Fréttatíminn - 09.03.2012, Blaðsíða 20

Eden Hazard,
Belgíu og Lille
Fæddur: 7. janúar 1991
Vængmaðurinn Hazard er einn af
eftirsóttustu leikmönnum heims. Þessi
ungi Belgi hefur, þrátt fyrir ungan aldur,
verið í lykilhluverki hjá franska liðinu
Lille undanfarin fjögur ár. Tækni hans
og yfirsýn hafa heillað knat tspyrnu-
áhugamenn á undanförnum árum og
fátt virðist geta komið í veg fyrir að hann
verði kominn í raðir stórliðs áður en langt um líður – jafnvel
strax í sumar.
Edin Dzeko,
Bosníu og Manchester City
Fæddur: 17. mars 1986
Þessi stóri og stæðilegi Bosníumaður
þykir vera með öflugri framherjum í
ensku úrvalsdeildinni. Eftir erfiða byrjun
með Manchester City á seinni hluta
síðasta tímabils hefur hann vaxið mikið
og er lykilmaður í öflugu liði City. Dzeko
er sterkur í loftinu, frábær skotmaður og
með ágætis tækni miðað við hæð.
Gökhan Inler,
Sviss og Napoli
Fæddur: 27. júní 1984
Inler er lykilmaður í frábæru liði Napoli
og límir saman miðju liðsins. Hann er
líkamlega sterkur, gríðarlega duglegur
og vel spilandi. Fjögur frábær ár hjá
Udinese komu honum í hóp bestu miðju-
manna Evrópu og vitað var að Arsenal
hafði mikinn áhuga á því að fá hann til
liðsins. Verður í leiðtogahlutverki hjá
ungu liði Sviss á næstu árum.
Alveg mátulegur
Heimilis
GRJÓNAGRAUTUR
H
V
ÍT
A
H
Ú
SI
Ð
/
S
ÍA

Fékkstu ekki
Fréttatímann
heim?
Fréttatímanum er dreift á öll heimili á höfuðborgarsvæðinu.
Ef þú fékkst ekki blaðið heim, láttu okkur þá vita með
tölvupósti á dreifing@frettatiminn.is
Sjáðu blaðið líka á frettatiminn.is
Evrópukeppnin
í knattspyrnu
er leiksvið sem
bestu knatt-
spyrnumenn
álfunnar
vilja spila á.
Fjölmargir
toppleikmenn
missa þó af
keppninni þar
sem landslið
þeirra náðu ekki
að tryggja sér
sæti á meðal
sextán bestu.
Fréttatíminn
skoðar hér tíu
leikmenn sem
verða í fríi í
sumar.
Marek Hamsik,
Slóvakíu og Napoli
Fæddur: 27. júlí 1987
Hamsik var aðeins fimmtán ára þegar hann fór frá
Slovan Bratislava til Brescia á Ítalíu. Tveimur árum
síðar spilaði hann fyrsta deildarleikinn og þrátt fyrir
að vera aðeins 24 ára þá hefur hann spilað yfir 220
leiki í ítölsku A-deildinni og 52 landsleiki.
Hamsik þykir vera einn áhugaverðasti
framliggjandi miðjumaðurinn í
Evrópu í dag. Hraði hans, tækni
og útsjónarsemi hafa vakið athygli stórliða
en Napoli hefur hingað til ekki viljað selja
hann.
Samir
Hand­
anovic,
Slóveníu og
Udinese
Fæddur: 14. júlí
1984
Samir Handanovic
er ekki gamall af
markverði í fremstu röð
að vera. Hann er talinn
vera einn af bestu markvörðum heims og var til að mynda
valinn besti markvörður ítölsku A-deildarinnar á síðasta ári.
Handanovic er þekktur vítabani og setti met í fyrra þegar
hann varði sex vítaspyrnur á einu og sama tímabilinu í
marki Udinese.
Stevan Jovetic,
Svartfjallalandi og Fiorentina
Fæddur: 2. nóvember 1989
Stevan Jovatic skaust fram á sjónarsviðið þegar
hann skoraði bæði mörk Fiorentina i 2-0 sigri
á Liverpool í meistaradeildinni haustið 2009.
Hann varð fyrirliði Partizan Belgrad aðeins átján
ára gamall. Honum er reglulega líkt við aðra hetju
Fiorentina; Taglsins guðdómlega Roberto Baggio.
Hann er lykilmaður í liði Svartfjallands og skoraði
til að mynda bæði mörkin í sigri á Íslendingum á
dögunum.
Thomas Vermaelen,
Belgíu og Arsenal
Fæddur: 14. nóvember 1985
Vermaelen sló í gegn sem varnarmaður hjá Ajax en var
þó tiltölulega óþekktur þegar Arsene Wenger keypti
hann til Arsenal sumarið 2009. Hann lék stórkostlega
fyrsta tímabil sitt með liðinu, skoraði fjöldan allan af
mörkum og steig vart feilspor í vörninni. Meiðsli settu
strik í reikninginn hjá honum á síðasta tímabili
en engum dylst að hann er með betri
varnarmönnum í Evrópu. Frábærlega
vel spilandi, sterkur í loftinu og með með mikla
leiðtogahæfileika.
Vincent
Kompany,
Belgíu og Manchester City
Fæddur: 10. apríl 1986
Kompany er fyrirliði stjörnumprýdds liðs
Manchester City. Hann sló í gegn aðeins átján ára hjá
Anderlecht en það var ekki í raun fyrr en á síðasta
tímabili sem knattspyrnuáhugamenn sáu hversu
öflugur Kompany er. Í dag er hann með bestu varnar-
mönnum ensku úrvalsdeildarinnar og sjálfsagt í álf-
unni allri. Hraði hans, styrkur og skilningur á leiknum
ásamt ótvíræðum leiðtogahæfileikum gera hann ómetnalegan
– bæði fyrir félagslið og landslið.
Xherdan Shaqiri,
Sviss og Basel
Fæddur: 10. október 1991
Shaqiri, sem er fæddur í Kosovo, er einn efnilegasti
leikmaður Evrópu. Engan skyldi undra að þýska stór-
liðið Bayern München skyldi vera tilbúið að borga 1,5
milljarð fyrir kappann á dögunum. Shaqiri er lágvaxinn
og þykir í útliti minna mjög á Diego Maradona. Fæt-
urnir eru kubbslegir og jafnvægispunktur hans liggur
neðarlega. Hraði hans, með og án bolta, leikskilningur
og frábær vinstri fótur gera hann að leikmanni sem
getur orðið einn sá allra besti.
Gareth
Bale,
Wales og Tottenham
Fæddur: 16. júlí 1989
Bale er að öðrum
ólöstuðum sá leik-
maður sem hefur
vaxið hvað mest á
undanförnum tveimur
árum. Eftir erfitt
upphaf hjá Tottenham,
þar sem hann spilaði
24 leiki í byrjunarliði
án þess að vinna leik,
hefur leiðin legið upp
á við – hratt. Harry
Redknapp breytti
honum úr bakverði
í kantmann og nú
óttast allir hægri
bakverðir Bale. Hann
er ótrúlega fljótur,
duglegur og með
frábærar fyrirgjafir.
Kannski ekki skrýtið
að lið á borð við
Barcelona hafa sett
hann efst á óskalista
sinn.
Óskar Hrafn Þorvaldsson
oskar@frettatiminn.is
10sem verða ekki á EM
20 fótbolti Helgin 9.-11. mars 2012