Hermes - 01.05.1969, Síða 17

Hin vinsæla tradition að baða fyrstubekkinga upp
úr Hreðavatni, til að kynna þeim húsbóndann, var
nú lögð niður, en þess í stað var svokallaður
,,Helgafellsdagur“ haldinn hátíðlegur. Varð þetta
að ráði, vegna þess að ætíð er um nokkra slysa-
hættu að ræða við Hreðavatnsátökin, og eins
vegna hins, að okkur annarsbekkinga var farið að
lengja eftir, að veðurguðirnir yrðu okkur svo hlið-
hollir, að við gætum formlega tekið fyrstu bekk-
inga í tölu samvinnumanna. Fór þessi nýja athöfn
þannig fram, að formaður Skólafélagsins kvaddi
sér hljóðs í borðstofu og minntist þess, að sú sið-
venja væri hér ríkjandi að minnast fyrstu komu
sambandsskipsins Helgafells til Reykjavíkur hinn
5. október 1954.
Var ástæða þessa sögð sú, að skipið hefði í
þeirri för komið með reiknivélar fyrir Samvinnu-
skólann, og þannig hefði ,,tækniöld“ rutt sér til
rúms í skólanum hvað bókfærslu snerti. Bað hann
síðan alla minnast þessa merka dags með því að
rísa úr sætum og hrópa ferfalt húrra fyrir Helga-
felli og samvinnuhreyfingurmi, hvað og var gert,
þó óneitanlega gætti nokkurra aukahljóða frá
annarsbekkingum.
Síðan var nemendum tjáð, að gefið yrði frí einn
tíma, svo hægt væri að ganga hina árlegu „Helga-
fellsskrúðgöngu“. Voru allir beðnir að klæða sig
viðeigandi búningi, svo að helgi dagsins mætti
njóta í hvívetna. Síðan var gengið fylktu liði undir
fánum og lúðrablæstri (handklæði og brunalúðr-
ar) einn hring í kringum skólabyggingarnar, og
staðnæmst fyrir framan forláta baðkar, sem kom-
ið hafði verið fyrir á sléttunni ofan við bygging-
arnar. Þá loksins rann upp Ijós fyrir fyrstubekk-
ingum, fylkingar riðluðust en annarsbekkingar
hófu eftirleikinn.
Hófst síðan atgangur allharður, er fyrstubekk-
ingar voru leiddir til baðsins hver af öðrum. Var
þeim stungið vel í, en formaður ,,skírði“ hvern
einstakan og hafði forláta næturgagn að skírnar-
fonti.
Mikið hefur verið um heimsóknir til okkar eins og
endranær. 1. desember sl. minntumst við fimmtíu
FRÁSÖGN ÚR BIFRÖST
bað - heimsóknir - grábrók
umsjónarmaðurinn