Dagblaðið Vísir - DV - 16.10.2007, Síða 13

ICELAND
AIRWAVES
Næstu daga verður magnþrungin stemning í miðbæ Reykjavíkur. Iceland Airwaves 2007 er að hefjast. Brátt fyllast
götur bæjarins af erlendum tónlistarmönnum, fjölmiðlafólki og öðrum úr bransanum sem setur svo sannarlega svip
sinn á bæinn. Þessi árlegi viðburður hefur, svo eftir er tekið, rifið upp annars ágætan októbermánuð á dagatalinu og
hleypt krafti í íslenskt tónlistarlíf. Í ár taka um hundrað og sextíu íslenskar hljómsveitir þátt og af þeim eru um fimm-
tíu sem hafa aldrei áður komið fram á hátíðinni. DV tók nokkur íslensk bönd tali, bönd sem aldrei hafa áður komið
fram á hátíðinni en miklar vonir eru bundnar við. Á baksíðu er talað við Egil Tómasson, listrænan stjórnanda og
bókara hátíðarinnar sem segir gróskuna í íslenskum bílskúrum ótrúlega.
Umsjón: Berglind Häsler
2007
Ein af þeim hljómsveitum sem marg-
ir veðja á að eigi eftir að vekja mikla athygli á
Iceland Airwaves er hljómsveitin Motion Boys
sem kemur fram á Nasa á föstudaginn klukk-
an 23:00. Hljómsveitin er skipuð nokkrum af
öflugustu tónlistarmönnum yngri kynslóð-
arinnar þeim Birgi Ísleifi Gunnarssyni, Gísla
Galdri, Birni Stefánssyni, Árna Plúseinum,
Viðari Hákoni Gíslasyni og Þorbirni Sigurðs-
syni. Hlómsveitin hefur verið mjög áberandi
í íslensku tónlistarlífi undanfarið en smellur-
inn Hold Me Closer To Your Heart setti allt
á annan endann nú í sumar. Motion Boys er
þó ekki nema árs gamalt band og spilar nú á
Iceland Airwaves í fyrsta skiptið. „Þetta leggst
mjög vel í okkur. Við ætlum að reyna að vera
með dúndurstuð, teygja okkur út til fólks-
ins og snerta hjarta þess,“ segir Birgir Ísleifur
Gunnarsson, söngvari hljómsveitarinnar. „Ég
vona bara að allir mæti með dansskóna sína
með sér.“ Aðspurður hvort hljómsveitin ætli að
vera með sérstaka hátíðartónleika segist Birg-
ir Ísleifur ekkert efast um það þótt enn sé ekki
komið á hreint hvað það nákvæmlega verði.
„Við þurfum nú að vera svolítið elegant. Ég hef
ákveðið að fara á hnén en til þess að óhreinka
ekki dressið ætla ég að vera með púða á hnján-
um. Ég verð með sérstakan mann á sviðinu til
þess að hjálpa mér á hnén. Hann heitir Ragn-
ar Davíð.“
Draumurinn er að bresta í grát
Birgir Ísleifur segist ekki vera búinn að gera
það upp við sig hvað hann langi til þess að sjá
af öðrum böndum en telur þó upp nokkur
bönd sem eru honum að góðu kunn. „Ég ætla
að kíkja á Gus Gus sem spilar á eftir okkur. Svo
langar mig að sjá FM Belfast, Sprengjuhöllina,
Hairdoctor, Mínus og Dr. Spock. Mér finnst
líka spennandi að sjá hvernig strákunum í !!!
tekst til án söngvarans sem hætti nú á dög-
unum.“ Motion Boys hefur sent frá sér nokkur
stök lög, nú síðast lagið Steal Your Love, sem
er ekki síður efni í ódauðlegan slagara en lagið
Hold Me Closer To Your Heart. Hvenær kem-
ur svo plata? „Við erum að vinna í því. Við eig-
um orðið fullt af lögum, fullt af slögurum, svo
það vantar ekki mikið upp á. En þó svo að plat-
an verði ofsalega hress og uppfull af stuði sjá-
um við það fyrir okkur að í lögunum séu línur
sem hrífa fólk með gæsahúð og jafnvel örlitl-
um tárum. Ég er oft mjög klökkur í mörgum af
þessum lögum. Fullkomnustu tónleikar sem
ég mundi spila á eru ef ég myndi gráta sjálf-
ur.“ Motion Boys kemur fram á sérstökum „off
venue“-tónleikum í Skífunni á laugardaginn
klukkan 19:30 og í Norræna húsinu á laugar-
daginn klukkan 16:00. „Við verðum með svona
akústískt prógram í Norræna húsinu. Það
verður mjög fróðlegt að vita hvernig það fer
fram.“ Áhugasömum er bent á að draga fram
dansskóna og hita upp heima: http://www.
myspace.com/motionboys
ÆtLA Að tEygjA sIg út tIL
fóLksINs og sNErtA hjörtu
Framhald á
næstu síðu