Prentneminn - 01.11.1982, Qupperneq 32

Þessi stórbrotna vél prentar - fellir - brýtur - sker og /imir umbúóirnar sem koma fullbúnar i átta Irtum út úr henni.
Dagana 4.—8. október sl. var haldin Norræn kennararáðstefna í graf-
iskum iðnum.
Ráðstefnan var haldin í Hróarskeldu í Danmörku. Danska mennta-
málaráðuneytið hafði veg og vanda af undirbúningi og skipulagningu,
en ráðstefnan var haldin að frumkvæði NYS (Nordisk Yrkelærer
samrád) með styrk frá Menningarsjóði Norðurlanda.
Við vorum fjórir kennarar í Bókiðnadeild Iðnskólans í Reykjavík sem
sóttum ráðstefnuna, Ágúst Ágústsson, Kolbeinn Grímsson, Ólafur
Ingi Jónsson og Óli Vestmann Einarsson.
Fundirnir voru haldnir í nýjum húsakynnum Roskilde Tekniske Skole
sem eru glæsileg og vélar og tæki ný og fullkomin.
Skólastjóri Roskilde Tekniske Skole, Jorn Egvang bauð ráðstefnu-
gesti velkomna. Að því loknu setti Tonny Jansen, fulltrúi NYS, ráð-
stefnuna og gat þess m. a. hver væri undanfari ráðstefnunnar, en til-
gangur hennar var þessi: Samræming kennslu I grafiskum iðnum á
Norðurlöndum.
Kaj Stabel frá Kolding Tekniske Skole rakti þróunina í setningu og
skeytingu, en Leif Brynjúlfur Larsen frá Herning Tekniske Skole rakti
þróuninaíprentun.
Síðan flutti fulltrúi frá hverju landi erindi þar sem hann skýrði náms-
kerfi lands síns. Fyrir ísland talaði Óli Vestmann Einarsson, fyrir Sví-
þjóð Lennart Törnklev frá Helsingþorg, fyrir Noreg Tryggve Aas frá
Larvik, fyrir Finnland Váinö Viitala frá Turku og fyrir Danmörku Ole
Hetland, fulltrúi í verk- og tæknimenntunardeild danska menntamála-
ráðuneytisins.
Eftir inngangserindin, sem voru ítarleg, gerðu fulltrúarnir samanburð
á námstilhögun landanna og urðu nokkrar umræður um þau mál.
Eitt mikilvægasta atriðið, sem fram kom, var um heildarlausn mennt-
unarmálanna, þ. e. a. s. samfellt, sveigjanlegt menntunarkerfi (sem
stöðugt svari þörfum iðnaðarins) og breið grunnmenntun með stórum
sameiginlegum kjarna. Sérhæf fagkennsla komi seinna á námstím-
anum.
(Hér heima hafa fræðslunefndir í prentun gert tillögu til Iðnfræðslu-
ráðs um breytingu á námi prentara, sem er í samræmi við það sem
er að gerast í löndunum allt í kring um okkur, þ. e. a. s. menntunarkerfi
með samruna greina og einföldun menntunarframboðsins).
Einn dagurinn hófst með þvi að kennarar Roskilde Tekniske Skole
útskýrðu kennslufyrirkomulag skólans. — Þátttakendum var skipt í
tvo hópa og vann annar hópurinn sem nemar í offsetprentun en hinn
að undirbúningi fyrir prentun. Dagskrá dagsins lauk með umræðum
um reynslu hvers og eins — var það almennt álit manna að það hefði
veriðágæt reynsla.
Fulltrúar fengu tækifæri að skoða Roskilde (Hróarskeldu) og fara í
skoðunarferð í litgreiningar- og plötugerðarfyrirtækið DYSTAN í
Glostrup sem er eitt fullkomnasta fyrirtæki sinnar tegundar í Evrópu.
Fyrirtækið var kynnt með myndasýningu og erindi. (Var það ný kvik-
mynd sem „Reprolauget i Danmark“ hefur látið gera og hefur skólinn
okkar tryggt sér eintak af myndinni).
Þátttakendum var síðan boðið að skoða fyrirtækið. — Var fróðlegt að
sjá öll þau nýju tæki sem DYSTAN hefur yfir að ráða. Þarna eru í notk-
un afar fullkomin tölvuvædd litgreiningartæki — þau fullkomnustu í
heiminum ídag.
Erindi um flexo-prentun flutti Jorgen Bagger-Hansen, fulltrúi í verk-
og tæknimenntunardeild danska menntamálaráðuneytisins.
Að því loknu tók við Fredz Christiansen frá Lorilleux prentlitafram-
leiðendum. Var fyrirlestur hans afar fræðandi og sýndi hann sýnis-
horn af prentgripum unnum með þessari tækni.
Eftir þessa fyrirlestra var haldið til Slagelse þar sem heimsótt var eitt
af fyrirtækjum Danapak sem hefur sérhæft sig í umbúða-prentun.
Danapak er stærsta umbúðaprent-fyrirtæki Danmerkur með viðskipti
víða um heim. Það vakti undrun okkar íslensku þátttakendanna að
þarna voru prentaðar umbúðir fyrir íslensk fyrirtæki.
Okkur var sýnd kvikmynd af fyrirtækinu, sem starfar á fimm stöðum.
Farið var með okkur um húsakost fyrirtækisins og sýndar ýmsar
deildirþess.
Síðasta daginn var heimsóttur einn af stærstu prentskólum í Evrópu,
Reprotekniske Skole i Rodovre, þar sem vélakostur og öll aðstaða
er eins og best verður á kosið.
Eftir að hafa skoðað skólann var boðið upp á hressingu. Þar var rætt
um afrakstur ráðstefnunnar og samstarf í framtíðinni. Fulltrúar voru
sammála um gagnsemi ráðstefnu sem þessarar og ákveðnir í að hafa
áframhaldandi samstarf í framtíðinni til samræmingar og upplýsinga-
miðlunar um kennslufyrirkomulag og námsgögn.
Menn voru sammála um nauðsyn þess að samræma nám í bóka-
gerðargreinum á Norðurlöndum með tilliti til þess að Norðuriönd eru
orðin eitt atvinnusvæði.
Fulltrúar voru einnig sammála um að slík samræming væri ekki
möguleg eingöngu fyrir tilstilli kennara í greinunum, þar sem hún er
pólitísk ákvörðun sem er í höndum yfirvalda og fagfélaga.
Öll skipulagning og framkvæmd ráðstefnunnar var til fyrirmyndar og
Dönum til mikils sóma.
32
PRENTNEMINN