Læknablaðið - 15.10.1987, Qupperneq 29
LÆKNABLAÐIÐ
331
Tafla IX. Var þjónustan vönduð?
Mjög vönduð.............................. 15
Vönduð................................... 20
Viðunandi ................................ 7
Óvönduð .................................. ]
Samtals 42
Tafla X. Mundir þú mæla með þessari þjónustu við
aðra?
Já.............................................. 38
Óviss............................................ 3
Nei.............................................. 1
Samtals 42
Tafla XI. Mundir þú leita þér aðstoðar aftur l
erfiðleikum?
Já................................... 32
Óviss ................................ 9
Nei................................... 1
Ef já:
Til sama meðferðaraðila....................... 27
Til annars aðila, en á geðdeild................ 2
Á stofu........................................ 3
Samtals 42 32
höfum við náð betur saman og ég er ekki lengur
hrædd við fólkið í kringum mig og get betur verið
ég sjálf. Maðurinn minn gengur til sálfræðings og
er að nálgast mig meiri og meir.«
»Upphaflegur ásetningur var að bœta slœmt
kynlíf eða kynlífsleysi. Komist var að því að
kynlífserfiðleikarnir væru í rauninni eitt einkenni
dýpri erfiðleika í samskiptum. í meðferðinni
tókst að bæta ýmislegt í samspili okkar en að
mínu mati tókst ekki að komast frá vandanum
sem ég tel að sé til staðar. Sá vandi sem
upphaflega rak mig í meðferð er enn til staðar en
reynslan af henni er að mörgu leyti jákvæð og
hefur bætt margt.«
»Ég hafði mjög mikla hjálp í því að fá koma til
ykkar þó svo að meðferð hafi lokið með skilnaði
okkar hjóna... Ég veit að þetta var eina lausnin og
ég reyni að trúa því að hún hafi verið sú basta þó
erfið sé. Er þakklát fyrir alla þá hjálp og aðstoð
sem okkur var veitt.«
Einnig var beðið um lýsingu í opnum svörum á
reynslunni af þjónustu geðdeildarinnar sem
slíkrar. Þau svör voru yfirleitt ekki eins ítarleg, og
þau sem voru greinargóð áttu e.t.v. fremur við
um meðferðarreynslu:
»Ég hef í alla staði góða reynslu af þjónustunni
og mér finnst hún alveg bráðnauðsynleg. í mínu
tilfelli þar sem um sambúðarerfiðleika var að
rœða var mjög viðeigandi að félagsráðgjafarnir
voru tveir, karl og kona. Þá náðist að mínu mati
víðari yfirsýn því hugsunarháttur er ekki eins hjá
báðum kynjum. Það skapar jafnvœgi og stuðning
fyrir báða.«
»Jákvœð, fagleg, hlutlaus vinnubrögð.
Meðferðaraðilar biðu átekta í hverju vandamáli
uns fjölskyldan sjálf var búin að skilgreina
vandann, þá var auðveldara að taka á honum.
Tjáskipti urðu eðlilegri og virðing réttar um
gagnkvæma tjáningu myndaðist og mótaðist.«
Eftirfarandi eru nokkur dæmi um svör sem lýsa
beinum viðhorfum til geðdeildarinnar:
»Þjónustan var ágæt«.
»Ómetanlegt að hafa möguleika á þessari
þjónustu«.
»Ég vissi ekki áður að þessi þjónusta var til. Álít
hana mjög þarfa og er mjög þakklát fyrir að hafa
notið hennar. Fullyrði að þjónustan er ekki nœrri
nógu vel kynnt, er hún yfirleitt nokkuð kynnt?«
í svörunum um viðhorf til geðdeildarinnar kom
hvergi neitt fram um óþægindi af því að leita til
geðdeildar með samskiptavandamál, hvorki
áhyggjur af því að vera þar á skrá, af skráningu í
sjúkraskýrslur né varðandi trúnað. Það atriði er
ávallt vel útskýrt í upphafi meðferðar og er oft
mikið spurt út í atriði þar að lútandi, svo sem
hversu nákvæmlega sé skráð í skýrslur, hverjir
sjái þær og hvernig trúnaði sé háttað.
Lok meöferðar. Algengt er að skjólstæðingum
finnist að meðferð hafi ekki verið lokið ef þeir
hafa ekki verið sáttir við endalokin, eða ekki
nægilega vel frá þeim gengið. Hér segjast 22 hafa
verið sáttir við lok meðferðar en 20 ósáttir.
Ástæðurnar fyrir óánægjunni eru margvíslegar.
Ellefu telja sig hafa viljað ná lengra í meðferðinni
með fleiri viðtölum. Sex hefðu viljað fá ein-
staklingsviðtöl í framhaldi af hjónameðferðinni.
Þrír fluttu út á land.
í öllum málunum var unnið samkvæmt samningi
um það, hvernig lokum meðferðar skyldi hagað. í
upphafi reyndist oft erfitt að fá skjólstæðinga til
að skilja mikilvægi slíks samnings og þess hvernig
meðferðarsamvinnunni lyki. Ekki síst reyndi á
þetta ef um var að ræða að ljúka meðferð fyrr en
samkomulag sagði til um.
Aöstæður nú. Áhugavert var að fá að vita um
aðstæður svarenda að þessum tíma liðnum, hvað
hefði breyst og hver viðhorf þeirra væru til