Hermes - 01.07.1965, Blaðsíða 12

Elías Snœland Jónsson:
Einangrun núti
Bandaríski Nóbelsverðlaunahafinn Melvin Calvin
tilkynnti nýlega, að hann og aðstoðarmenn hans
hefðu fundið „öruggar sannanir" þess, að líf hafi
verið til á þessari jörð fyrir 2.7 billjónum ára, eða
800 milljón árum fyrr, en áður var talið, að líf
hefði þróast á þessum hnetti. Væri hér um að ræða
plöntulíf, nokkuð háþróað. Þar sem talið er full-
víst, að jörðin sé aðeins 4.7 billjón ára gömul, telja
vísindamenn, að líf hafi myndast hér á jörðinni
skömmu eftir að yfirborð hennar kólnaði og vatn
myndaðist.
Rannsóknir síðustu ára hafa breytt nokkuð skoð-
unum manna á upphafi lífsins hér á jörðinni. Vís-
indamenn telja m. a. þennan nýja fund benda til þess,
að lífið sé ekki neitt „kraftaverk", sem gerzt hafi
á þessum hnetti, heldur geti líf „kviknað" við mun
erfiðari aðstæður, en áður var talið. Þeir telja jafnvel
líklegt, að líf í einhverri mynd finnist á öðrum
hnöttum í sólkerfi voru, og þá líklegast á Marz,
þótt öll skilyrði til lífs séu. þar mun verri en hér.
Bandaríska geimfarið Mariner IV mun ef til vill
gefa eitthvert svar við þessu.