Hagtíðindi - 01.09.1958, Blaðsíða 15
1958
HA GTÍÐINDI
107
1 landinu eru nú starfandi rúmlega 30 lífeyrissjóðir, sem hafa með höndum
lífeyristryggingar. Síðast í þessari grein er skrá yfir þessa sjóði.
Samkvæmt lögum er skylt að tryggja lijá deildum Samábyrgðar íslands á fiski-
skipum öll fiskiskip 100 smálesta eða minni, ef þau ná þeirri stærð að vera með
þilfari. Samtrygging íslenzltra botnvörpunga liefur með höndum tryggingar á tog-
urum, og flest félögin hafa með liöndum sjóvátryggingar. Sjóvátryggingar teljast
ekki aðeins skipatryggingar, heldur og tryggingar á vörum, veiðarfærum og öðru
lausafé um borð í skipum.
Bifreiðatryggingar hafa farið sívaxandi undanfarin ár. Er mestur hluti þeirra
í höndum nokkurra stærstu félaganna. íslenzkar flugvélar eru flestar eða allar frum-
tryggðar hjá erlendum tryggingafélögum, en fyrir milligöngu innlendra félaga.
íslenzk tryggingafélög endurtryggja að stórum hluta hjá erlendum trygginga-
félögum. Árið 1947 hóf Islenzk endurtrygging endurtryggingastarfsemi, og hefur
það nú með höndum endurtryggingu fyrir innlend og erlend tryggingafélög. Auk
þess stunda hin stærri tryggingafélög flest eða öll einliverja endurtryggingastarf-
semi, bæði gagnkvæmar tryggingar sín á milli og endurtryggingar fyrir erlend
félög. Samábyrgð íslands á fiskiskipum hefur endurtryggingu fyrir trygginga-
deildir sínar.
Um vátryggingasamninga gilda nú lög nr. 20/1954.
Hagstofan hcfur unnið úr reikningum tryggingafélaganna árin 1953—56 og
öðrum gögnum, sem hún hefur fengið frá félögunum. Helztu niðurstöður þeirrar
athugunar koma fram í tveimur yfirlitum, sem fylgja hér & eftir. Annað þeirra sýnir
tekjur og gjöld tryggingafélaganna hvert þessara ára, hitt eignir og skuldir þeirra
sömu ár.
Þessi yfirlit eru ófullkomin á ýmsan hátt, eins og nánar verður skýrt hér á
eftir, en vonir standa til, að fyrir árið 1957 og framvegis verði hægt að láta í té
ýtarlegri og áreiðanlegri vitneskju um tryggingastarfsemina í landinu. í þessu skyni
hefur verið gert nýtt eyðublað undir upplýsingar um rekstur og efnahag trygg-
ingafélaganna, sem þau verða beðin um að fylla út árlega.
í yfirlitum I og II hér með er félögunum skipt í tvo flokka, almenn trygginga-
félög og líftryggingafélög. í fyrr nefnda flokknum eru eftirfarandi 11 félög, auk
Húsatrygginga Reykjavíkurbæjar: Brunabótafélagið, Sióvátryggingarfélagið, Sam-
vinnutryggingar, Almennar tryggingar, íslenzk endurtrygging, Samábyrgð íslands
á fiskiskipum (aðalreikningur), Samtrygging íslenzkra botnvörpunga, Vátrygginga-
félagið h.f., Vátryggingarskrifstofa Sigfúsar Sighvatssonar h.f., Trygging h.f. og
íslenzk vátrygging li.f. Tryggingamiðstöðin h.f. er ekki með í yfirlitunum, þar sem
það félag var ekki stofnað fyrr en 1957. í hinum flokknum eru Líftryggingafélagið
Andvaka og líftryggingadeildir Sjóvátryggingarfélagsins og Almennra trygginga.
Samábyrgð íslands á fiskiskipum hefur 8 tryggingadeildir með sérstöku reiknings-
haldi, en þær eru ekki teknar með í yfirlitin. Þess er og að geta, að ýmis erlend
tryggingafélög, sem hafa hér einhverja starfsemi um hendur innlendra trygginga-
félaga, sem hafa umboð fyrir þau, eru ekki meðtalin í yfirlitunum, og sama máli
gegnir um eftirtalin erlend tryggingafélög, sem starfa hér fyrir milligöngu umboðs-
manna: Eagle Star Insurance Company Ltd. (umboð: Garðar Gíslason h.f.), Lífs-
ábyrgðarstofnun danska ríkisins (Statsanstalten), The Liverpool & London & Globe
Insurance Company Ltd. (umboð: Einar Pétursson), Nordisk Brandforsikring (um-
boð: Magnús Jochumsson), o. fl. Loks eru ekki meðtalin í yfirlitunum 2 lítil inn-
lend tryggingafélög, sem hafa aðeins umboðsstarfsemi í sambandi við tryggingar
(Carl D. Tulinius & Co. h.f. og Trolle & Rothe h. f.).