Fjarðarpósturinn - 03.09.2009, Blaðsíða 10
10 www.hafnarfjardarkirkja.is Fimmtudagur 3. september 2009
w
w
w
.H
af
na
rf
ja
rd
ar
ki
rk
ja
.is
Hafnarfjarðarkirkja:
sími 555 4166.
Sóknarnefnd:
Aðalmenn:
Sigurjón Pétursson,
formaður
Jónína Steingrímsdóttir,
varaformaður
Gunnlaugur Sveinsson,
gjaldkeri
Björg Jóhannesdóttir, ritari
Guðbjörg Edda Eggerts -
dóttir, Margrét Guðmunds -
dóttir og Magnús
Sigurðsson.
Staðarhaldari:
Ottó Ragnar Jónsson.
Öll námskeið haustsins eru haldin
á fimmtudögum kl. 20.
Leiðbeinandi er
sr. Þórhallur Heimisson, sókn ar prestur.
Skráning fer fram á símatíma kirkj unnar
í síma 555 4166 eða á thorhallur33@gmail.com
3. september:
Hamingjunámskeið Hafnarfjarðarkirkju.
Markmið námskeiðsins er að benda fólki á leiðir til að styrkja
sig andlega, líkamlega og félagslega í því ástandi sem nú ríkir í
þjóðfélaginu og að hjálpa fólki til þess að finna á ný og styrkja
lífsgleðina. Hamingjunámskeiðið byggir á hjónanámskeiðum
Hafnarfjarðarkirkju, en eru einstaklingsmiðuð og ætluð til að
mæta einstaklingnum í þeirri kreppu sem nú gengur yfir land og
þjóð. Grunnur þess eru 10 leiðir til lífshamingju sem farið er í
gegnum og hafa reynst mörgum vel um land allt.
Námskeiðið tekur aðeins eitt kvöld, lýkur um kl. 22. Það er
ókeypis og öllum opið.
10., 17. og 24. september:
Leyndardómar fornaldarinnar afhjúpaðir
Leyndardómar fornaldarinnar er nýtt námskeið sem haldið
verður í vetur og er þriggja kvölda námskeið. Tekin verða saman
dulspeki og trúar brögð í heilstæðu námskeiði og byrjað á
Musteris riddurunum sem margir hafa grúskað í. Farið verður í
spurningar um gralinn sem nokkur umræða skapaðist um í
kringum Da Vinci lykilinn, síðan áfram í leyndardóma sem
tengjast sáttmálaörkinni úr Gamla testamentinu og svo yfir í
dulspeki talna og forna merkingu þeirra og hvernig megi lesa út
alls konar boð úr tölum bæði kristna dulspeki og aðra.
Námskeiðið endar síðan á hugarbrotum um íslensku landvættina
og hvernig þeir tengjast fyrrnefndum efnistökum. Þórhallur gaf
nýverið út uppflettibókina Orðabók leyndardómanna sem stuðst
verður við í kennslunni og getur fólk lesið í henni heima við til
að undirbúa sig betur.
1.október:
Hamingjukvöld skírnarfjölskyldunnar
Öllum foreldrum sem hafa skírt börn hjá Hafnarfjarðarkirkju
á liðnu ári er boðið á sérstakt hamingjukvöld. Þema kvöldsins er
hvernig hægt er að efla og styrkja hamingju fjölskyldunnar í 10
skrefum. Boðið er upp á veitingar og ljúfa tónlist.
8.-22. október:
Hjóna og sambúðarnámskeið
Á námskeiðunum er fjallað um samskipti foreldra og barna,
stjórnun innan fjölskyldunnar og hvernig þessi atriði endur -
speglast í hegðun barna og ungl inga utan fjölskyldunnar. Farið
er í gegnum helstu gildrur sambúðarinnar, hvernig fjölskyldu -
mynstrum hægt er að festast í, fjallað um væntingar, vonir og
vonbrigði þeirra sem tilheyra fjölskyldunni. En fyrst og fremst
er fjallað um þær leiðir sem hægt er að fara til að komast út úr
vítahring deilna og átaka í sambúð og hvernig styrkja má innviði
fjölskyldunnar. Við skoðum líka ýmsar fjölskyldugerðir og velt -
um því fyrir okkur hvað hægt er að gera til þess að fyrirbyggja
deilur og samskiptaörðugleika.
Auðvitað er ekki hægt að leysa öll mál á námskeiði sem þessu,
enda forsendur þeirra sem taka þátt mjög mismunandi. Þau pör
sem taka þátt geta þess vegna skráð sig í einkaviðtöl mánuði
eftir að námskeiðinu lýkur, þyki þeim þörf þar á. Einnig er vísað
til presta og annarra fagaðila er geta veitt nánari aðstoð, sé þess
óskað.
Námskeiðið fer fram í formi samtals milli þátttakennda og
leiðbeinanda, þar sem pörin eru m.a. látin vinna ýmis verkefni,
hvert fyrir sig.
Enginn þarf að tjá sig á námskeiðinu frekar en hann vill.
29. október - 12. nóvember:
Allt sem þú vildir vita um Biblíuna en þorðir
ekki að spyrja um
Biblíunámskeið sem fer í Biblíuna á nýstálegan hátt, til að
mynda hvernig hún varð til og hvernig hún hefur verið túlkuð í
gegnum aldirnar. Á námskeiðunu mun leiðbeinandi svara
spurningum og skapast oft fjörlegar umræður um hin ýmsu
málefni Biblíunnar.
Fullorðinsfræðsla
Fjölbreytt námskeið í boði
Við Hafnarfjarðarkirkju er starfandi fjölmennt og
öflugt kvenfélag á traustum grunni. Félagið sér
meðal annars um prjónakaffi kl. 20 annað fimmtu -
dagskvöld hvers mánaðar og er dagskráin fjöl breytt
og við allra hæfi. Eru allar konur hjartanlega
velkomnar.
Allar nánari upplýsingar um Kvenfélagið,
fundina og dagskrá vetrarins, má fá hjá Hörpu,
formanni félagsins, í síma 616 6466.
Öflugt
kvenfélag
Hádegistónleikar í Hafnarfjarðarkirkju
hefjast á ný þriðjudaginn 29. september.
Óhætt er að segja að tónleikum þessum
hafi verið afar vel tekið og hafa þeir verið
vel sóttir. Í haust fær kirkjan góða gesti í
heimsókn sem endranær. Aðgangur á tón -
leikana er ókeypis. Það er von að stand -
enda tónleikanna að sem flestir sjái sér
fært að njóta góðrar stundar í húsi Guðs í
hádegi, hlýða á fagra tónlist fram reidda af
afburðalistafólki við frábærar aðstæður.
Haustdagskráin 2009:
Þriðjudaginn 29. sept. kl. 12.15-12.45:
Orgel og fiðla. Guðmundur Sigurðs -
son, kantor Hafnafjarðarkirkju, og Hjör -
leifur Valsson fiðluleikari leika fjöl -
breytta efnisskrá, m.a. tónlist eftir Bach.
Þriðjudaginn 27. okt. kl. 12.15-12.45:
Orgel og selló. Hjónin Hörður Ás -
kels son söngmálastjóri Þjóðkirkjunnar
og kantor Hallgrímskirkju og Inga Rós
Ingólfsdóttur, sellóleikari í Sinfóníu -
hljómsveit Íslands, flytja rómantíska
tónlist eftir Camille Saint-Säens og
fleiri.
Þriðjudaginn 24. nóv. kl. 12.45:
Eyþór Ingi Jónsson, organisti Akur -
eyrarkirkju, leikur rómantíska efnisskrá
frá Skandinavíu á Scheffler orgel kirkj -
unnar.
Hádegistónleikar
í Hafnarfjarðarkirkju
Í vetur verður boðið upp á kórastarf fyrir
börn og unglinga á aldrinum 4-16 ára.
Kórarnir munu taka þátt í fjölskyldu -
guðþjónustum, syngja á jólatónleikum,
setja upp jólahelgileik, fara á kóramót,
æfingabúðir, óvissuferð og fl.
Enn er hægt að bæta við kórfélögum
sem eru hvattir til að mæta á næstu æfingu.
Mánudaga:
Barnakór 4-6 ára kl. 16.45 -17.30
Eldri barnakór 7-9 ára kl. 17.15-18
Unglingakór 10 -16 ára kl. 18-19
Einnig æfir unglingakórinn á fimmtu -
dögum kl. 17.30-19.
Stjórnendur kóranna eru Helga Lofts -
dóttir kórstjóri og Anna Magnús dóttir
píanó leikari
Allar nánari upplýsingar eru í síma 695-
95-84 eða á helga.loftsdottir@gmail.com
Allir eru velkomnir til að vera með.
Glaðir syngja krakkarnir
Barna- og unglingakór Hafnarfjarðarkirkju
L
jó
s
m
.:
G
u
ð
n
i
G
ís
la
s
o
n