Dagblaðið Vísir - DV - 15.10.2007, Síða 11

DV Sport mánudagur 15. október 2007 11
Sport
Mánudagur 15. október 2007
sport@dv.is
ENSKUR SKYLDUSIGUR STJARNAN VANN STÓRSLAGINN
ÍSLENSKA LANDSLIÐIÐ Í KNATTSPYRNU BEIÐ AFHROÐ ÞEGAR ÞAÐ TAPAÐI 4–2 FYRIR LETTUM.
EKKERT GEKK UPP HJÁ LIÐINU OG ÞAÐ VAR HEPPIÐ AÐ FÁ EKKI FLEIRI MÖRK Á SIG. BLS. 12–13
Birgir Leifur Hafþórsson atvinnu-
kylfingur lenti í 41. sæti á golfmóti í
Evrópumótaröðinni sem fram fór í
Madríd nú um helgina. Birgir Leif-
ur byrjaði illa á mótinu en vann sig
svo inn í það aftur með góðri spila-
mennsku. Hann endaði mótið á
tveimur höggum undir pari en hann
var samtals fimm höggum undir pari
á tveimur síðustu dögum mótsins.
Birgir Leifur er í 183. sæti á mótaröð-
inni eftir þennan árangur en hann
þarf að vera á meðal 115 tekjuhæstu
kylfinganna til þess að fá að halda
áfram á mótaröðinni. Hann fékk í
sinn hlut 440 þúsund krónur fyrir 41.
sætið og hefur alls unnið sér inn 6,7
milljónir króna.
„Ég er bæði sáttur og ekki sáttur við
mótið. Aðallega sáttur við hugarfarið
en svo lenti ég í því að fá sprengjur á
nokkrum holum og það á náttúrlega
ekki að gerast.
Leikskipulagið gekk að mestu
upp. Ég spilaði ákveðið og ef þessar
sprengjur hefðu ekki komið til hefði
ég verið í toppbaráttu og það er pínu-
lítið svekkjandi.
Ég reyndi hins vegar að vera ekki
að pæla of mikið í því slæma heldur
einbeita mér að því góða. Baráttan
var til fyrirmyndar því ég byrjaði mót-
ið mjög illa og var sex yfir eftir fyrstu
fimm sex holurnar á mótinu. En síð-
an kom ég til baka og dagurinn í gær
(laugardag) var mjög góður.“
Mótið í Madríd var það fyrsta eftir
langa bið. „Ég er sáttur við margt sem
var í þessu móti og það var allt til stað-
ar í spilamennskunni. Það var mjög
gaman að spila aftur eftir þessa bið.
Einbeitinguna vantaði fyrst en síðan
kom þetta allt.
Ég kemst ekki inn á næsta mót en
ég ætla að vona að ég komist inn í
Mallorca sem er síðasta mótið í móta-
röðinni. Það eru hins vegar litlar líkur
á því. Ef ég á að geta sloppið við það
að fara í áskorendamótaröðina að
nýju þarf ég algjört toppmót þar að
því gefnu að ég komist inn. En það er
hins vegar ekkert alslæmt að þurfa að
vinna sig inn í mótaröðina að nýju. Ég
er reynslunni ríkari og ætla að koma
sterkur inn í hana aftur,“ segir Birgir
Leifur.
vidar@dv.is
Birgir Leifur Hafþórsson atvinnukylfingur lenti í 41. sæti á Madrídarmótinu sem fram fór um helgina:
Birgir Leifur í 41. sæti í Madríd
Birgir Leifur Hafþórsson Lék vel um
helgina og lenti í 41. sæti í madríd.
SJÁLFUM OKKUR
VERSTIR