Fjarðarpósturinn - 16.06.2010, Blaðsíða 8

8 www.fjardarposturinn.is Miðvikudagur 16. júní 2010
Málefnasamningur Sam­
fylkingar og Vinstri
grænna var lagður fram á
bæjar stjórnar fundi á
mánudaginn. Í honum eru
fjölmörg atriði og til að
gefa mynd af fjölbreyti­
leikanum er eftirfarandi
m.a. í samningnum:
1. Stjórnsýsla og lýðræði
Meirihlutinn leggur höfuð­
áherslu á að bæta möguleika
íbúanna á beinni þátttöku í
stefnumótun og ákvarðanatöku
um mál sem þá varða. Leitað
verður leiða til að bæta vinnulag
bæjarstjórnar, t.d. með því að
gera breytingar á fyrirkomulagi
bæjarstjórnarfunda.
Farið verður yfir stjórnkerfið á
grundvelli úttektar sem fráfarandi
bæjarstjórn hefur látið vinna og
lagt mat á með hvaða hætti það
verði lagað að breyttum að stæð­
um, sem skap ast m.a. vegna
yfirfærslu mál efna fatlaðs fólks
til sveitar félagsins.
Kannað verður hvort og með
hvaða hætti mögulegt er að
innleiða viðurkennda gæða staðla
í starfi bæjarstjórnar og stjórn­
sýslunnar.
Skipuð verður lýðræðis­ og
stjórn sýslunefnd kjörinna bæjar­
fulltrúa til að fylgja eftir ofan­
greindum verkefnum.
2. Fjármál og rekstur
Styrkja þarf tekjustofna
bæjarins með markvissum
aðgerðum í skipulags­ og
atvinnumálum og hlúa að
starfsumhverfi fyrirtækja í
bænum. Bærinn á tilbúnar íbúða
– og atvinnulóðir sem verðmetnar
eru á nærri 10 milljarða króna.
Peningaleg eign bæjarins um 4
milljarðar krónur verður notuð til
að greiða niður skuldir, lenging
lánstíma lánanna, sala lóða og
framangreint veltufé leiða til þess
að greiðslubyrði á komandi árum
verður viðráðanleg. Á kjörtíma­
bilinu verður nýframkvæmdum
haldið í lágmarki.
Áhersla er lögð á að leita
ákveðið eftir uppkaupum á þeim
einkaframkvæmdarsamningum
sem eftir eru.
Fyrirkomulag gjaldtöku fyrir
þjónustu verður endurskoðað og
í samræmi við það sem lagt var
upp með haustið 2009, verða
gjaldskrár endurskoðaðar fyrir
haustið, m.a. í samræmi við
verðlagsþróun.
3. Velferð
Sérstök áhesla verður lögð á að
efla og þróa skólastyrki enn
frekar.
Við yfirfærslu málaflokks
fatlaðs fólks, janúar 2011 verði
hugað að því að þjónusta við
fatlað fólk verður sniðin að
persónulegum þörfum hvers og
eins og stefnt skal að því að þeir
sem þess óska fái notendastýrða
persónulegra aðstoð.
Sérstök áhersla verður lögð á
að tryggja að ríkið standi við
sínar skuldbindingar varðandi
framtíðarhlutverk Sólvangs,
þegar nýtt hjúkrunarheimili tekur
til starfa árið 2012. Horft verður
til mikilvægis St. Jósefsspítala
fyrir almenna heilbrigðisþjónustu
í bænum og staðið gegn áformum
um að draga úr hlutverki hans í
því sambandi.
Ýtt verði undir virkan leigu­ og
kaupleigumarkaði á félagslegum
grunni í samvinnu við ríki og
félagasamtök, þar sem fólk hefur
val um öruggt búsetuform án
þess að þurfa að setja sig í
ævilangan skuldaklafa.
Sérstök áhersla er lögð á að
auka virkni fólks án atvinnu. Í því
sambandi verður horft til
atvinnuátaksverkefna, skóla­
styrkja og námsúrræða.
4. Atvinna
Leitað verði leiða til að tryggja
skólafólki sumarvinnu eða
möguleika til að stunda nám og
rannsóknir yfir sumarmánuðina.
Hafnarfjarðarbær mun strax
ráðast í mannaflsfrek atvinnu­
átaksverkefni í samvinnu við
Vinnumálastofnun, Atvinnu­
leysis tryggingasjóð og aðra
hags munaaðila í þeim tilgangi að
vinna gegn staðbundnu atvinnu­
leysi.
Til að undirstrika enn frekar
mikilvægi ferðaþjónustunnar
sem grunnatvinnugreinar í Hafn­
ar firði vilja bæjaryfirvöld sam­
þætta verkefni og samnýta enn
frekar þá reynslu og þekkingu
sem til staðar er á ólíkum sviðum
innan stjórn sýslunnar varðandi
markaðs­, kynningar­, ný sköp­
unar­ og þróunar mál, undir
sérstakri Hafnarfjarðarstofu.
Bæjaryfirvöld vilja stuðla að
því að koma upp virkum úti­
markaði í miðbæ Hafnarfjarðar
til að skapa þannig meira líf og
styrkja miðbæjarstarfsemi.
Unnin verður umhverfis­ og
auðlindastefna Hafnarfjarðar­
bæjar sem tekur til nýtingar­
áforma, umhverfisverndar, at ­
vinnu uppbyggingar, skipulags
og annarrar stefnumörkunar fyrir
þær mikilvægu auðlindir sem
bæjarfélagið hefur yfir að ráða í
formi vatns, jarðhita og land­
svæða.
Áhersla verður lögð á sveigj­
anleika við úthlutun á iðnaðar­ og
atvinnulóðum og sérstaklega
horft til uppbyggingu græns
iðnaðar, svo sem net þjónabúa,
enda aðstæður í Hellna hrauni
hentugar í alla staði fyrir slíka
starfsemi með góðu að gengi að
bæði orku og kælivatni.
Hafnarfjarðarbær geri könnun
á framboði og eignarhaldi á
ónotuðu atvinnuhúsnæði sem
hægt væri að nota fyrir nýja
atvinnustarfsemi.
Bæjaryfirvöld vilja stuðla að
enduruppbyggingu eldri iðnaðar­
svæða á Hraunum og fram tíðar­
skipulagi í tengslum við nýjan
Ofanbyggðaveg, sem opnar ný
tækifæri með góðri tengingu við
helstu umferðaræðar innan
höfuð borgarsvæðisins og
al þjóða flugvöll í Keflavík.
Bæjaryfirvöld vilja stuðla að
því og laða að hafnsækna ferða­
þjónustu, s.s. hvalaskoðun, sjó­
stangaveiði og skemmtisiglingar.
Í því samhengi verði mótuð
fram tíðarstefna um nýtingu
Norð urbakka.
Með breytingum á stjórnkerfi
fiskveiða gefst tækifæri á að efla
sjávarútveg og fiskvinnslu í
Hafnarfirði. Hugað verði að
mark vissri uppbyggingu á
að stöðu og þjónustu fyrir smá­
bátaútgerð og skemmtibáta.
5. Umhverfi-, skipulag- og
auðlindir
Á sviði skipulagsmála verður
lögð áhersla á vistvæna nálgun,
bæði hvað varðar skipulagsgerð
og hönnun mannvirkja.
Varðveita þarf menningarleg
sérkenni bæjarins hvað varðar
byggingarlist, sögu, minjar og
náttúru far.
Í stjórnsýslunefnd verður farið
yfir stjórnsýslu skipulags­ og
byggingarmála hjá Hafnar­
fjarðarbæ með það að markmiði
að skilgreina betur og styrkja
stöðu sviðsins, sem og almenna
samþættingu skipulags­ og um ­
hverfismála.
Háhitasvæði innan landa­
merkja Krýsuvíkur eru í eigu
Hafnar fjarðarbæjar. Áfram verð­
ur unnið að rannsóknum á svæð­
inu án skuldbindingar um
nýtingu af hálfu rannsóknaraðila.
Hafnarfjarðarbær er eigandi að
jarðhita í Brennisteinsfjöllum og
mun sem slíkur beita sér fyrir
friðlýsingu svæðisins.
Ávallt verði gerð krafa um
bestu mögulegu ráðstafanir til
mengunarvarna við atvinnu rekst­
ur í Hafnarfirði.
Rík áhersla verður lögð á
snyrtimennsku og góða um ­
gengni í bæjarlandinu, jafnt
innan byggðar sem utan.
Áhersla verður lögð á aukna
flokkun sorps og annars úrgangs
í samstarfi við endurvinnslu­
fyrirtæki og nágrannasveitarfélög.
Áhersla verður lögð á lagningu
göngu­ og hjólreiðastíga sem
tengi saman íbúabyggð, atvinnu­
svæði og útivistarsvæði. Litið
verði á hjólreiðar sem sam­
göngumál og leitað samstarfs við
nágrannasveitarfélögin í þeim
efnum.
Svæði verða skipulögð undir
fjölnota orkustöðvar fyrir sam­
göngutæki innan Hafnarfjarðar
og markvisst unnið að því að
bæjarfélagið taki forystu í um ­
hverfisvænum orkukostum.
Þrýst verði á stjórnvöld um að
framkvæmdir hefjist við mislæg
gatnamót Krýsuvíkurvegar við
Reykjanesbraut hið fyrsta.
Vegtenging frá Vallasvæði
sunnan við Ásfjall að Kaldár­
selsvegi verði á framkvæmda­
áætlun næstu tvö árin.
Lokið verður við gerð ramma­
skipulags fyrir Upplandið og
hafnar framkvæmdir á grundvelli
þess s.s. með gerð hjólreiðastígs
meðfram Kaldárselsvegi og
áningastaðar við Kaldársel.
Lokið verður við deiliskipulag
vegna fyrirhugaðrar stækkunar
bókasafnsins í samræmi við
fyrirliggjandi verðlaunatillögu,
þar sem m.a. er gert ráð fyrir
vistvænu torgi framan við safn­
húsið. Stækkun safnsins verður
eitt af forgangsmálum í næstu
verklegu framkvæmdum sveitar­
félagsins.
Í samræmi við samþykkt
bæjarstjórnar á 100 ára afmæli
Hafnarfjarðarkaupstaðar, verður
efnt til samkeppni um skipulag
og framtíðarsýn fyrir svokallað
Dvergssvæði og Dvergshúsið
verði rifið. Í því sambandi verður
m.a. horft til lokafrágangs á
gönguleiðina á lækjarsvæðinu frá
Austurgötu að Strandgötu.
Fylgt verði framkomnum
tillögum um úrbætur í um ferðar­
öryggismálum á þeim vega­
köflum í bænum sem heyra undir
Vegagerð ríkisins, s.s. við Hóls­
hraun/Fjarðarhraun og suðurhluta
Strandgötu.
Lokið verður við gerð sam­
starfssamnings við Björgunar­
sveit Hafnarfjarðar sem hefur
verið í vinnslu undanfarna mán­
uði.
6. Fræðslumál
Við framkvæmd aðhaldsað­
gerða verður forgangsraðað í
þágu nemenda sem þurfa sértæk
úrræði.
Samskipti skóla og íbúa verði
efld með því m.a. að leggja rækt
við starf skólaráða og að halda
reglubundin skólaþing þar sem
rædd verði fræðslu­ og skólamál,
allt frá fullorðinsfræðslu til leik­
og grunnskóla, sem og málefni
tónlistarskóla.
Heilsdagsskólinn breytist í
Tómstundaskólann og verður
yfirstjórn hans færð til Íþrótta­ og
tómstundadeildar, samhliða því
sem faglegar kröfur til skipulags
tómstundastarfs verði yfirfarnar.
Leitast verður við að halda
áfram möguleika til náms á
framhaldsskólastigi í efstu
bekkjum grunnskólans, í sam­
starfi við menntamálaráðuneytið
og framhaldsskólana
Stefnt skal að því að holl
morgunmáltíð verði fyrir börn í
öllum skólum Hafnarfjarðar
þeim að kostnaðarlausu. Hugað
verði að fyrstu skrefum í átt að
gjaldleysi grunnskólans á
afmörkuðu sviði fyrir lok
kjörtímabilsins.
Leitað verði eftir frekara sam­
starfi við nágranna sveitarfélög
um ákveðna þætti í endurmenntun
og starfsþróun starfsfólks leik­ og
grunnskóla Hafnarfjarðar.
7. Íþróttir, æskulýðsmál,
tómstundir og forvarnir
Megináhersla er lögð á að
skapa umhverfi þar sem jöfnuður
og sanngirni ríkir og að allir geti
fundið eitthvað við sitt hæfi.
Forvarnir í víðasta skilningi
þess verði í forgrunni í íþrótta,
æskulýðs og tómstundastarfi.
Lögð er áhersla á mikilvægi
frístundaaksturs og að sú þjón­
usta verði tryggð allt árið. Fyrir­
komulagið verður þróað sam­
hliða endurskoðun skóla aksturs
og almenningssamgangna.
Hafin verði vinna við að greina
grunnþjónustu íþróttafélaga við
íbúa frá öðrum rekstri.
Fyrirkomulag niðurgreiðslu til
íþrótta­ og æskulýðsstarfs verður
endurskoðað í heild og gert enn
skýrara og gagnsærra. .
Mótaðar verða markvissar
aðgerðir til að sporna gegn
brottfalli barna og unglinga úr
íþrótta­ og tómstundastarfi.
8. Menning
Farið verði yfir starfsemi
Bæjarbíós með það að markmiði
að opna húsið fyrir fjölbreyttari
og frekari nýtingu þess, til dæmis
reglubundnar kvikmyndas ýning­
ar m.a. fyrir börn og unglinga
Þróunar­ og skipulagsvinna á
hafnarsvæðinu við Flensborgar­
höfn taki tillit til gamla Hansa­
kaupstaðarins og Flensborgar­
skólans.
Gert verði átak í að merkja
með sýnilegum hætti gömul hús í
bænum með upprunalegum
nöfnum.
Kannaðir verði möguleikar á
að gerður verði sérstakur menn­
ingar samningur við mennta mála­
ráðuneytið til að efla og styrkja
enn frekar fjölbreytt menningar­
og listastarf í bænum, líkt og gert
hefur verið annars staðar á
landinu.
Hugað verði að því að frí­
merkja safn verði meðal sérstakra
áhersluþátta í starfi Byggða safns­
ins.
Fjármálastjórn og frímerkjasafn
Tekið á stórum og smáum málum í málefnasamningi Samfylkingar og Vinstri grænna
Bent er á fjölmarga þætti í rekstri bæjarins sem taka þarf á.
Lj
ós
m
.:
G
uð
ni
G
ís
la
so
n