Fjarðarpósturinn - 20.12.2007, Blaðsíða 2
2 www.fjardarposturinn.is Fimmtudagur 20. desember 2007
Útgefandi: Keilir ehf. kt. 681175-0329
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
Jólaþorpið um helgina
Það verður fjör og gleði í Jólaþorpinu
um helgina. Á laugardaginn 22.
desember verður opið frá 12-18 með
fjölbreyttum skemmtiatriðum sem
byrja klukkan 14. Á sviðinu verður
mikið um dýrðir. Hafdís Huld kemur til
þess að syngja nokkur lög af nýja
diskinum sínum Englar í Ullarsokkum.
Leikhópurinn Kraðak sýnir leikþáttinn
Piparkökur Dýranna þar sem Mikki
refur mætir í smákökubakstur. Jóla -
sveinabandið skemmtir ásamt
mörgum fleirum. Það ættu allir að geta
fundið sér eitthvað við hæfi í þessari
fjölbreyttu og stórskemmtilegu jóla -
dagskrá. Ekki má svo gleyma
jólahúsunum sem munum bjóða uppá
veitingar og áhugaverða gjafavörur af
ýmsu tagi.
Á þorláksmessu verður opið til kl.
22. Enda verður frábær dagskrá og
ekta jólastemmning.
Klukkan 14 verður skemmtidagskrá á
jólasviðinu. Kvenna kór Öldutúns
syng ur nokkur jólalög, Jaðarleikhúsið
kemur og verður með frumlegasta
jólaatriði sem að sést hefur og Capri
Tríó mun spila. Þar að auki mun Grýla
og sveinki mæta á svæðið ásamt fleirri
góðum gestum. En dagskráin enda
ekki þarna heldur byrjar Jólaganga
Hafnafjarðar frá Fríkirkjunni kl 19.30
og endar í Jólaþorpinu kl 20 þegar
Friðrik Ómar og Guðrún Gunnars
byrja með eina útijólaballið sem
verður á Þorláks messu.
Síðasta sýningarhelgi í
Hafnarborg
Jólasýning Hafnarborgar var sett upp í
endann nóvember sl. en það er sýning
á nýjum myn dskreytingum eftir Brian
Pilkington úr bók inni, Tryggðartröll
(2007), höf undur texta er Steinar
Berg. Sýningin stendur út þessa
vikuna og er tilvalið að koma með
börnin til að skoða þessar vönduðu
teikningar.
Þá stendur yfir stóra norræna portrett
sýningin Portrett nu! þar sem sjá má
fjölbreytt úrval portrett mynda eftir
norræna höfunda.
Báðum sýningunum lýkur 22. des -
ember svo nú fer hver að verða
síðastur að sjá þessar skemmtilegu
sýningar.
Síðasti bæjarstjórnarfundur var hinn undar -
legasti. Þriðji varamaður Sjálfstæðisflokkins sat
sinn fyrsta fund á meðan fyrstu tveir varamenn
flokksins sátu heima - eflaust öskuillir. Ekki var
það til að lægja öldurnar innan Sjálfstæðis flokks -
ins. Annars hefur 6. varamaður Sam fylk ingar
setið fund og sumir varamenn Sjálf stæð -
isflokksins fengu númerið 10 eins og Geir forðum
og sátu oft fundi. Annars hélt ég að tími skítkasts
og vinstrigrýlu væri liðinn og Leppa lúði og Grýla
hefðu haldið leið sína í jólaþorpið. Nei, varamaðurinn þriðji var óspar
á gagnrýni á „vinstra fólkið“ og rifjaði upp löngu liðnar syndir. Taldi
hann líka kaffibollann á eigendafundi HS svo áhugaverðan að hans
vegna vildi Samfylking og VG halda þar smá hlut. Þetta er bara
skítkast og á ekki heima á svona fundum. Sennilega gengur
varamanninum allt gott til og er bara ákafur að koma sínum
skoðunum á framfæri en svona er leiðinlegt að hlusta á - frá hvaða
flokki sem það kemur. Annars voru fleiri ósiðir að brjótast út á
fundinum og þingmaðurinn tók með sér framíköllin úr þinginu en
baðst reyndar tvívegis afsökunar á því. Fleiri uppákomur voru á
fundinum en sem betur fer voru þær á meðan ég mataðist.
Árni Sigfússon er greinilega að mála sig út í horn og ósætti og
trúnaðarbrestur í samstarfi sveitarfélaganna innan HS hefur orðið
þess valdandi að Grindavík, Hafnarjörður og Vogar tóku hönum
saman og að nú hafi verið ákveðið að selja nær allan hlut í HS og
óska eftir kaupum á hlut í OR. Hvort það sé gáfulegt að fara í
fjárfestingar í hlutafélögum skal ég ekki tjá mig um en ég hef ekki
heyrt nein rök fyrir því frá meirihlutanum, önnur en að OR sé gott og
traust fyrirtæki annars vegar og hins vegar þá eigum við áfram í HS
í gegnum OR og þannig hefðum við kannski litlaputta á dreifikerfinu
okkar sem við seldum HS þegar við vorum búin að þurrmjólka og
hindra allan framgang Rafveitu Hafnarfjarðar með pólitískum
afskiptum.
En nú látum við jólin læðast inn í huga okkar og látum pólitískt
þras lönd og leið. Hversu gömul sem jólin eru þá höldum við þau í
minningu fæðingu frelsarans og látum enga siðmennta þau frá okkur.
Við getum hins vegar látið kristilegan kærleika okkar vera í hávegum
um jólin og minnst þess að það eru margir með aðrar skoðanir en við
sjálf, skoðanir okkur ber að virða þótt þær séu okkur ekki að skapi.
Hver og einn getur nýtt þessa hátíð ljóss og friðar á sinn máta og ég
óska lesendum öllum hamingju og friðar um jól og á nýju ári.
Guðni Gíslason
Víðistaðakirkja
Helgihald um jól og áramót
Aftansöngur aðfangadag kl. 18:00
Kór Víðistaðasóknar syngur undir stjórn Natalíu Chow.
Einsöngur: Sigurður Skagfjörð, barítón
Fiðla: Martin Frewer
Miðnæturguðsþjónusta aðfangadag kl. 23:30
Kór Víðistaðasóknar syngur undir stjórn Natalíu Chow.
Einsöngur: Sigurður Skagfjörð, barítón
Hátíðarguðsþjónusta jóladag kl. 14:00
Kór Víðistaðasóknar syngur undir stjórn Natalíu Chow.
Einsöngur: Sigurður Skagfjörð, barítón
Aftansöngur gamlársdag kl. 18:00
Kór Víðistaðasóknar syngur undir stjórn Natalíu Chow.
Einsöngur: Gréta Jónsdóttir, mezzosópran
Sóknarprestur og starfsfólk Víðistaðakirkju
óska íbúum Víðistaðasóknar og Hafnfirðingum
öllum gleðilegra jóla og farsældar á nýju ári!
www.vidistadakirkja.is
Bragi J. Ingibergsson,
sóknarprestur
Dansað í Hraunseli
föstudaginn 28. desember
„Gömlu brýnin“, Sigurður
Björgvinsson og félagar leika
og syngja frá kl. 20.30 - 24.
Mikið fjör og mikið gaman
Allir velkomnir á meðan
húsrúm leyfir.
Húsið opnað kl. 20
Upplýsingar í Hraunseli, Flatahrauni 3
og í síma 555 0142, 555 6142