Sveitarstjórnarmál - 01.05.2002, Side 23

Meðal nýmæla í breyttum lögum er að félagsmálaráðherra verður heimilt að aflétta kaupskyldu sveitarfélaga af félagslegum eignaríbúðum óski sveitarfélag þess.
áður var. Með afnámi kaupskyldunnar er komið til móts við
sjónarmið sveitarstjórnarmanna og eigenda félagslegra
eignaríbúða.
6. Af öllum félagslegum íbúðabyggingum var greitt 1% af
byggingarkostnaði ÍTryggingarsjóð vegna byggingargalla
sem varðveittur var í Byggingarsjóði verkamanna. Sá sjóður
var lagður niður með lögum nr 44/1998 og framlög sem
sveitarfélögin höfðu greitt til hans látin renna til varasjóðs
viðbótarlána, sem jafnframt tók við því hlutverki að bæta
byggingargalla á íbúðum sem sveitarfélögin höfðu byggt.
Nú er heimilt að ráðstafa árlega, næstu fimm ár, 60 milljón-
um króna af þeim fjármunum til að fjármagna þau verkefni
varasjóðs húsnæðismála sem snúa að sveitarfélögunum.
Fjármögnun tryggð í fimm ár
Með nýsamþykktri breytingu á lögum um húsnæðismál eru tekin
upp nýmæli og breytingar sem allar lúta að því að koma til móts
við vanda sveitarfélaga vegna félagslegra íbúða. Með samkomu-
lagi ríkisins og sambandsins er jafnframt tryggt að næstu fimm ár
verður samtals 700 milljónum króna varið til þess verkefnis.
Hlutdeild allra sveitarfélaga í landinu í þeirri fjármögnun verður
árlega 20 milljónir króna eða samtals 100 milljónir á fimm árum.
Auk þess er íbúðaslánasjóði heimilt á næstu fimm árum að af-
skrifa allt að 200 milljónir króna af lánum sem hvíla á íbúðum
sem ákveðið verður að rífa, gegn jafn háu framlagi sveitarfélaga.
Spor í rétta átt
Flestir þeir sveitarstjórnarmenn sem kynnt hafa sér nýgerðar
breytingar á lögum um húsnæðismál eru samdóma um að þær
feli í sér jákvæðar breytingar fyrir sveitarfélögin. Þar er eytt
þeirri óvissu sem verið hefur um fjármögnun þessa verkefnis
undanfarin ár og hún nú tryggð næstu fimm árin. Fulltrúar sam-
bandsins í viðræðum þess við ríkið, um vanda sveitarfélaga
vegna félagslegra íbúða, hefðu viljað að ríkið tæki meiri þátt í
fjármögnun þessa verkefnis. Þetta er hins vegar niðurstaðan eftir
langa og stranga vinnu og afar fáum sveitarstjórnarmönnum
blandast hugur um að hún er sveitarfélögunum hagfelld, svo
langt sem hún nær, og veruleg framför frá því ástandi sem ríkti
fyrir breytingu laganna
Orkuveita
Reykjavíkur
23