Sveitarstjórnarmál - 01.11.2013, Blaðsíða 14

Ferðaþjónusta
Eru sveitarfélög stærsti
ferðaþjónustuaðilinn?
Á Ferðamálaþingi, sem haldið var á
haustdögum, hélt Ásthildur Sturludóttir,
bæjarstjóri í Vesturbyggð, erindi sem bar
titilinn: „Eru sveitarfélög stærsti ferða-
þjónustuaðilinn?" í erindinu færði Ást-
hildur rök fyrir þessari fullyrðingu og hvers
vegna hún telur að sveitarfélög verði að
vera virkari þátttakendur í umræðunni um
ferðaþjónustu, sem er ein helsta gjald-
eyrisskapandi atvinnugrein þjóðarinnar.
Atvinnutækifæri eru að skapast og sveit-
arfélög þurfa að bregðast hratt við og
þekkja skyldur sínar. Greinin er unnin
upp úr erindi Ásthildar.
Sveitarfélög eru í ferðaþjónustu
Þegar ferðaþjónustuaðilar eru skilgreindir horf-
um við fyrst og fremst til þeirra sem eru í
greininni. Þeir sem að baki standa gleymast
oftar en ekki eða líta ekki á sig sem ferða-
þjónustuaðila. Og sveitarfélögin - þau eru
stærsti ferðaþjónustuaðilinn. Sveitarfélagið sér
til þess að grunngerðin sé til staðar. Sveit-
arfélagið hefur skipulagsvaldið og býður fram
lóðir. Þá reka sveitarfélögin sundlaugar og
[þróttamiðstöðvar, göngustfgakerfi, lystigarða,
miðbæi, upplýsingamiðstöðvar, söfn og oftar
en ekki tjaldsvæði. Það hefur sýnt sig að
fallegir bæir eru aðdráttarafl fyrir ferðamenn
og fjárfesta. Þess vegna er mikilvægt að huga
að innviðum og umhverfinu með fbúum,
hagsmunasamtökum og fyrirtækjum með
góðu deiliskipulagi, hönnun og framkvæmd-
um.
Verkefni sveitarfélaga tengd ferðaþjónustu
eru fleiri. Sveitarfélög koma myndarlega að
markaðssetningu með þátttöku í rekstri mark-
aðsstofa, upplýsingamiðstöðva og atvinnuþró-
unarfélaga sem eru oftar en ekki fyrsta stoppi-
Ásthildur Sturludóttir.
stöð frumkvöðla. Fjármagnið sem sveitarfélög
leggja til málaflokka sem tengjast ferðaþjón-
ustu eru því miklir.
Gæðamál bera sífelltá góma. Sveita rfélögin
geta alltaf gert betur í umhverfismálum og
þjálfun starfsfólks. Það er nauðsynlegt að bera
virðingu fyrir menntun og þjálfun þeirra sem f
ferðaþjónustu starfa. Sveitarfélögin eiga ekki
síður að huga að menntun starfsmanna
þannig að þeir geti veitt upplýsingar og
brugðist við því sem upp getur komið.
Aðstaðan sem (slendingar bjóða upp á, á að
vera fyrsta flokks. Við eigum ekki að bjóða
upp á gistingu í gámum eða að helstu perlur
þjóðarinnar séu f einu drullusvaði og að ekki
sé hægt að komast á salerni. Við eigum ekki
síður að beina umferðinni um fáfarnari en jafn
áhugaverða staði og huga að gjaldtöku til að
byggja upp ferðamannastaði, því sveitar-
félögin hafa ekki fjármagn umfram lögbundin
verkefni.
Selir sóla sig I mestu makindum á Rauðasandi I Vesturbyggð.