Fjarðarpósturinn - 12.05.2011, Blaðsíða 4

4 www.fjardarposturinn.is Fimmtudagur 12. maí 2011
Á þessu ári eru liðin 60 ár frá
stofnun Fimleikafélagsins Björk.
Félagið var stofnað 1. júlí 1951
eftir að hópur stúlkna hafði æft
fimleika í tvö ár undir leiðsögn
Þorgerðar M. Gísladóttur. Stofn­
endur voru 25 stúlkur og var Þor­
gerður M. Gísladóttir
fyrsti formaður félags­
ins. Tilgangur félagsins
var að efla sem mest
fimleikaiðkun meðal
ungra sem aldinna og
gera fimleikaiðkun sem
almennasta fyrir konur
á öllum aldri. Það er
fyrst núna á síðustu 2­3
árum að félagið hefur
aftur farið af stað með
fimleika fyrir fullorðina, og þar
með sótt aftur til upphafsins með
þeim gildum sem stóðu að baki
stofnun félagsins.
Veturinn 1958­59 voru fim­
leikar í lægð hjá félaginu og var
þá stofnaður körfuknatt leiks­
flokkur stúlkna innan þess. Næstu
vetur var eingöngu æfður körfu­
knattleikur hjá félaginu ásamt
frúar leikfimi, en almenn fimleika­
iðkun lagðist af. Árið 1962 sendi
félagið lið til keppni á Íslandsmót
í 2. flokki kvenna í körfuknattleik
og urðu Íslandsmeistarar í þeim
flokki 1963. Þjálfarar liðsins voru
þau Rúnar Brynjólfsson og Hjör­
dís Guðbjörnsdóttir.
Árið 1971 kom Hlín Árnadóttir
íþróttakennari til starfa fyrir
félagið. Henni tókst að vekja
félagið til lífs á nýjan leik í fim­
leikum. Hlín er enn starfandi hjá
félaginu nú 40 árum síðar. Strax
1976 nær félagið frábærum
árangri og verður bæði Íslands­
og bikarmeistari í áhalda fim­
leikum kvenna. Karolína Valtýs­
dóttir varð fyrsti Íslandsmeistari
félags ins. Hún varð Íslands­
meistari árin 1976 og 1977.
Næstu 25 árin eignaðist félagið
fjölda Íslands­ og bikarmeistara í
fimleikum kvenna. Síðustu 10 ár
hefur uppskeran verið heldur rýr.
Þar til nú í vor er þær Þórey og
Freyja urðu í 2. sæti á sitthvoru
áhaldinu á Norðurlanda móti
ungl inga í áhalda fimleikum.
Árið 1979 var lögum
félagsins breytt þannig
að strákum var gefinn
kostur á að æfa fimleika
hjá félaginu. Það var þó
ekki fyrr en árið 1996 er
Guðjón Guðmundsson
þá verandi Íslands meist­
ari í fimleiku m karla
kom til starfa hjá félag­
inu að stráka fimleikar
voru teknir föst um
tökum. Björk eignaðist sinn
fyrsta full trúa í landsliði drengja á
þessu ári, Tristan Alex Kamban
Jónsson, sem keppti með landsliði
undir 14 ára aldri á Norður­
landamóti í apríl sl.
Með tilkomu íþróttmiðstöðvar­
innar Björk á Haukahrauni árið
2002 varð gerbreyting á allri
aðstöðu félagsins til æfinga og
keppni. Þá eignaðist félagið full­
kominn fimleikasal til æfinga og
keppni og áhaldaburður lagðist
af. Á sama tíma var ákveðið að
fimleikafélagið Björk yrði fjöl­
greinafélag og voru stofnaðar
tvær nýjar deildir innan félagsins,
Klifurdeild og Taekwondo deild.
Síðar var stofnuð almenningsdeild
og eru deildir félagins því fjórar í
dag með fimleikadeildinni. Með
tilkomu þessara nýju deilda
breyt ist eðli félagsins mikið. Það
hefur tekið félagið töluverðan
tíma að aðlagast þessum breyt­
ingum, en við sjáum merki þess
nú að félagið er að ná tökum á því
að vera fjölgreinafélag.
Á síðustu 10 árum hefur félagið
hefur félagið nánast tvöfaldast og
fjölbreytnin í starfinu aukist. Hjá
félaginu er nú boðið uppá;
almenna fimleika, áhaldafimleika,
hópfimleika, fullorðinsfimleika,
parkour (götuleikfimi), FitKit,
klifu r og Taekwondo.
Fimleikafélagið Björk fagnar
afmæli sínu á margvíslegan hátt.
21. maí nk. verða haldnar
afmælis sýningar félagsins í
íþrótta húsinu við Strandgötu.
Fyrri sýningin hefst kl. 14 og sú
síðari kl. 17. Miðasala er hafin og
er hægt að kaupa miða í for sölu í
Bjarkarmiðstöðinni. 28. maí
verður síðan stór dagur því þá eru
sýningar hjá yngstu aldurs hóp­
unum í Bjarkarmiðstöðinni og
síðan afmælishátíð um kvöldið í
hátíðarsal Flensborgarskóla. Í
ágúst þegar starfið fer af stað hjá
okkur fyrir næsta vetur verður
afmælisdagur í Bjarkar mið­
stöðinni, þar sem allir eru vel­
komnir að kynnast starfi félags­
ins. Nánari tímasetning verður
auglýst þegar nær dregur. Á sama
tíma mun koma út afmælisannáll
þar sem síðustu ár verða gerð upp
í máli og myndum.
Í tilefni afmælisins höfum við
látið útbúa lyklakippu með
afmælismerki félagins og mun
ágóði af sölu hennar renna til
áhalda kaupa eins og aðrar þær
fjáraflanir sem félagið hefur
staðið fyrir á þessu 60. afmælisári.
Við hvetjum alla velunnara
félagsins til að mæta og taka þátt
í að fagna þessum tímamótum í
sögu félagsins.
Höfundur er formaður
Bjarkar.
Heimild: Ásgeir Guðmunds son,
Saga Hafnarfjarðar 1908-1983.
Fimleikafélagið Björk 60 ára
Ingvar
Kristinsson
Aðalfundur
Fimleikafélagsins Björk árið 2011
verður haldinn mánudaginn 23. maí
nk. kl. 20.00 í félagsheimili félagsins í
Bjarkmarmiðstöðinni að Haukahrauni 1.
Dagskrá samkvæmt lögum félagsins um aðalfund
Aðalstjórn Fimleikafélagsins Björk
Tjáning og samskipti eru
órjúfanlegir þættir í lífi okkar.
Strax frá fæðingu höfum við þörf
til að tjá okkar líðan og leitumst
þannig við að eiga í samskiptum
við aðra. Í leikskólanum Vestur­
koti hefur verið lögð mikil
áhersla á tjáningu og jákvæð
sam skipti í kennslunni. Elsti
árgangur leikskólans fer vikulega
í „Tölum saman“ málörvunar­
stundir og vikulega fara öll börn
leikskólans í svokallaðar Bassa­
stundir. Þar læra börnin meðal
annars að; hlusta hvert á annað,
þjálfa rökhugsun, svara spurn­
ingum, þroska tilfinningagreind
sína og öðlast aukinn skilning á
ýmsum hugtökum. Börnin fara í
þessar stundir í aldursskiptum
hópum og eru þær sniðnar að
þroska og getu hvers hóps. Þann­
ig fá öll börnin að njóta þessara
ánægjulegu stunda á eigin
forsendum.
Æfingarnar eru fjölbreyttar og
fyrirmælin verða smám saman
flóknari með auknum aldri og
þroska. Sem dæmi um það er
æfingin með hljómpípu og staf
vinsælt kennslutæki þar sem
börnin slá með stafnum í hljóm­
pípuna eftir fyrirmælum. Smám
saman verða fyrirmælin flóknari
og elstu börnin sem eru orðin
örugg í þessum æfingum segja til
dæmis nafnið sitt meðan þau slá
stafnum í hljómpípuna í takt við
fjölda atkvæða. Dæmi um fleiri
kennslutæki eru bolti, mynda­
spjöld, bækur og tónlist. Vestur­
kot á ræðupúlt sem elstu börnin
nota til að standa við og þjálfa
þannig framsögn sína í enn ríkari
mæli. Þau segja frá sjálfum sér
og hvað í huga þeirra býr og fá
þannig tækifæri að koma
skoðunum sínum og hugmyndum
á framfæri.
Leikskólabörn æfa framsögn
Að sögn Hugborgar Erlends­
dóttur, aðstoðarleikskólastjóra og
sérkennslustjóra og Lindu
Hrann ar Þórisdóttur deildarstjóra
eru þessi dæmi, sem talin hafa
verið upp hér að ofan, á engan
hátt tæmandi fyrir hvernig unnið
er með tjáningu og samskipti í
Vesturkoti. Í daglegum athöfnum
í leikskólastarfinu er þessi færni
þjálfuð í gegnum leikinn þó það
sé ekki gert á eins markvissan
hátt undir stjórn kennara og í
skipulögðu málörvunar stund­
unum. Kennarar gegna ekki síður
mikilvægu hlutverki við að efla
tjáningu og samskipti barnanna
við þessar daglegu athafnir þar
sem þeir skapa aðstæðurnar sem
fá börnin til að vaxa og dafna
félagslega svo þau verði öruggir
einstaklingar með góða færni í
samskiptum við aðra og með
sterka sjálfsmynd sem gerir þau
færari í að tjá líðan sína og lang­
anir.
Heiðar Birnir Torleifsson
Söluráðgjafi
gsm 618‐0317
heidar@remax.is
Arnþór Reynir 
Guðmundsson
löggiltur fasteignasali
Ég hef búið í Hafnarfirði síðan 2005 og er við símann núna!
618‐0317 og heidar@remax.is
Vantar þig ráðgjöf varðandi kaup eða sölu?
Fr
ítt
 v
er
ðm
at
!
Fr
ítt
 v
er
ðm
at
!
Fr
ítt
 v
er
ðm
at
Lj
ós
m
.:
M
O
TI
V
J
ón
S
.
Lj
ós
m
.:
M
O
TI
V
J
ón
S
.