABC barnahjálpar í
Pakistan þar sem þau verða notuð til
að koma aftur á skólamáltíðum í grunn-
skóla samtakanna.
Ragnar Ingi er þekktur hagyrðingur
og hefur margsinnis haldið slík nám-
skeið áður en aldrei þó á vegum ABC.
Hvernig kom það til? „Samtökin aug-
lýstu í haust eftir fólki til að halda
námskeið í sjálfboðavinnu til styrktar
þessu góða málefni og ég stakk þá upp
á því að vera með bragfræðinámskeið,“
segir hann. Bragfræðinámsskeiðið er
ekki það eina sem Ragnar Ingi leggur
af mörkum til fjáröflunar fyrir ABC
barnahjálp því hann yrkir einnig vísur
eftir pöntun gegn greiðslu sem rennur
óskipt til samtakanna.
„Við vorum með hagyrðingamót um
síðustu helgi í húsnæði samtakanna og
þar kváðust menn á og skemmtu sér
og svo gátu viðstaddir keypt vísur og
ákveðið sjálfir yrkisefnið. Þetta mæltist
vel fyrir og ákveðið var að halda áfram
með vísnasöluna. Fólk getur sem sagt
pantað vísu hjá ABC um hvað sem því
sýnist og við hagyrðingarnir sjáum svo
um að setja hana saman. Mér finnst
upplagt að fólk fari að hvíla sig á blóm-
unum þegar það vill gleðja aðra og gefi
vísur í staðinn til dæmis í afmælisgjöf
eða af hvaða öðru tilefni sem verkast
vill.“
Til að gefa fólki nasasjón af kveð-
skapnum tekur Ragnar eftirfarandi
dæmi sem varð til á umræddu hagyrð-
ingamóti:
„Hér yrkjum við ljóð og leitum að
orðum,
létt verður allt þetta kvæðaflan
ef vísurnar enda sem brauð á borðum
barnanna okkar í Pakistan.“
Námskeiðið verður haldið fjögur
kvöld. Í kvöld og annað kvöld og svo
aftur mánudags- og þriðjudagskvöld
í næstu viku frá klukkan 20 til 21.30
í húsnæði ABC skólans, Súðarvogi 3.
Enn er hægt að skrá sig í síma ABC, 419
0990 eða bara mæta á staðinn í kvöld og
skrá sig til þátttöku, bretta upp ermar
og byrja að yrkja.
fridrikab@frettabladid.is
RAGNAR INGI AÐALSTEINSSON: NÁMSKEIÐ OG VÍSUR TIL STYRKTAR ABC BARNAHJÁLP
Vísurnar enda sem brauð
á borðum barna í Pakistan
YRKIR FYRIR ABC Námskeiðssgjöldin á bragfræðinámskeiðinu renna óskipt til ABC barnahjálpar og Ragnar segist ánægður með að geta lagt
þessu góða málefni lið. FRÉTTABLAÐIÐ/VALLI
Merkisatburðir
1906 Blaðamannaávarpið sett fram af ritstjórum sex helstu
dagblaða á Íslandi.
1944 Þúsund farast þegar þýska skipið Tirpitz sekkur utan við
Tromsø í Noregi.
1965 Hvassaleitisskóli er settur í fyrsta skipti.
1967 Flatey á Skjálfanda fer í eyði er síðustu 10 íbúarnir flytj-
ast þaðan. Þar höfðu 100 manns búið fáum árum áður.
1991 Íslenska stálfélagið hf. er tekið til gjaldþrotaskipta.
1994 Guðmundur Árni Stefánsson biðst lausnar sem félags-
málaráðherra og tekur Rannveig Guðmundsdóttir við embætt-
inu.
2011 Silvio Berlusconi segir af sér embætti forsætisráðherra
Ítalíu.
KRISTER HENRIKSSON LEIKARI Á AFMÆLI Í DAG.
„Ferli mínum er lokið. Ég þarf að finna annað starf sem ögrar mér. Mér hefur dottið
í hug að vera með uppistand og segja öllum frá lífi mínu. Sýna hugrekki á sviðinu.“
66
Hausthefti Skírnis árið 2012 er komið út. Fjölbreytilegt efni
er í ritinu að vanda og umfjöllunarefnin spanna ólíka tíma
og rúm. Meðal efnis í þessu hefti má nefna grein Einars
Kárasonar rithöfundar um höfund Njálu,
þar sem hann færir bókmenntaleg rök
fyrir kenningu sinni um hver skrifaði
þetta meistaraverk íslenskra bókmennta.
Nítjánda öldin kemur nokkuð við sögu í
heftinu. Ólafur Gíslason listfræðingur
varpar nýju ljósi á hina miklu Evrópuferð
Tómasar Sæmundssonar Fjölnismanns
árið 1832 og Þórir Óskarsson birtir ítar-
lega rannsókn á því hvaða bókmenntir
voru raunverulega lesnar í skólum á 19.
öld. Björn Þorláksson rithöfundur setur
gamlan íslenskan hrepparíg á Tröllaskaga
í óvænt samhengi og Bryndís Björgvins-
dóttir þjóðfræðingur skrifar skemmtilega
grein um brandara um konur, þar sem hún
fer í saumana á orðræðu og stöðluðum
hugmyndum í þessu vinsæla gamanformi.
Í heftinu birtist líka nýr ljóðabálkur,
Almanakið eftir Ólaf Jóhann Ólafsson rithöfund og í mynd-
listarþætti Skírnis leggur Ólafur Gíslason til atlögu við
myndbandsverk Sigurðar Guðjónssonar vopnaður hugtökum
úr smiðju klassískrar fagurfræði og goðsagna.
Ritstjóri Skírnis er Páll Valsson og útgefandi er Hið
íslenska bókmenntafélag.
Skírnir komið út
„Ætli það hafi ekki verið sambland af forvitni og veiði-
mennsku sem fékk mig til að mynda nágranna mína,“ segir
Alda Lóa Leifsdóttir sem opnaði sýninguna Fólkið á Þórs-
götu í Þjóðminjasafni Íslands á laugardaginn með 99 mynd-
um af fólkinu á Þórsgötu. Myndirnar eru teknar á árunum
2004 en sjálf flutti hún í götuna árið 1999. „Á árunum 2004-
2007 var ég mikið að vinna heima við hönnun og hafði þörf
fyrir að komast út fyrir dyr að líta í kringum mig. Ég fékk
lánaða filmuvél Mamyia 67 format og af því filmur eru svo
dýrar tók ég fáar myndir af hverri manneskju. Því hafði ég
ekki úr miklu að velja.
Myndirnar eru bæði teknar úti og inni, að sögn Öldu Lóu.
„Ég bý í miðri götunni og hafði minnst fyrir því að mynda
fólkið í húsunum í kringum mig en svo dróst meira að ég
næði sambandi við fólkið fjær mér,“ segir hún. „Á sýning-
unni eru myndir af fólki úr öllum húsunum, þó ekki af öllum
íbúum sem hafa búið hér því þær eru teknar á löngu tímabili
og fólk hefur dáið eða flutt burt á þeim tíma.“ - gun
Forvitni og veiðimennska
Bretinn Robert Scott háði kapphlaup
við Norðmanninn Roald Amundsen
um að verða fyrstur til að komast á
suðurpólinn. Scott hafði áður reynt
að komast þangað en ekki tekist. Skip
Amundsens og Scotts komu til Suður-
skautslandsins í janúar 1911. Scott
var með vélsleða, smáhesta og hunda
til að draga sleða sína en Amundsen
hafði eingöngu hunda.
Eftir að hafa setið veturinn af sér
hófst leiðangur Scotts á suðurpólinn
í byrjun nóvember. Hann og fjórir
af mönnum hans komust á pólinn 17.
janúar 1912. Þar uppgötvuðu þeir
sér til sárra vonbrigða að Amund-
sen hafði verið á undan þeim, komið
fimm vikum áður. „Það versta hefur
gerst!“ skrifaði Scott í dagbók sína.
Þeir hófu 1.300 kílómetra leið sína
til baka tveim dögum seinna. Fyrsti
maðurinn lést um miðjan febrúar og
sá næsti fór burt frá hópnum í von
um að það gæti bjargað þeim sem
eftir voru. Scott ritaði síðast í dagbók
sína 29. mars og er talinn hafa látist
þann dag, síðastur sinna manna.
Leitarflokkur úr sveit Scotts fann
lík hans 12. nóvember. Hann var álit-
inn mikil hetja í heimalandi sínu en
síðar var leiðangursstjórn hans gagn-
rýnd. Aðalmistök hans eru sögð vera
að treysta ekki á að hundarnir einir
gætu séð um að draga sleðana.
ÞETTA GERÐIST: 12. NÓVEMBER 1912
Lík Roberts Scott kemur í leitirnar
NÝR RISTJÓRI
Haustheftið er hið
fyrsta sem kemur
út eftir að Páll
Valsson settist í
ritstjórastólinn.
FRÉTTABLAÐIÐ/GVA
ÞÓRA Sumar myndirnar voru teknar inni í þrengslum lítilla íbúða á
Þórsgötunni en aðrar úti við eins og sú sem hér birtist. MYND/ALDA LÓA