Sveitarstjórnarmál - 01.06.1968, Blaðsíða 14

arfélags úr Jöfnunarsjóði. Hinsvegar verður að
vænta þess, að sveitarfélögin verði svo traustir
lántakendur, að til vanskila komi ekki.
Gert er ráð fyrir, að sett verði reglugerð um
nánari framkvæmd laganna. Slík reglugerð hef-
ur enn ekki verið samin.
Sjóðsstjóm, störf hennar
og starfsemi sjóðsins
Lánasjóðslögin tóku gildi I. júlí 1966, en í
bráðabirgðaákvæði laganna er fram tekið, að
framlag jöfnunarsjóðs til Lánasjóðsins greiðist í
fyrsta sinn á árinu 1967, og ríkissframlag var
ekkert ákveðið 1966, þannig að sjóðurinn hafði
ekkert fé til ráðstöfunar á árinu 1966 og var því
Ijóst, að útlánastarfsemi hans gæti ekki hafizt
fyrr en á árinu 1967.
A aukafundi í fulltrúaráði sambandsins 28.
júlí 1966 voru kosnir 4 aðalmenn og 4 varamenn
af sambandsins hálfu í stjórn Lánasjóðs. Kosn-
ingu hlutu sem aðalmenn:
Jónas Guðmundsson, Gunnlaugur Pétursson,
Magnús E. Guðjónsson og Sigurður I. Sigurðsson,
en sem varamenn Páll Líndal, Ólafur G. Einars-
son, Bjarni Þórðarson og Halldór E. Sigurðsson.
Fulltrúaráðið tilnefndi af hálfu sambandsins
sem endurskoðanda I.ánasjóðs sr. Sigurð Hauk-
dal.
Hinn 10. ágúst 1966 skipaði fjármálaráðherra
Jónas G. Rafnar, bankastjóra og alþingismann,
formann stjórnar Lánasjóðsins og Höskuld Ólafs-
son, bankastjóra, varaformann. Var þá stjórnin
fullskipuð lögum samkvæmt.
Stjórn Lánasjóðsins kom saman á fyrsta fund
sinn 13. október 1966. Á fundi sínum 30. nóvem-
ber 1966 réð stjórnin undirritaðan framkvæmda-
stjóra frá 1. febrúar 1967 að telja, jafnframt því
sem ákveðið var, að Lánasjóður, Bjargráðasjóður
íslands og Samband íslenzkra sveitarfélaga sam-
einuðust um framkvæmdastjórn, skrifstofuhald
og afgreiðslu og allar þessar stofnanir yrðu til
húsa í húsnæði Bjargráðasjóðs að Laugavegi 105.
Jónas Guðmundsson, sem kjörinn hafði verið rit-
ari stjórnarinnar, tók að sér ýmis undirbúnings-
SVEITARSTJÓRNARMÁL
störf fyrir Lánasjóðinn fram að 1. febrúar 1967,
er ég tók við störfum, en einmitt þá var útrunn-
inn umsóknarfrestur um lán úr sjóðnum á því
ári, og hafði öllum sveitarfélögum landsins verið
send tilkynning um, að sjóðurinn væri tekinn til
starfa ásamt eintaki af lögum fyrir sjóðinn.
hegar umsóknarfrestur rann út 31. janúar 1967
höfðu borizt 75 umsóknir um lán úr sjóðntim
frá 92 sveitarfélögum, en að sumum umsóknanna
stóðu mörg sveitarfélög. Meðal hinna 92 sveitar-
félaga, er að umsóknunum stóðu, voru 13 af 14
kaupstöðum landsins. Heildarupphæð umsókna
var kr. 119.840.000,00. Eflir lok umsóknarfrests
bárust 7 umsóknir frá jafnmörgum sveitarfélög-
um Jtannig að endanlegur fjöldi Idtisumsókna
varð S2 frd 99 sveitarfélögum samtals að fjárhœð
kr. 127.140.000,00.
Fyrirframvitað ráðstöfunarfé sjóðsins á árinu,
framlög úr Jöfnunarsjóði og ríkissjóði, nam hins
vegar 19.5 millj. króna, og var Jtannig tæplega
1 /6 hluti Jtess fjár, sem.um var sótt.
Eftir tegundum framkvæntda, sem sótt var um
lán út á, skiptust lánsumsóknirnar Jtannig:
1. Vatnsveitur............. kr. 39.120.000,00
2. Hitaveitur ............... — 8.000.000,00
3. Skólar ................... - 24.070.000,00
4. íþróttamannvirki ......... — 5.700.000,00
5. Gatnagerð ................ - 19.350.000,00
6. Hafnir.................... - 11.100.000,00
7. Félagsheimili ....... - 7.150.000,00
8. Sjúkrahús og elliheimili — 5.800.000,00
9. Fiskiskip ................ — 2.500.000,00
10. íbúðabyggingar ........... — 2.000.000,00
11. Ýmislegt ................. - 2.350.000,00
Samtals kr. 127.140.000,00
Hæsti flokkurinn voru lánaumsóknir vegna
vatnsveitna, og var áætlað kostnaðarverð þeirra
vatnsveitumannvirkja, sem sótt var um lán út á,
um 200 milljónir króna, en að vísu var Jtar urn
framkvæmdir að ræða, sem dreifðust á fleiri en