Hermes - 01.05.1969, Qupperneq 23
Kynnisferð
að Bifröst
Hin árlega kynningarferð NSS að Bifröst var far-
in 29. og 30. marz. Farið var frá Umferðarmið-
stöðinni með Sæmundi í Borgarnesi kl. 2 á laug-
ardag.
Að þessu sinni var hópurinn allstór, 15 gæðing-
ar úr Reykjavík auk tveggja valkyrja og tveggja
styrktarmeðlima af Akranesi, alls 19 manns.
Að Bifröst var komið um sexleytið, og í kvöld-
matnum var dælt í okkur eggjum og öðru góð-
gæti, svo fjörið átti ekki að vanta.
Brátt hófst kvöldvakan með sínum fræga „rútu-
coctail“. Var það mál manna að sjaldan hefðu
komið í slíka ferð jafn mörg skemmtimenni og nú.
Nægir þar að nefna Áma Reynisson, Braga Ragn-
arsson, Hjört Guðbjartsson, Ólaf Ottósson, Pálma
Gíslason og Sigurð Geirdal, að öðrum ólöstuðum.
Að kvöldvöku lokinni var dansað til kl. 1, að und-
anskyldu því, að í ,,pásu“ fluttu þeir Árni & Co.
„poppmessuna,“ sem gleymzt hafði á kvöldvök-
unni. Ekki skal ég segja, hvort beðið var eftir því
að klerkur færi heim.
Síðan var gengið til sængur í leikfimisalnum, og
var þar margt skrafað fram eftir nóttu.
Laust fyrir kl. 11,00 hófst svo keppni í knatt-
spyrnu, sem lyktaði 4:1 fyrir heimamenn. Þetta
eina mark okkar kom þannig, að boltanum var
stillt sérstaklega upp fyrir okkur rétt fyrir fram-
an markið, svo þar var varla hjá því komizt að
skora. Gestrisni Bifrastarmanna verður lengi í
minnum höfð. Að loknum hádegisverði var keppt
í skák og skildum við þar jafnir með 5 vinninga
gegn 5. Einnig var keppt í langstökki og þrístökki
án a'.rennu innanhúss. I langstökki sigraði NSS
með 20:17 stigum, en Bifrastarmenn sigruðu NSS
í þrístökki með sama stigafjölda.
Um kl. hálf sex var siðan haldið heim á leið.
Var að venju mikið fjör og mikið sungið á leiðinni
í bæinn. Þegar í bæinn kom, fóru nokkrir beina
leið í Laugardalshöllina til að sjá FH — Gumm-
ersbech. Lauk þar velheppnaðri ferð, nema hvað
nckkrir þátttakendur sáust síðla nætur koma út
úr einu af glaumhúsum borgarinnar.