Fjarðarpósturinn - 10.05.2007, Blaðsíða 2

2 www.fjardarposturinn.is Fimmtudagur 10. maí 2007
Útgefandi: Keilir ehf. kt. 681175-0329
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
„Sannleikurinn er hverjum sagna sárastur“. Á
þetta við um formann Hauka sem fyrtist yfir
umfjöllun hér í leiðara um fjármál íþróttafélaga
og hunsaði eina hafnfirska blaðið þegar gerður
var auglýsingasamningur um íþróttaskóla og
sagðist ætla að beina fréttum frá Haukum til
keflvísks blaðs sem hér er dreift. Segir þetta mér
að allt hafi verið í lagi í fjármálarekstri hand -
knattleiksdeildar Hauka? Gott ef svo hefði verið.
Það er ótrúleg viðkvæmni ef menn þola ekki að
fjallað sé um fjármál íþróttafélags sem sækir um lausnir í skattfé
íbúa Hafnarfjarðarbæjar. Reyndar var hér ekki fjallað um einstakt
íþróttafélag, heldur aðeins brýnt á því að menn bæru ábyrgð á eigin
gjörðum og fjármálaskuldbindingum. Nei, formaðurinn sýndi þarna
ekki mikinn íþróttaanda og hlýtur hann að skera sig frá flestum
öðrum Haukamönnum sem ég þekki. Ekki þurfa þeir að líða fyrir
við kvæmni formannsins sem fannst heldur ekki nægilega fjallað
um Haukana í Fjarðarpóstinum. Það er alltaf gott að vera í þeirri
stöðu að geta heimtað af öðrum. Ég er gamall FH-ingur en get
keikur sagt frá góðum árangri Haukamanna eins og annarra.
Nú skal kjósa á laugardaginn og sjaldan hef ég verið eins
óöruggur með hvað ég kýs. Reyndar hafa sumir verið með áskrift
að atkvæði mínu en þeirri áskrift hefur verið sagt upp. Ég vil kjósa
einstaklinga sem hafa góða yfirsýn, skoða málin vel og þora að taka
upplýsta ákvörðun án hræðslu við atkvæðamissi. Er einhver svona
í framboði núna? Verst er að maður er bundinn við að kjósa
fylkingar sem hefur verið misgáfulega raðað upp og maður verður
að taka allt eða ekkert. Þá er að velja skásta kostinn og þá er bara að
vita hverjum maður getur treyst best. Sá á kvölina sem á völina!
Guðni Gíslason
Víðistaðakirkja
Sunnudagurinn 13. maí
Guðsþjónusta kl. 13.00
Kór Víðistaðasóknar syngur létta
söngva undir stjórn Úlriks Ólasonar.
Kyrrðarstundir
á miðvikudögum kl. 12.00
Súpa og brauð í safnaðarheimilinu á eftir.
Opið hús fyrir eldri borgara
á miðvikudögum kl. 13.00
Spil, spjall og kaffiveitingar
Foreldrastundir
á fimmtudögum kl. 13.00
Gefandi samvera fyrir heimavinnandi foreldra.
www.vidistadakirkja.is
Verið velkomin
Bragi J. Ingibergsson,
sóknarprestur
Djass -
tónleikar í
kvöld
Í tilefni af því að Stefán
Ómar Jakobsson tónlistar kenn -
ari og stjórnandi er nú á förum
til frekara náms í djassfræðum
á erlendri grund, hafa nokkrir
nemendur og samkennarar
hans ákveðið að halda tónleika
í Hafnarborg í kvöld fimmtu -
dag kl. 21-23.
Tónleikarnir verða eins kon -
ar bræðingur þar sem hver og
einn getur komið og leikið af
fingr um fram djass eða blús í
góðum félagsskap. Enginn
aðgangseyrir er að tónleik -
unum og allir velkomnir á
meðan húsrúm leyfir.
Lúðrasveitar -
tónleikar
Á mánudaginn verða lúðra -
sveitartónleikar í Há sölum kl.
19.30. Fram koma C-sveit, B-
sveit, Stórsveit yngri og Skóla -
hljómsveit Víðistaðaskóla.
Stjórnendur eru Stefán Ómar
Jakobsson og Jón Björgvins son.
Tónleikarnir standa í um 50
mín. Kaffisala að loknum tón -
leikum. Aðgangur ókeypis.
Kaffisala Hraunprýði
Hin árlega kaffisala S.V.D.K. Hraun -
prýði verður í safnaðarheimili Hafn -
arfjarð ar kirkju á morgun, föstudag
kl. 15-20.
Til styrktar byggingu nýrrar björg -
unarmiðstöðvar í Hafnarfirði
Tekið verður á móti kökum og meðlæti
á staðnum eftir kl. 17 í dag og til
hádegis á föstudag. Pantanasími: 692
3129, netfang: stinag@internet.is.
Tónleikr í Tónlistarskólanum
Maímánuður er alltaf annasamur í
Tónlistarskóla Hafnarfjarðar. Fjöl -
marg ir tónleikar eru framundan og
fara þeir allir fram í Hásölum.
Mánudagur 14. maí kl. 19.30:
Lúðrasveitirnar og stórsveit. C-sveit,
B-sveit, Stórsveit yngri og Skóla -
hljóm sveit Víðistaðaskóla.
Þriðjudaginn 15. maí:
Kl. 18: Grunndeild.
Kl. 20: Miðdeild.
Miðvikudaginn 16. maí
Kl. 20: Framhaldsdeild.
Louisa Matthíasdóttir í
Hafnarborg
Á morgun, föstudag kl. 17 verða
opnaðar þrjár sýningar í Hafnarborg.
Opnuð verður sýning á kyrralífs -
myndum Louisu Matthíasdóttur og
Leland Bell. Sýningin ber heitið Kyrra -
lífsmyndir úr langri sambúð en hún
samanstendur af uppstillingum sem
málaðar eru með olíu og akríllitum.
- Einnig verður opnuð sýning á inn -
setningum bandarísku listakonunnar
Ruth Boerefijn. Ruth nefnir sýninguna
Interior Landscapes en hún saman -
stendur af innsetningunum Gerrit og
Nellie sem listakonan tileinkar foreldr -
um sínum.
- Þá verður opnuð sýning á mál -
verkum listakonunnar Temmu Bell en
hún er dóttir listakonunnar Louisu
Matt hías dóttur. Líkt og móðir hennar
hefur Temma tengt löndin tvö Ísland
og Bandaríkin, bæði í lífi sínu og list.
Vortónleikar Fríkirkjukórsins
Fríkirkjukórinn í Hafnarfirði heldur
vortónleika sína „Þótt þú langförull
legðir..“ í Fríkirkjunni í Hafnarfirði á
miðvikudaginn 16. maí kl. 20.
Á tónleikunum mun kórinn flytja
söngdagskrá sem hann fer með í
söngför til Vesturheims, Bandaríkjann
og Kanada í júní. Á dagskránni eru
Íslensk þjóðlög og ættjarðarlög ásamt
nýlegri íslenskri tónlist í léttum dúr.
Einsöngvari með kórnum er Kirstín
Erna Blöndal en undirleik annast þeir
Guðmundur Pálsson á bassa, Skarp -
héðinn Hjartarson á píanó og Örn
Arnarson á gítar. Stjórnandi kórsins er
Örn Arnarson tónlistarstjóri Fríkirkj -
unnar í Hafnarfirði.
Hátíð í Lækjarskóla
Á morgun, föstudag kl. 17 verður
vorhátíð Lækjarskóla og lokahátíð
Vitans slegið saman við Lækjarskóla.
Þar verða skemmtiatriði, s.s. kór
Lækjarskóla sem mun frumflytja ljóð
skólastjórans, Haraldar Haraldssonar,
sem hann samdi í tilefni af nýja merki
skólans. Allir skemmtilegustu leikirnir,
s.s. húla-húla, stultur, sippubönd,
snú-snú, teygjutvist, krikket, tennis,
boltaleikir ofl. Grillaðar pylsur seldar á
vægu verði, sem og kaffi.
Sýning Halldórs Árna
Málverkaýning Halldórs Árna Sveins -
sonar í Miðstöð símenntunar er opin
um helgina kl. 14-17 bæði laugardag
og sunnudag. Síðastu sýningardagar.
5. sunnudagur e. páska 13. maí
Bænadagur Þjóðkirkjunnar
Gengið á Helgafell
Ekið frá kirkjunni kl. 11.15 eftir
stutta helgistund þar sem hefst kl. 11.
Helgistundir við Fellið og í hlíðum þess
sem prestar kirkjunnar leiða.
Nesti snætt í boði kirkjunnar. Göngustjóri: Sigurjón Pétursson,
formaður sóknarnefndar. Gönguklúbbur Kvenfélagsins verður með
honum í fararbroddi. Farartími áætlaður um tveir tímar.
Kvöldguðsþjónusta kl. 20
Prestar kirkjunnar þjóna.
Gleðigjafar leika.
Loksins steypt
gangstétt
Íbúar efst í Kinnunum og á
Öldugötu voru orðnir óþreyju -
fullir eftir gangstétt við hring -
torgið á mótum Öldugötu, Báru -
kinnar og Selvogsgötu. Vegna
framkvæmda við hringtorgið
höfðu gangstéttar verið brotnar
upp og nú loksins er búið að
steypa gangstéttarnar á ný og
íbúarnir geta tekið gleði sína.
Menn geta svo spurt sig af
hverju ekki er merkt gangbraut
þar sem drengurinn gengur yfir?
L
j
ó
s
m
.
:

G
u
ð
n
i

G
í
s
l
a
s
o
n
www.hafnarfjardarkirkja.is
Slæmt fordæmi
Plastpokar urðaðir með
garðaúrgangi
Nú er hreinsunarviku nýlokið
og starfsmenn bæjarins eru enn
að sækja plastpoka með garða -
úrgangi sem íbúar hafa fyllt.
Garðaúrgangurinn er fluttur á
tipp bæjarins en þar má nú sjá
svarta og græna plastpoka því
brögð hafa verið að því að ekki
hafi verið tæmt úr pokunum og
þeir því urðaðir með garðaúr -
gangi.
Þetta samrýmist vart um -
hverfis stefnu bæjarins og undar -
legt að svona sé gert.