Læknablaðið - 01.08.1968, Blaðsíða 37

LÆKNABLAÐIÐ
165
14. TAFLA
Cancer coli og recti, 135 sjúklingar.
Sjúklingar, teknir til meðferðar innan 2 mánaða frá byrjun
einkenna ............................................. 37
Gagngera aðgerð var unnt að gera á..................... 23
Sjúklingar, teknir til meðferðar eftir eitt ár eða meira frá
byrjun einkenna ...................................... 39
Gagngera aðgerð var unnt að gera á ..................... 31
14. tafla
14. tafla sýnir niðurstöður af þessari athugun, en þær eru
nokkuð öðruvísi en vænta mátti. Af þeim 37 sjúklingum, sem
koniu til aðgerðar innan tveggja mánaða frá upphafi einkenna,
reyndust 23 bæfir til gagngerrar aðgerðar, þ. e. 62%, en af þeim
39, sem höfðu haft einkenni í meira en ár, hlutu 31, eða 80%,
gagngera aðgerð.
Þótt tölur þessar séu lágar, virðast þær ótvírætt leiða í ljós,
að ekki sé vert að taka allt of mikið tillit til lengdar sjúkra-
sögunnar við mat á horfum sjúklingsins.
Skýringin á þessu fyrirhæri er efalaust sú, að æxli, sem
er mjög illkynja og hraðvaxandi, veldur hraðvaxandi óþægind-
um, sem neyða sjúklinginn fljótlega til læknis, miklu fyrr en sú
tiltölulega góðkynja og liægt vaxandi æxlistegund, sem veldur
vægum og hægt vaxandi óþægindum.
Þetta má þó á engan hátt skilja á þann veg, að ekki sé
ástæða til að taka sjúklinginn til meðferðar eins fljótt og auðið
er. Að vísu er ekki líklegt, að unnt sé að ná betri árangri með
enn fljótara viðbragði, hvað snertir fyrri sjúklingahópinn, sem
ég nefndi. Flest þeirra æxla, sem reyndust óskurðtæk eftir aðeins
tveggja mánaða sjúkrasögu, hafa að öllum líkindum þegar verið
orðin óskurðtæk, þegar æxlið fór að valda fyrstu einkennum.
Að því er varðar sjúklingahópinn með löngu sjúkrasöguna,
gegnir allt öðru máli. Ef þeir sjúklingar hefðu komið til með-
ferðar aðeins hálfu ári fyrr en þeir gerðu, mundu horfur þeirra
hafa verið verulega góðar.
A undangengnum árum tel ég mig hafa orðið varan við vax-
andi árvelcni lækna gagnvart krabhameini yfirleitt og þá ekki
sízt gagnvart krabbameini í meltingarvegi. Það er trúa mín, að
horfur þessara sjúklinga muni því heldur fara hatnandi og þá