Dagblaðið Vísir - DV - 15.10.2007, Blaðsíða 19

Þjóðverjar urðu fyrsta liðið til
þess að tryggja sér þátttökurétt á
lokakeppni EM með jafntefli á Írum
í Dublin. Jens Lehman, markvörður
Þjóðverja, tryggði markalaust jafn-
tefli með góðri markvörslu. Þjóðverj-
ar eru með átta stiga forystu á toppi
D-riðils en Írar eiga veika von um að
komast áfram en þeir eru fimm stig-
um á eftir Tékkum þegar tveir leikir
eru eftir af riðlakeppninni hjá þeim.
Lehmann í ham
Bæði lið byrjuðu leikinn af miklu
kappi. Írar hreinlega urðu að sigra í
leiknum til þess að eiga möguleika
á því að komast áfram og Robb-
ie Keane var hættulegastur heima-
manna snemma í leiknum. Fyrir
hitti hann Jens Lehman í markinu en
hann var í hörkuformi í leiknum og
varði oft vel.
Þjóðverjar voru hins vegar ekki
einungis að verjast í leiknum og þeir
áttu nokkrar góðar sóknir. Besta færi
þeirra í fyrri hálfleik kom eftir skalla
frá Christoph Metzekder sem Steve
Finnan, varnarmaður úr Liverpool,
bjargaði á marklínu.
Í síðari hálfleik tóku Írar öll völd í
leiknum en vörn Þjóðverja hélt. Lee
Carsley átti gott skot sem Lehman
varði og Keane komst einn í gegnum
vörn Þjóðverja en náði ekki að skora.
Lukas Podolski var nærri því að stela
sigrinum fyrir Þjóðverja undir lokin
þegar hann skaut framhjá úr dauða-
færi.
Leikurinn endaði því markalaus
og Þjóðverjar fögnuðu því að von-
um vel að verða fysta liðið til þess að
komast í lokakeppni EM.
Búið spil hjá Írum
„Ég er mjög vonsvikinn fyrir hönd
leikmanna minna. Mér fannst þeir
frábærir í síðari hálfleik og við áttum
miðjuna gjörsamlega. Við spiluðum
boltanum vel á milli okkar og gerð-
um allt vel nema að skora. Robbie
Keane fékk frábært færi til þess að
skora og hann er miður sín að hafa
ekki náð því að skora úr þessu færi.
Vonandi var hann að geyma sig fyrir
miðvikudaginn.
Þetta er svo til búið hjá okkur en
við viljum enda riðilinn vel. Ef við
náum að halda þriðja sætinu fáum
við betri riðil á HM og svona er þetta
bara. Við hefðum viljað byrja leikinn
betur og það var það eina sem ég get
sagt að hefði mátt vera betra hjá mín-
um mönnum,“ segir Steve Staunton,
þjálfari Íra.
Þrátt fyrir sjö sigra og tvö jafntefli,
31 mark skorað og fjögur fengin á
sig telur Jens Lehmann að Þjóðverj-
ar verði að bæta leik sinn til þess að
verða Evrópumeistarar.
Þurfum að bæta okkur
„Ég er mjög ánægður með þenn-
an sigur og að hafa komist svona
snemma áfram. Sérstaklega eft-
ir svona erfiðan leik eins og þenn-
an gegn Írum. Við fórum inn í leik-
inn og bjuggumst við sigri en Írarnir
voru okkur of erfiðir og betri en við
í leiknum. Þegar allt kemur til alls
er jafntefli góð úrslit hér í Dublin og
það er það sem skiptir mestu máli í
dag. Hins vegar verðum við að halda
áfram að bæta okkur. Það eru enn
reynslulitlir leikmenn í liðinu sem
geta bætt sig mikið. Það bjuggust
allir við því að við myndum komast
áfram og við verðum að halda áfram
að setja okkur markmið til þess að
geta sigrað í Evrópukeppninni.“
Þjóðverjar spila á miðvikudaginn
við Tékka í München en Írar spila við
Kýpverja. Tékkar eiga þrjá leiki eftir í
riðlinum og þurfa einn sigur úr þeim
leikjum sem þeir eiga eftir til þess að
gulltryggja sæti í lokakeppni Evrópu-
mótsins sem fram fer í Sviss og Aust-
urríki næsta sumar.
f y r s t i r á E M
DV Sport mánudagur 15. október 2007 19
ÍÞrÓttAMOLAr
GLæsimörk riqueLmes
Juan roman riquelme tryggði
argentínumönnum 2–0 sigur á Chile í
fyrsta leik argentínumanna í forkeppni
Hm 2010.
riquelme, sem er
úti í kuldanum
hjá félagsliði sínu
Villareal, skoraði
bæði mörkin úr
aukaspyrnum.
„Ég var heppinn.
Það sem skiptir
mestu máli er að
argentína vinni,“
sagði riquelme eftir leikinn. Þjálfari
argentínumanna, alfio basile, sagðist
ekki hafa áhyggjur af stöðu riquelmes á
Spáni. „Þegar ég valdi hann vissi ég að
hann hefði verið duglegur á æfingum.
Leikmaður sem er jafngóður og hann
gleymir ekki hvernig á að sipla fótbolta.“
Christian alvarez, leikmaður Chile, var
rekinn af leikvelli fyrir brot á Javier
mascherano. Þjálfari Chile, marcelo
bielsa, sem stýrði liðinu í sínum fyrsta
alvöruleik, var landsliðsþjálfari
argentínu 1998–2004.
eGyptaLand, maLÍ oG BenÍn
Í afrÍkukeppnina
eyptaland, malí og benín tryggðu sér
um helgina sæti í úrslitakeppni
afríkukeppninnar, sem fram fer í ghana
í janúar 2008. malí sigraði tógó með
mörkum Frederics kanoute og
mamadous diallo. Liðin þurftu bæði sig-
ur til að komast áfram og vonbrigðin
eru því meiri fyrir tógóbúa sem tóku
þátt í Hm í fyrra. benín hefur til þessa
ekki verið hátt skrifað í knattspyrnu-
heiminum en landsliðið tryggði sér
farseðilinn til ghana með 2–0 sigri á
Sierra Leone. oumar tchomogo skoraði
bæði mörkin. John Jebbor Sherington,
landsliðsþjálfara Sierra Leone, og öllu
aðstoðarfólki hans var í kjölfarið sagt
upp störfum. egyptar, sem eru ríkjandi
afríkumeistarar, sigruðu botwswana 1–
0 í kairó. Þeir voru mun betri í leiknum
en nýttu ekki færin. Þjálfari þeirra brá
því á það ráð að skipta framherjunum
emad moteab og amr Zaki út fyrir tvo
miðjumenn. Herbragðið gekk upp því
annar varamannanna, mohamed Fadle,
skoraði sigurmarkið með skalla, kortéri
fyrir leikslok. Sextán lið taka þátt í
úrslitakeppninni í ghana, en dregið
verður í riðla í accra á föstudag.
stórsiGur ÚsBeka
maksim Shatskikh, leikmaður dynamo
kiev, skoraði fimm mörk þegar
Úsbekistan burstaði taívan í tashkent á
laugardag. Shatskikh, sem er fyrirliði
Úsbeka, skoraði þrennu á fyrstu 35
mínútunum og bætti við tveimur
mörkum í síðari hálfleik. Úsbekar, sem
eru í 62. sæti heimslista FIFa, hafa aldrei
komist í úrslitakeppni heimsmeistara-
keppninnar og féllu í seinustu forkeppni
út fyrir bahrein.
skoraði frá miðju
Jose manuel rey, leikmaður aek
Larnaka á kýpur, skoraði sannkallað
draumamark þegar hann tryggði Venes-
úela óvæntan 1–0 sigur á ekvador í
Quito. rey skoraði úr aukaspyrnu sem
hann tók um
fimm metra inni á
vallarhelmingi
heimamanna.
boltinn sveif yfir
markvörðinn
daniel Viteri og
upp í markvinkil-
inn. Venesúela er
eina Suður-
ameríkuþjóðin
sem aldrei hefur tekið þátt í úrslita-
keppni Hm en seinasti tapleikur
ekvador á heimavelli var í ágúst 2001.
Úrúgvæ skellti bolivíu 5–0 í montevideo.
Heimamenn sóttu frá því leikurinn var
flautaður á og á fjórðu mínútu skoraði
Luis Suarez, leikmaður ajax. diego
Forlan skoraði annað mark Úrúgvæa
áður en bolivíumanninum ronald
garcia var vikið af leikvelli fyrir lok fyrri
hálfleiks. Sebastian abreu og
varamennirnir Carlos bueno og Vicente
Sanchez bættu við mörkum í síðari
hálfleik. Sanchez hafði aðeins verið inn á
í mínútu þegar hann skoraði.
Paragvæ, sem reynir að komast á Hm í
fjórða skiptið í röð, gerði markalaust
jafntefli við Perú á útivelli.
á hAMpdEn
skOtAr skEMMtu sér
Rúmenar unnu gríðarlega mik-
ilvægan sigur á Hollendingum 1–0
í Rúmeníu. Markið skoraði Dorin
Goian með þrumufleyg tuttugu mín-
útum fyrir leikslok. Sigurinn var þó
óverðskuldaður því Hollendingar
áttu fullt af færum í leiknum en tókst
ekki að nýta þau og því fór sem fór.
Það var enginn Ryan Babel í hol-
lenska liðinu en hann svaf yfir sig á
leikdegi! Ótrúlegt að slíkt geti kom-
ið fyrir landsliðsmann sem er að fara
að spila mikilvægan landsleik. Arjen
Robben tók stöðu hans í liðinu. Hol-
lendingar byrjuðu leikinn af mikl-
um krafti en varnarleikur Rúmeníu
var til fyrirmyndar. Christian Chivu
fór þar fremstur í flokki. Heima-
menn beittu skyndisóknum en mik-
ið bil var á milli miðju og sóknar
hjá Hollendingum. Wilfred Bouma,
leikmaður Aston Villa, fékk besta
færi gestanna en aukaspyrna hans
sleikti stöngina og boltinn fór fram-
hjá. Ruud van Nistelrooy fékk einnig
gott færi en Lobont í marki Rúmeníu
varði vel. 0–0 var staðan í hálfleik þar
sem Hollendingar hefðu getað verið
með þægilega forustu.
Í síðari hálfleik jókst heima-
mönnum ásmegin og komust meira
og meira inn í leikinn. Adrian Mutu
átti frábært skot þegar klukkutími
var liðinn en Stekelenburg í markinu
varði vel og sló boltann yfir. Skömmu
síðar skoruðu heimamenn eina
mark leiksins. Dorin Goian skallaði
aukaspyrnu Mutus í netið framhjá
Stekelenburg. Gestirnir settu aukinn
þunga í sóknina. Babel og Koeverm-
ans voru settir inn á en Rúmenarnir
vörðust vel og héldu út.
Rúmenar eru á toppi síns riðils
með 23 stig og hafa ekki tapað í níu
rúmenar unnu mikilvægan sigur á Hollendingum 1-0 á heimavelli.
ÓvErðskuLdAð Í rúMEnÍu
leikjum í röð. „Þetta var ansi stórt
skref til að komast í lokakeppnina,“
sagði Victor Piturca, þjálfari Rúmen-
íu, eftir leikinn. „Þetta er ábyggilega
mikilvægasta mark sem Goian hef-
ur skorað á sínum ferli.“ Marco van
Basten var ekki jafnsáttur eftir leik-
inn. „Við þurfum núna 7 stig úr síð-
ustu þremur leikjunum okkar og það
er það sem við stefnum á. Leikurinn
sem slíkur var erfiður. Erfiðar að-
stæður og mikil rigning. Við spiluð-
um ekki okkar leik, nokkuð sem við
ætluðum ekki að gera.“
Varðandi atvikið hans Babels
sagði van Basten að hegðun hans
væri óviðunandi. „Þetta er í annað
sinn sem hann sefur yfir sig á leik-
degi. Það er ekki viðunandi. Við ætl-
umst til þess að leikmenn fylgi okkar
dagskrá á leikdegi.“
benni@dv.is
Gleði og sorg Leikmenn rúmeníu
fagna ákaft sigrinum á laugardag. ruud
van nistelrooy er ekki jafnglaður.
ÞjÓðvErjAr
Viðar Guðjónsson
blaðamaður skrifar: vidar@dv.is
Þjóðverjar tryggðu sér sæti í lokakeppni EM
fyrstir allra þjóða eftir 0–0 jafntefli við Íra í
Dublin.
jens Lehmann
Varði allt sem á markið kom.
dansinn dunar
Það var hart barist í leik
Írlands og Þýskalands.