Fjarðarpósturinn - 12.11.2009, Blaðsíða 8
8 www.fjardarposturinn.is Fimmtudagur 12. nóvember 2009
Bæjarhraun 6 • 220 Hafnarfjörður • Sími 520-8003 • www.stilling.is
Kúplingar
Þurfir þú að ná til Hafnfirðinga – Hafðu þá samband!
w w w . f j a r d a r p o s t u r i n n . i s
auglýsingasími:
565 3066
auglysingar@fjardarposturinn.is
Forstjóri Teymis, Árni Pétur
Jónsson, hefur látið af störfum
hjá félaginu samkvæmt sam -
komulagi milli hans og stjórnar
Teymis auk þess sem hann
hættir sem forstjóri Vodafone.
Nýr forstjóri Teymis er
Gestur G. Gestsson. Hann
hefur undanfarin ár verið
framkvæmdastjóri tæknisviðs
Vodafone, en áður gegndi hann
stöðu framkvæmdastjóra Marg -
miðlunar. Gestur er kvæntur
Kristínu Þórarinsdóttur, hjúkr -
unar fræðingi.
Nýr forstjóri Vodafone er
Ómar Svavarsson. Áður en
Ómar varð framkvæmdastjóri
sölu- og þjónustusviðs Voda -
fone árið 2005 var hann
framkvæmdastjóri ein stakl -
ings sviðs hjá Sjóvá. Ómar er
kvæntur Sigfríði Eik Arnar -
dóttur, forstöðumanni hjá
Kredit korti.
Hafnfirðingar taka við
hjá Teymi og Vodafone
Ómar Svavarsson
Gestur G. Gestsson.
Þann 30. nóvember hefst
Kríla sálmanámskeið í Víði -
staðakirkju. Krílasálmar er heiti
á kirkjulegu tónlistarnámskeiði
fyrir ungbörn á fyrsta ári og
foreldra þeirra og hafa verið
haldin með góðum árangri í
Háteigskirkju og Fella- og
Hólakirkju. Leiðbeinandi er
Diljá Sigursveinsdóttir tón -
listar kennari og hefst námskeið
í Víðistaðakirkju 30. nóv. nk.
Á námskeiðinu eru kennd
ýmis lög og leikir í notalegu
umhverfi kirkjunnar og lögð
áhersla á söng og hreyfingu.
Einkum er notast við tónlist
kirkjunnar en einnig önnur
þekkt barnalög, leiki og þulur.
Námskeiðið miðast einkum
við börn á aldrinum 3ja til 12
mánaða og er megintilgangur
þeirra:
- Að veita börnunum gleði og
upplifun af tónlist og söng.
- Að kenna foreldrum hvernig
nota má söng og tónlist til auk -
inna tengsla og örvunar við
börnin þeirra.
- Að tengja gleði og jákvæða
upplifun við kirkjuna, sálmana
og tónlist kirkjunnar.
- Að örva tilfinninga- og
hreyfi þroska barnsins í gegnum
tónlistariðkun.
Námskeiðið er sex skipti og
verður á mánudögum kl. 11-12,
dagana 30. nóvember, 7.
desember, 14. desember, 11.
janúar, 18. janúar og 25. janúar.
Námskeiðisgjald er kr. 3000.
Skráningar fara fram á arn -
gerdur.arnadottir@kirkjan.is
eða í síma 690 6586.
Tónlistarnámskeið
fyrir ungbörn
Byggðin á Álftanesi, sem lengst
af var lítið samfélag, hefur síðustu
áratugi stækkað margfalt. Hröð ust
var uppbyggingin kringum ný -
liðin aldamót en þó hefur varla
verið ráðist í nýjar bygg ingar
íbúðahúsa síðustu 3
árin. Mikil aldamóta -
upp byggingin kostaði
sveitarsjóð verulega
fjár muni sem slegnir
voru að láni að mestu
erlendis. Nú blasir við
að sveitar sjóð ur Álfta -
nes er að þrot um kom -
inn og eftir stendur
spurn ingin um hvernig
það megi vera?
Svarið felst í aldurssamsetningu
íbúa sem lengi hefur verið ó -
hagstæð sveitarsjóði.
Álftanes er ungt samfélag þar
sem um 19% íbúa eru á grunn -
skólaaldri á meðan lands meðal -
talið er innan við 14%. Grunn -
skólinn er því hlutfallslega um
37% stærri en meðaltal annarra
sveitarfélaga.
Fræðslu- og æskulýðsmál eru
stærstu útgjaldaliðir sveitarfélaga.
Á Álftanesi námu þeir málflokkar
934 milljónum á síðasta ári. Væri
sveitarfélagið nær meðaltali má
reikna með að kostnaðurinn væri
252 milljónum kr. lægri. Það er
nánast sú upphæð sem sveitarsjóð
skortir núna meðan útsvarstekjur
eru um 810 milljónir og fast eigna -
skattar um 75 milljónir. Skattar
íbúanna ná því ekki að dekka
kostnaðinn af þessum mikilvægu
mála flokkum hvað þá öðrum
rekstri.
Sveitarfélög landsins hafa jöfn -
unarsjóð til að jafna stöðu sveitar -
félaga. Þrátt fyrir að lögbundið
hlutverk jöfnunarsjóðs sé að jafna
út útgjöld sveitarfélaga gerir hann
það aðeins að litlu leyti gagnvart
stærsta kostn aðarliðn -
um, hinum lögbundnu
fræðslumálum.
Grunnur forsendna
sjóðsins gagnvart
grunn skólum landsins
er rammskakkur enda
er hann frá árinu 1996.
Síðan hefur mikið
vatn runnið til sjávar
og forsendur fyrir
rekstri grunn skóla
hafa breyst verulega á 13 árum.
Jöfnunarsjóði sveitarfélaga er
einnig ætlað að tekjujafna sveitar -
fé lög. Þar sem Álftanes er 10. út -
svarshæsta sveitarfélag landsins á
hvern íbúa, kemur nær ekkert í
þess hlut úr þeim hluta sjóðsins.
Því fellur Álftanes niður í 70. sæti
af 78, þegar reiknað er saman
skatt tekjur og jöfnunarsjóður.
Þann ig er ljóst að Jöfnunarsjóður
sveit arfélaga sinnir ekki lög -
bundnu hlutverki sínu gagnvart
Álftanesi.
Nýleg frétt Fréttablaðsins sætir
mikilli furðu. Þar er haft eftir full -
trúa D-listans að ástæða slæmrar
fjárhagsstöðu sveitarfélagsins sé
ný byggð sundlaug! Sú sérstæða
fullyrðing er í þokkabót rökstudd
með röngum tölum. Af óskilj an -
legum ástæðum hefur D-listinn á
Álftanesi frá upphafi talið bygg -
ingu nýrrar sundlaugar allt til for -
áttu, reyndi ítrekað að stöðva
fram kvæmdir á byggingatíma og
lét reyna á byggingareglugerðir
vegna opnunar rennibrautar við
laug ina.
Nú hefur D-listinn endurheimt
langþráð völd en þá ber svo við að
hann hafnar því að kynna og aug -
lýsa þessa nýju, glæsilegu að -
stöðu. Tillaga þess efnis fæst ekki
tekin fyrir í bæjarráði.
Það er mótsagnakennt að hugsa
til þess að sami flokkur og hafði
forgöngu um hraða uppbyggingu
íbúðarhúsnæðis fyrir fjölskyldu -
fólk skuli ekki hafa séð fyrir
aukna þörf á skólahúsnæði og
ann arri grunnþjónustu s.s. til
íþrótta kennslu. Þó tekur steininn
úr að leggjast gegn úrbótum á því
sviði með öllum tiltækum ráðum.
Meðan mikilvægast er að róa
öllum árum að því að sækja rétt
sveit arfélagsins og leggja allt
kapp á að efla tekjustofnana, gefur
nýi „starfhæfi“ meirihlutinn hins
vegar út opinberar yfirlýsingar um
að sveitarfélagið sé tæknilega
gjaldþrota og lokar þar með á alla
lánafyrirgreiðslu. Nú er svo kom -
ið að skuldabréfum í eigu sveit -
arfélagsins er ekki hægt að koma í
verð. Er verið að jarða sveitar -
félag ið Álftanes endanlega með
fjölmiðlavaldi?
Krafa Álftnesinga er skýr: rétta
þarf lögboðinn hlut Álftaness úr
Jöfnunarsjóði sveitarfélaga. Við
krefjumst þess að eiga tilverurétt
sem sjálfstætt og barnvænt
samfélag.
Höfundur er bæjarfulltrúi á
Álftanesi.
Sumir jafnari en Álftnesingar?
Kristján
Sveinbjörnsson
Það hefur komið berlega í
ljós að undanförnu í Icesave-
deilunni að norrænir „vinir
okkar“ eru í reynd falsvinir.
Þetta á þó frekar við stjórnvöld
í þessum löndum en
fólk almennt. Ein
þjóð sker sig þó úr og
hefur sýnt okkar
sömu vinsemd og
áður, en það eru ná -
grannar okkar Fær -
eyingar. Hafi þeir
þökk fyrir.
Framkoma ESB-
þjóðanna og Norð -
manna hefur komið
okkur á óvart, áttum von á
öðru. En þetta sýnir berlega
hvers er að vænta af Evrópu -
sambandinu ef við glepjumst til
að fara þangað inn. Hinn norsk -
ættaði fyrrverandi forsætis -
ráðherra okkar, Geir Haarde,
sagði af gefnu tilefni vegna
fjandskapar svokallaðra vina -
þjóða, að kominn væri tími til
að finna sér aðra vini. Við eig -
um ekki að vera hrædd við að
gera það því það er auðvitað
ekkert gagn í falsvinum. Það
hefur verið sýnt fram á það að
framkoma ESB í okkar garð á
sér enga stoð í lögum Þetta er
ósvífið ofbeldi og ekki sam -
boðið siðuðum þjóð -
um
Hæst ber þó of -
beldið í beitingu
Breta á hryðju verka -
lögum gegn okkur.
Það voru slæm mis -
tök að slíta ekki
stjórn málasambandi
við Breta vegna þess
og það hefði jafnvel
verið réttlætanlegt,
eftir að á það hefði verið reynt
hjá NATO, að segja sig úr
þessum samtökum.
Við erum enn rík þjóð og
getum alveg séð okkur farboða
án sambands við ESB. Það
hefur einnig verið sýnt fram á
það að það myndi engu breyta
fyrir okkur efnahagslega þótt
við neituðum að greiða Icesave
reikninginn. Því miður hefur
ríkistjórnin fest sig í þann
farveg að nauðsynlegt sé að
verða við kröfum ESB vegna
Icesave. Þetta er rangt og annað
hlýtur því að liggja að baki og
líklegasta skýringin er sú stefna
Samfylkingarinnar að vilja
hvað sem það kostar ganga
ESB á hönd. Erfiðara er að
skilja afstöðu Vinstri grænna
sem hafa í einu og öllu sagt
skilið við fyrri skoðanir í þeim
efnum. Því miður hafa fáeinir
þingmenn úr röðum Sjálf -
stæðisflokks og Framsóknar -
flokks lýst yfir stuðningi við
aðild að ESB. Einn þeirra,
þingmaður Suðvestur kjör -
dæmis, fullyrti það í ræðustól á
Alþingi, að orð eins og sam -
vinna, fullveldi og sjálf stæði,
hefðu aðra merkingu í dag en
áður!!! Það er alvarlegt mál ef
þjóðkjörnir fulltrúar á Alþingi
leyfa sér að tala svona. Er ekki
kominn tími til að losa sig við
slíka þingmenn? Íslendingar!
Stöndum vörð um fullveldið.
Höfnum ESB.
Höfundur er fv.
flugumferðastjóri.
Vinir eða falsvinir?
- lítil stoð í norrænni frændsemi
Hermann
Þórðarson
L
jó
s
m
.:
G
u
ð
n
i
G
ís
la
s
o
n