Dagblaðið Vísir - DV - 15.10.2007, Page 27

Á í viðræðum
við DiCaprio
George Clooney og Leonardo
DiCaprio eiga í viðræðum um að
vinna saman í Warner Brothers-
myndinni Farragut North. Myndin er
pólitískur spennutryllir og er byggð á
Broadway-leikriti Beaus Willimon.
Clooney myndi leikstýra myndinni
og DiCaprio leika aðalhlutverkið en
báðir myndu sjá um framleiðslu.
Leikritið sem er væntanlegt á
Broadway skartar engum öðrum en
sjálfum Jake Gyllenhaal í aðalhlut-
verki.
Undirbúa
gerð myndar
Leikstjórinn Michael Mann og
leikarinn Will Smith munu leiða
saman hesta sína á ný eftir að þeir
unnu saman að myndinni Ali. Um er
að ræða mynd sem heitir Empire og
er skrifuð af John Logan sem skrifaði
handritin að Gladiator og The
Aviator. Engar dagsetningar hafa
verið staðfestar en tökur hefjast
líklega ekki fyrr en í lok næsta árs.
Söguþræði myndarinnar er haldið
leyndum en heyrst hefur að Smith
muni leika fjölmiðlamógúl í
myndinni.
Bana í
Star Trek
Ástralski leikarinn Eric Bana mun
leika illmenni í myndinni Star Trek
sem verður tekin upp hér á landi.
Bana, sem hefur meðal annars leikið
í myndunum Troy, Munich og Hulk,
mun leika illmennið Nero. Ekki er
vitað hvort hann leikur mann- eða
geimveru. Enn er verið að ráða í
hlutverk fyrir myndina en meðal
leikara sem hafa verið staðfestir eru
Zachary Quinto sem leikur Sylar í
þáttunum Heroes. Tökur hér á landi
munu standa yfir í um tvær vikur.
mánudagur 15. október 2007DV Bíó 27
Söngkonan Hafdís Huld er stödd í London um þessar mundir þar
sem hún leggur lokahönd á tíu laga barnaplötu. Hafdís segir boð-
skapinn á plötunni vera um almenn góð gildi en hún fékk innblást-
urinn við störf sín í íslenska sunnudagaskólanum í London.
GEFUR ÚT BARNA-
PLÖTU FYRIR JÓL
Þetta byrjaði allt þegar ég var að vinna í sunnudagaskólanum meðfram tónlistarnáminu,“
segir söngkonan Hafdís Huld Þrast-
ardóttir um hvernig það kom til að
hún réðst í að gera barnaplötu. „Ég
sótti um styrk og fékk hann,“ og hófst
þá Hafdís handa við að semja barna-
lög með kristilegum boðskap.
Þörf á nýjum lögum
Hafdís starfaði í íslenska sunnu-
dagaskólanum í London þar sem
íslensk börn búsett í London koma
saman. „Ég fann einfaldlega að þörf
var á nýrri tónlist. Bæði fyrir krakk-
ana og fyrir kennarana,“ segir Haf-
dís og hlær en söngur er stór part-
ur af sunnudagaskólanum eins og
flestir vita sem hann hafa sótt. „Ég
tók til dæmis eftir því að þegar við
spurðum börnin hvað þau vildu
syngja var það yfirleitt nýjasta lag-
ið með Gwen Stefani frekar en eitt-
hvað af þessum klassísku sunnu-
dagaskólalögum,“ segir Hafdís um
eina af ástæðunum fyrir því að þörf
sé á nýju efni.
„Það er auðvitað nauðsynlegt
að viðhalda barnatónlist og barna-
tónlist innan kirkjunnar eins og
annarri tónlist og koma með eitt-
hvað nýtt,“ en Hafdís, sem er búsett
í London, tók upp plötuna þegar
hún var á landinu í sumar. „Það er
auðvitað mun auðveldara að taka
upp barnasöng hér á landi með ís-
lenskum textum. Hafdís Huld er um
þessar mundir að leggja lokahönd
á plötuna. „Ég er að vinna í upptök-
unum þessa dagana og svo förum
við í að hljóðblanda í næstu viku,“
en platan, sem hefur enn ekki hlot-
ið nafn, mun innihalda tíu lög.
Ekki háalvarleg eða
hátrúarleg
Hafdís segir að þó að boðskapur
plötunnar sé trúarlegur sé ekki um
neina predikun að ræða. „Þetta er
ekki háalvarleg og hátrúarleg plata.
Þetta er bara kennsla á góðum gild-
um almennt eins og er verið að kenna
börnum í hvaða skóla sem er.“ Hafdís
reynir á plötunni að ná til barna á
öllum aldri en ekki bara til ákveðins
hóps. „Út af því að í sunnudagaskól-
anum úti í London var ég með pínu-
lítil kríli í kringum eins til tveggja ára
og alveg upp í níu til tíu ára langaði
mig að reyna ná til sem flestra,“ og
segir Hafdís plötuna höfða til smá-
barna og allt til barna sem eru við
það að komast á unglingsárin. „Plat-
an er allt frá gleðilegu leikskólapoppi
yfir í poppað gospel.“
Hafdís er einnig að reyna skapa
barnatónlist á plötunni sem höfðar
jafnt til fullorðins fólks sem barna.
„Um daginn var ég að keyra frá Ak-
ureyri með tveimur frændsystkinum
mínum og það var hlustað á barnalög
alla leiðina heim. Það er nú þannig
að börnin stjórna tónlistinni. Þá lærir
maður virkilega að meta barnatónlist
sem er vel gerð og maður getur hlust-
að á líka. Það er það sem ég er að
reyna gera með plötunni minni,“ seg-
ir Hafdís sem stefnir á að koma plöt-
unni í verslanir 10. nóvember. „Það er
nú líka einu sinni þannig að fallegur
boðskapur á við alla, hvort sem það
eru börn eða fullorðnir,“ segir Hafdís
að lokum. asgeir@dv.is
Hafdís Huld gefur út tíu
laga barnaplötu fyrir jól.