Fréttablaðið - 17.11.2012, Síða 27

LAUGARDAGUR 17. nóvember 2012 | HELGIN | 27
hlutverk Alvins.“ Hefurðu eitt-
hvað leikið áður? „Nei, aldrei. Það
eina sem ég hef gert fyrir fram-
an myndavélar eru matreiðslu-
myndbönd fyrir vefinn hjá okkur
á Fiskmarkaðnum. Þannig að ég
vissi ekkert hvernig þetta myndi
ganga.“
Hvernig upplifun var það að
taka þátt í sjónvarpsþætti? „Það
var alveg ólýsanlegt að kynnast
og vera með þessu fólki. Þau leið-
beindu manni og voru alveg ótrú-
lega næs og þolinmóð. Þetta er
alveg allt annar heimur en maður
er vanur.“
Þig langar ekki að hætta bara í
kokknum og fara að læra leiklist
eftir þessa reynslu? „Nei, en ef ég
fengi boð um að leika í einhverju
myndi ég ekki segja nei. En, nei,
mig langar ekki að verða leikari að
atvinnu. Ég er að verða búinn með
kokkanámið og langar bara að ein-
beita mér að því.“
Hefur þetta breytt einhverju
fyrir þig? Þekkir fólk þig á götu
til dæmis? „Nei, ég held ekki. Ég
hef heldur ekkert verið að auglýsa
það að ég sé að leika. Það eru samt
nokkrir sem hafa spurt fólkið sem
ég er að vinna með hvort þetta sé
ég í þáttunum, en ekkert mikið og
enginn hefur talað neitt um þetta
við mig.“
Er Alvin líkur þér? „Nehei. Við
erum alveg gjörólíkir. Ég þurfti
bara að vera hann þarna í smá
tíma, en við eigum ekkert sameig-
inlegt og hann er heldur ekki líkur
neinum sem ég umgengst.“
Helmingur af hvoru þjóðerni
Hvort finnst þér þú frekar vera
Íslendingur eða Filippseyingur?
„Úff, þessu er erfitt að svara. Eig-
inlega bara jafn mikið. Það fer
alveg eftir því hvar ég er. Ef ég er
með filippseysku vinum mínum í
heimahúsi þá líður okkur eins og
við séum bara heima á Filippseyj-
um en ef við förum út þá þurfum
við auðvitað að haga okkur eins
og hinir. Ég breytist líka eftir því
hvaða fólki ég er með, ef ég er með
Filippseyingum er ég alveg eins
og þeir og breytist svo í Íslending
þegar ég er með íslensku vinum
mínum. Ég fell alltaf inn í þann
hóp sem ég er með í það skiptið.
Þegar ég er með Filippseyingum er
ég Filippseyingur og með Íslend-
ingum Íslendingur. Það er ekkert
vandamál.“
Eru þetta mjög ólíkar þjóðir?
„Bæði já og nei. Við Filippseying-
ar erum ekkert allir eins og ekki
Íslendingar heldur. Fólk er bara
ólíkt. Það fer ekkert bara eftir upp-
runanum.“ En er ekki strangara
uppeldi hjá Filippseyingunum? „Jú,
það var mjög strangt, en það hefur
verið að breytast mikið undanfar-
ið. Ég tók einmitt eftir því þegar
ég fór heim seinast að krakkarnir
voru miklu frjálslegri en þegar ég
var lítill.“
Þú segir enn þá „heima á Fil-
ippseyjum“. Langar þig að flytja
þangað aftur? „Nei, en ég fæ oft
heimþrá samt. Það er aðallega út af
fólkinu sem ég þekki þar. Ég sakna
þess og þá fæ ég heimþrá.“
Ástralía draumalandið
Áttu kærustu? „Úff, ætlarðu að
fara að tala um það í blaðinu? Ég
er ekki tilbúinn til þess.“
Hvað langar þig að gera þegar
þú ert búinn með skólann og orð-
inn kokkur? Ætlarðu að búa áfram
á Íslandi? „Nei, ég held ekki. Ég
hef eiginlega ekkert plan eins og
er. Annaðhvort flyt ég til einhvers
annars lands og fer að vinna þar
eða verð bara hér áfram. Mig lang-
ar mest að fara til Ástralíu og opna
kannski veitingahús þar.“
Hvers vegna Ástralíu? „Ég veit
það ekki alveg. Hún hefur bara
alltaf heillað mig. Svo er hún líka
nálægt Filippseyjum og stutt fyrir
mann að fara heim.“
Hugsarðu einhvern tíma um það
hvernig líf þitt væri ef þú hefðir
ekki flutt til Íslands? „Nei, eigin-
lega ekki, en auðvitað væri það allt
öðruvísi. Þótt ég hafi verið mjög
ósáttur við að flytja hingað þegar
ég var tólf ára þá vandist maður
því mjög fljótt að búa hér og mér
finnst ég alveg vera Íslendingur,
á bara svolítið annan bakgrunn en
flestir.“
ALVIN Í PRESSU „Við erum alveg gjörólíkir. Við eigum ekkert sameiginlegt og hann er heldur ekki líkur neinum sem ég umgengst.,“ segir Nick um Alvin. Hann segir þó upplifun-
ina af því að taka þátt í gerð þáttanna ólýsanlega. „Þetta er allt annar heimur en maður er vanur. En, nei, mig langar ekki að verða leikari að atvinnu.“

ÓLÝSANLEG UPPLIFUN AÐ FÁ AÐ TAKA ÞÁTT Í PRESSU