Flóra: tímarit um íslenzka grasafræði - 01.04.1966, Side 71

66. Gráviði-grasvíði-krækilyngs hverfi (S. glauca — S. herbacea — E.
hermafroditum soc.) (Tab. XXV. A—B 6—8).
Hverfi þetta er einnig einungis athugað á Kili. Það er einskonar
meðalform milli krækilyngssveitarinnar og víðisveitarinnar, enda er
það þar sem þessar tvær sveitir mætast. Hverfið er yfirleitt á þurrum
stöðum. Einkennistegundirnar þrjár eru álíka sterkar, og á engum öðr-
um tegundum ber nokkuð að ráði, þrátt fyrir allmikla tíðni sumra
þeirra. Túnvinguls (Festuca rubra) gætir þó nokkuð, og í einum blett-
inum er týtulíngresi (Agrostis canina) áberandi. Beitieski (Equisetum
variegatum) nær allhárri tíðni. A% er með því liæsta, sem það nær í
þessari gróðursveit. Ch% er einnig hátt.
Einstakir blettir:
Blettur XXV. 6 innst í Fróðárdal í um 450 m hæð. Hverfið nær þar
yfir allstórt svæði, og er greinilegt byrjunarhverfi (Pionær soc.) á ár-
eyrum, með þunnum og rökum jarðvegi. Gróður er ósamfelldur.
Krummalyngið (£. hermafroditum) er meira áberandi en víðirinn. Út-
lit gróðursins bendir til þess að þarna sé víðiheiði að verða til.
Blettir XXV. 7—8, Þverbrekkuver í um 520 m h. Jarðvegur er
þunnur ofan á hrauni, og því dálítið mislent. Blettur 7 er í lægð, en
þar er grávíðirinn (5. glauca) algerlega drottnandi, en háplöntugróður-
inn er ekki fyllilega samfelldur. Blettur 8 er þar sem hærra ber á. Þar
er nokkuð af fjallagrösum (Cetraria islandicá), á milli þessara bletta
kemur fram krækilyngs-sauðamergshverfi Tab. XXIV. 11. Á allra
hæstu rimunum hverfur háplöntugróður að mestu, og fram kemur
hrein mosaþemba (Rhacomitrium). Þetta gróðurlag er þarna á allstóru
svæði um innanverða Tjarnheiðina, eftir að komið er í hraunið. Þeg-
ar lengra dregur inn í hraunið, og lautirnar gerast dýpri verður snjó-
dældagróður í lautunum en mosaþemba drottnandi á öllum hæðun-
tun. Hverfi þetta er náskylt 57. hverfi, en svipur þess er annar og
því eru þau aðgreind hér.
67. Gráviði-grasviði hverfi með mosa (Moosreich S. glauca-Salix herba-
cea soc.) (Tab. XXIII. A—B 9-12).
Þetta hverfi hefir einungis verið athugað á Gnúpverjaafrétti. Það
er náskylt hverfi 64 og ætíð í sambandi við það. Hefði ef til vill verið
réttmætt að sameina þau í eitt. Að svo er ekki gert, er af eftirfarandi
astæðum, í 64. hverfi er háplöntugróðurinn svo samfelldur, að hann
yfirgnæfir algerlega í fleti, og mosa gætir sums staðar mjög lítið í
tímarit um íslenzka grasafræði - Flóra 69