Hermes - 01.05.1969, Blaðsíða 18

ára fullveldisafmælisins og jafnframt fimmtíu ára
afmælis Samvinnuskólans. Var til þeirrar veizlu
boðið íbúum Norðm’árdals, en heiðursgestir og
aðalræðumenn voru þeir Guðmundur G. Hagalín
og Guðbrandur Magnússon.
Afmælishátíðin var haldin í marzmánuði, og var
sú heimsókn mikið tilhlökkunarefni heimafólki
eins og vænta má. Færðu þriðjubekkingar skólan-
um að gjöf kvikmyndatökuvél með tilheyrandi
tækjum.
Nemendasambandið sendi hingað fulltrúa síð-
ustu helgina í marz, um tuttugu manna hóp, og
fræddu þeir okkur um ágæti sambandsins, héldu
kvöldvöku, og öttu kappi við okkur í íþróttum. Er
þess sérstaklega minnzt, hversu liðlega Nemenda-
sambandsmenn léku knattspyrnuna.
Hvanneyringar sóttu okkur heim og kepptu við
okkur í íþróttum, og lauk þeirri viðureign með
sigri heimamanna.
Við fórum í nokkrar ferðir af staðnum, en merk-
astar teljast Varmalandsför og heimsókn til KEA-
ríkisins á Akureyri, sem var hvort tveggja í senn
fróðleg og skemmtileg. Fararstjóri í þeirri ferð var
Snorri Þorsteinsson.
Margir fyrirlesarar hafa komið, og skal þar
fyrstur nefndur Erlendur Einarssoon, en hann
kom í byrjun aprílmánaðar og svaraði fyrirspurn-
um nemenda um samvinnumál.
Auk hans má nefna Hjalta Pálsson, Hjört Hjart-
ar, Einar Olgeirsson og Sveinbjörn Beinteinsson.
Á sl. hausti komu hingað fjórir ,,imgpólitíkusar“
og uppfræddu nemendur framhaldsskólanna í
Borgarfirði um ágæti flokka sinna. Var þessi sam-
koma haldin á vegum „Samstarfsnefndar fram-
haldsskólanna í Borgarfjarðarhéraði," en til henn-
ar var stofnað fyrir tveimur árum til þess að auka
á félagsleg samskipti þessara skóla.
Akademían stóð að hljómleikum í Borgarnes-
kirkju í byrjun marzmánaðar. Lék þar hinn lands-
kunni organleikari Haukur Guðlaugsson frá Akra-
nesi á hljóðfæri kirkjunnar verk eftir ýmsa höf-
unda. I þeirri hinni sömu ferð var okkur sýnd
kvikmyndin „Ivan grimmi“ eftir Eisenstein.
Stjórn Skólafélagsins efndi til samkeppni um
gerð Skólafélagsmerkis. Allmargar tillögur bárust,
en hlutskarpastur varð Hallgrímur Gíslason frá
Gröf í Óspakseyrarhreppi, Strandasýslu.
Einn atburður mun öðrum fremur verða til þess,
að þessa skólaárs verður minnzt á spjöldum sög-
unnar sem eins hins merkasta meðal nemenda. Er
hann sá, að Grábrókarkonur hálfdrápu fyrir okk-
ui inspectorinn.
Er sú frásögn í stytztu máli á þá leið, að kven-
félagskonurnar tóku hann höndum, máluðu í bak
og fyrir, og trommuðu síðan með hann, bundinn á
höndum og fótum, út að flaggstönginni á hlaðinu.
Varð atburðurinn ekki uppgötvaður fyrr en ógur-
leg öskur inspectors gáfu til kynna, að ekki var
allt með felldu. Flykktist karlpeningurinn út, og
tókst að leysa bandingjann, áður en honum yrði
fórnað á altari Grábrókar.
Hafa miklar umræður skapazt um þennan at-
burð, og þykir mönnum nú sem dulunni sé að
nokkru svipt af þeirri starfsemi sem kvenfélagið
hefur á stefnuskrá sinni. Er nú allt kapp á það
lagt af hálfu pilta að uppræta félagsskapinn, og
hefur þegar nokkuð áunnizt að sagt er.
Umsjónarmaður skólans er Þorleifur Sigurðsson
frá Hafnarfirði. Hann hefir reynzt óvægið yfirvald,
en réttsýnt og sanngjarnt. Mér þótti fara vel á því
að reka endahnútinn á þennan frásöguþátt úr Bif-