Fjarðarpósturinn - 12.03.1987, Blaðsíða 9

FJAROARPÓSTURINN
9
Þá var spurt um hvaða hugmynd-
ir flokkarnir gerðu sér um fylgi í
alþingiskosningunum.
Geir: Við Alþýðubandalagsmenn
teljum að komandi kosningar snú-
ist um það hvort flokkurinn fái tvo
menn kjöra. Ég tel að við höfum
góða von með að ná því marki. í
síðustu sveitarstjórnarkosningum
fengum við alls um 5000 atkvæði i
kjördæminu og það er einmitt sem
við þurfum nú til þess að ná tveimur
mönnum. í síðustu skoðanakönn-
un Helgarpóstsins kom fram að
okkur vantaði um 200 atkvæði til
þess að Ólafur Ragnar yrði kjörinn.
Við höfum því ástæðu til þess að
vera bjartsýn.
Júlíus: Það er dálítið snemmt að
tala um möguleika minn til þess að
komast á þing. Það eru fáir sem vita
að ég er í framboði í kjördæminu.
Ég er hins vegar mjög bjartsýnn nú
vegna þess að nú verður kosið um
menn fremur en flokka. Við höfum
átt erfitt að koma okkar skoðunum
á framfæri en ég vona að nú verði
breyting á. Þegar ég segi að fólk líti
fremur á manninn en flokkinn þá er
skemmst að minnst hvernig Jón
Baldvin reif upp Alþýðuflokkinn
og nú þegar hann hefur lækkað
flugið og sett í staðinn fyrir sig
helstu efnahagsráðgjafa ríkis-
stjórnarinnar, þá lækkar fylgið um
leið.
Ég hef ekki ástæðu til að ætla að
ég hafi minni möguleika en þeir
sem hér sitja til þess að verða kjörin
á þing.
Þorgils: Við förum bjartsýnir af
stað. Það er eins og við höfum verið
„ungamaskína" að búa til þing-
menn fyrir aðra flokka og við
ætlum okkur að hafa áhrif. Það
ríkir sem sagt bjartsýni í okkar
röðum.
Matthías: Sjálfstæðismenn eru
bjartsýnir. Við teljum að náðst hafi
góður árangur í þessu stjórnarsam-
starfi og þar hafi gætt áhrifa sjálf-
stæðismanna. Ef við náum þeim
styrk sem við höfðum í seinustu
kosningum þá sitjum við með 6
menn inn á þingi. Hitt liggur ljóst
fyrir að skoðanakannanir gefa ekki
þá niðurstöðu og það sýnist mér
vera aðvörun um það að menn liggi
ekki á liði sínu og vinni vel þennan
tíma sem er til stefnu fram að kosn-
ingum.
Kjartan: Við höfum fyrst og fremst
þessar skoðanakannanir við að
styðjast. Þar sýnist mér vera að
Framsóknarflokkurinn sé öruggur
með einn þingmann, Alþýðubanda-
lagið einn og Kvennalistinn einn.
Það er síðan ýmist að við erum með
þrjá eða fjóra þingmenn í skoðana-
könnunum og Sjálfstæðisflokkur-
inn með fjóra eða fimm. Ég held að
baráttan standi fyrst og fremst milli
Alþýðuflokksins og Sjálfstæðis-
flokksins í þessu kjördæmi um
þessi sæti,þ.e. 4. sæti hjá okkur og
5. sæti hjá þeim. Ég vænti þess að
hvað við viljum í þeim efnum liggi
alveg ljóst fyrir!
Sigrún: Við höfum eins og aðrir
aðeins skoðanakannanir við að
styðjast. Þar kemur í Ijós að við
erum með eitt traustasta fylgi allra
Anna Ó. Björnsson.
flokka. Hinir flokkarnir hafa
sveiflast þetta upp og niður meðan
við höldum okkar fasta fylgi. Það
fylgi fer frekar vaxandi og ekki síst
hjá því unga fólki sem þegar hefur
gert upp hug sinn. Stór hópur ungs
fólks á hins vegar eftir að gera upp
hug sinn og ég efast ekki um að við
eigum töluverðan fjölda þar, þann-
ig að við erum afskaplega bjartsýn-
Að lokum var spurt hvernig
flokkarnir hyggðust haga kosn-
ingabaráttunni.
Matthías: Við verðum með kosn-
ingabaráttuna með hefðbundnu
sniði. Við þurfum þó að aðlaga
okkur að þeim breyttu tímum sem
orðið hafa frá síðustu alþingiskosn-
ingum, og á ég þar við frjálsa fjöl-
miðlun. Þessi hópur sem hér er
hefur ekki hist fyrr og því hefur
ekki verið tekin nein afstaða til
sameiginlegra funda. Það verður
auðvitað að ræða þegar þar að
kemur. Við verðum að sjálfsögðu
með kosningaskrifstofu og blaða-
útgáfu eins og verið hefur og verið
er að ganga endanlega frá skipu-
lagningu kosningabaráttunnar
þessa dagana.
Kjartan: Við erum þegar komin í
gang með kosningaundirbúning-
inn. Opnaðar hafa verið 3 kosn-
ingaskrifstofur og blaðaútgáfa að
sjálfsögðu aukin en hún hefur verið
nokkur. Fundahöld á vegum
flokksins verða í kjördæminu.
Kosningaundirbúningurinn verður
því með svipuðum hætti og verið
hefur hjá okkur í Alþýðuflokkn-
um.
Sigrún Jónsdóttir.
Sigrún: Baráttan verður með svip-
uðum hætti og síðast hjá okkur.
Við höfum þegar opnað kosninga-
skrifstofu hér í Hafnarfirði. Við
erum að velta fyrir okkur blaða-
útgáfu og vinnustaðafundum.
Geir: Kosningabaráttan er þegar
hafin hjá okkur. Við höfum opnað
tvær kosningaskrifstofur og fleiri
verða opnaðar. Við höfum haldið
kynningarfundi í kjördæminu og
einn fjölmennasta fund flokksins í
kjördæminu héldum við í Grinda-
vík fyrir skemmstu. I vinnslu er
kynningarrit sem borið verður í
hvert hús í kjördæminu.
Júlíus: Við verðum með landsfund
í Tónabíói í dag og það á eftir að
koma á óvart þegar fjölmiðlar sjá
að þar verður fullt hús af áhuga-
sömu fólki. Við höldum vinnu-
staðafundi og tölum við fólk. Það
er okkar aðferð.
Þorgils: Hjá okkur verður lands-
fundur í næsta mánuði og þar
hefjum við kosningabaráttuna. í
undirbúningi er blað og þegar
höfum við opnað kosningaskrif-
stofu.
Steingrímur: Við frambjóðendur
Framsóknarflokksins höfum þegar
átt fundi með fulltrúaráðum og
öðrum trúnaðarmönnum í öllum
sveitarfélögum þessa kjördæmis.
Einn ágætan opinn fund höfum við
haldið í Hlégarði. Kosningastarfið
er þannig hafið af fullum krafti.
Kosningastjóri hefur verið ráð-
inn. Hann hefur aðsetur í Kópa-
vogi. Kosningastjórar í einstökum
sveitarfélögum eru sumstaðar
þegar ráðnir, eða verða ráðnir á
næstunni.
Heimsóknir í fyrirtæki og stofn-
anir eru hafnar. Þannig hef ég, sem
skipa 1. sæti listans, ásamt ýmsum
frambjóðendum flokksins öðrum,
þegar verið í heimsóknum í Kefla-
vík, Mosfellssveit og Hafnarfirði.
Þessum heimsóknum mun mjög
verða fjölgað á næstu vikum.
Loks höfum við hafið öfluga
útgáfustarfsemi, bæði með blaði
fyrir kjördæmið í heild og í svæða-
og bæjarblöðum.
Steingrímur Hermannsson.
ar.
Anna, Kjartan og Steingrímur. Þorgils, Júlíus og Geir.