Bændablaðið - 06.06.2013, Blaðsíða 48
48 Bændablaðið | Fimmtudagur 6. júní 2013
Ábúendur á Sleggjulæk heita
Brynjar Bergsson og Anna Lísa
Hilmarsdóttir en börn þeirra eru
Ida María 16 ára, Katrín Vera 15
ára, Þórður 11 ára og Bergur 5
ára. Þau keyptu jörðina á síðasta
ári og tóku við 1. október sl. Þau
höfðu verið að leita að jörð á
svæðinu í nokkurn tíma áður en
Sleggjulækur var til sölu.
Brynjar er að mestu alinn upp
í sveit, í Köldukinn í Holtum, en
Anna Lísa er úr Búðardal. Brynjar
rekur verktakafyrirtækið Kaldólf
ehf. samhliða búskapnum.
Býli? Sleggjulækur.
Staðsett í sveit? Næstefsti bær í
Stafholtstungum, Borgarfirði.
Ábúendur? Brynjar Bergsson og
Anna Lísa Hilmarsdóttir.
Stærð jarðar? Um 400 ha.
Gerð bús? Blandað.
Fjöldi búfjár og tegundir? Um
60 nautgripir og 90 fjár, 40 hross, 7
hænur, 1 hani, 3 kettir og 1 hundur.
Hvernig gengur hefðbundinn
vinnudagur fyrir sig á bænum?
Við förum í fjós kl. 7.00 og erum
búin um kl 9.00, þá er gefið í
fjárhúsinu og litið til með fénu.
Við mjólkum seinni mjaltir kl. 17.30.
Á milli mjalta sinnum við tilfallandi
og árstíðabundnum störfum.
Skemmtilegustu/leiðinlegustu
bústörfin? Það er alltaf gaman að
hugsa um ungviðið en leiðinlegast
að moka skít.
Hvernig sjáið þið búskapinn
fyrir ykkur á jörðinni eftir
fimm ár? Við stefnum á að
stækka búið, fjölga gripum og
rækta meira.
Hvaða skoðun hafið þið á félags-
málum bænda? Við erum ekki
komin nógu vel inn í þau mál.
Hvernig mun íslenskum land-
búnaði vegna í fram tíðinni?
Tækifærin eru mörg, við erum
með mjög svo vistvæna fram-
leiðslu en það býður upp á ýmis-
legt.
Hvar teljið þið helstu tækifærin
í útflutningi íslenskra búvara?
Mjólkurútflutningi.
Hvað er alltaf til í ísskápnum?
Mjólk, ostur og lýsi.
Hver er vinsælasti maturinn á
heimilinu? Kjötsúpa.
Eftirminnilegasta atvikið við
bústörfin? Ætli það hafi ekki verið
þegar við tókum við búinu.
Líf og lyst
BÆRINN OKKAR
Sleggjulækur