Hermes - 01.05.1969, Side 2

hermes
útgefandi:
NSS
1 969 ~ 1 0. órg. - 1. tbl.
ritstjóri:
REYNIR INGIBJARTSSON
aðrir í ritstjórn:
DAGUR ÞORLEIFSSON
GUÐMUNDUR PÁLL ÁSGEIRSSON
INGÓLFUR SVERRISSON
setning og prentun:
PENTSMIÐJA JÓNS HELGASONAR
myndamót:
RAFGRAF
Á aðalfundi NSS að Bifröst á liðnu sumri var samþykkt sérstök laga-
grein varðandi Hermes. I henni var kveðið á um skipun sérstaks rit-
stjóra, til að annast útkomu Hermesar og honum til aðstoðar, þriggja
manna ritnefnd. Engin stórvirki hafa verið unnin með þessari breyt-
ingu og ritstjórinn reynzt lítill skörungur. Þó er það tvímælalaust til
bóta að gera einn aðila ábyrgan fyrir efnissöfnun í stað fjölmennrar
ritnefndar.
Reynt er í þessu hefti að fylgja svipaðri braut í efnisvali og í fyrsta
tölublaði Hermesar á liðnu ári. Það blað markaði á margan hátt tíma-
mót varðandi útgáfu Hermesar og var aðalumsjónarmönnum þess,
þeim Óla H. Þórðarsyni og Gunnari Sigurðssyni til mikils sóma.
Ráðgert var að þetta hefti kæmi út mun fyrr og þá tileinkað að
nokkru 50 ára afmæli Samvinnuskólans og 10 ára afmæli NSS. Þetta
breyttist þó, m. a. vegna útkomu hins glæsilega afmælisblaðs Vefar-
ans, og varð að ráði, að NSS sendi þetta afmælisblað til allra sinna
félaga. Eiga Skólafélag Samvinnuskólans og ritstjóri Vefarans sl. vet-
ur, Rúnar B. Jóhannsson miklar þakkir skilið fyrir framtak sitt.
Margt hefur verið rætt um hvernig haga skal efnisvali Hermesar og
hvert markmið ætti að vera með útgáfu hans. Sú er skoðun undir-
ritaðs að tilgangurinn hljóti fyrst og fremst að vera sá, að haga
efnisvali þannig, að það auki og styrki tengsl milli félaga NSS inn-
byrðis og við Samvinnuskólann.
Til að stefna að þessu marki þarf Hermes að kappkosta að, —
1. flytja fréttir í máli og myndum af starfi NSS.
2. vera vettvangur fjölbreyttra frásagna og frétta af eldri og yngri
nemendum.
3. kynna hugsmíðar NSS-félaga.
4. viðhalda á allan hátt tengslum milli skólans að Bifröst og eldri og
yngri nemenda með efni frá nemendum og kennurum, og fréttum
af starfi skólans.
Að lokum vil ég fyrir hönd ritstjórnar Hermesar þakka góðar undir-
tektir, sem efniskvabb Hermesar hefur fengið. Nær undantekningar-
laust hafa þeir, sem beðnir hafa verið um liðsinni brugðizt vel við, og
samnefnari þess gæti verið svar Vigdísar Pálsdóttur við bón ritstjóra,
og var á þá leið, að hún hefði ekki lagt það í vana sinn fram til þessa
að segja nei. Reynir Ingibjartsson