Morgunblaðið - 04.01.2012, Qupperneq 8

8 FRÉTTIRInnlent
MORGUNBLAÐIÐ MIÐVIKUDAGUR 4. JANÚAR 2012
Leiðtogar ríkja Evrópusam-bandsins munu hittast í lok
mánaðarins og þess vegna ætla
kanslari Þýskalands og forseti
Frakklands að hittast í næstu viku
til að undirbúa
hvað skuli
ákveða á leið-
togafundinum
svokallaða.
  
Þetta er alltvenju sam-
kvæmt og þykir eðlilegur hluti af
lýðræðishefð ESB. Og hér á landi
telja áhugamenn um völd smáríkja
innan ESB þetta til marks um aukin
völd smáríkja innan ESB.
  
Meðal þess sem Merkel og Sar-kozy munu þurfa að takast á
við í næstu viku er yfirlýsing grísku
ríkisstjórnarinnar þess efnis að fái
Grikkland ekki himinhátt neyðar-
lán yfirgefi landið evrusvæðið.
  
Og eins og Frankfurter Allge-meine fjallaði um og sagt var
frá á þessum stað þýðir brotthvarf
Grikklands að fleiri ríki þurfi að
fylgja með. Í því sambandi voru
Ítalía og Portúgal sérstaklega tekin
sem dæmi.
  
Ekkert er hægt að fullyrða umfall evrunnar og ekki ástæða
til að vonast eftir því. Vera má að
Merkel og Sarkozy meti hana svo
mikilvæga að þau ákveði að ekkert
verði til sparað að halda evrusvæð-
inu óbreyttu.
  
Á hinn bóginn þarf ævintýralegthugmyndaflug til að halda því
fram að grundvöllur evrunnar hafi
aldrei verið sterkari.
  
Enda halda því engir fram aðriren þeir sem telja að ríkis-
stjórnin íslenska sé sífellt að styrkj-
ast.
Angela Merkel og
Nicolas Sarkozy
Grikkland ef til vill
á leið úr evrunni
STAKSTEINAR
Veður víða um heim 3.1., kl. 18.00
Reykjavík -6 heiðskírt
Bolungarvík -1 snjóél
Akureyri -2 skýjað
Kirkjubæjarkl. -4 heiðskírt
Vestmannaeyjar -2 heiðskírt
Nuuk -13 léttskýjað
Þórshöfn 1 heiðskírt
Ósló 2 slydda
Kaupmannahöfn 5 skúrir
Stokkhólmur 2 heiðskírt
Helsinki 2 léttskýjað
Lúxemborg 7 skýjað
Brussel 11 skúrir
Dublin 6 skúrir
Glasgow 3 skýjað
London 8 skúrir
París 12 skúrir
Amsterdam 7 skúrir
Hamborg 7 skúrir
Berlín 7 skýjað
Vín 8 skýjað
Moskva -2 snjókoma
Algarve 16 heiðskírt
Madríd 11 heiðskírt
Barcelona 13 léttskýjað
Mallorca 15 léttskýjað
Róm 12 skýjað
Aþena 8 heiðskírt
Winnipeg -7 léttskýjað
Montreal -15 skýjað
New York -3 léttskýjað
Chicago -8 léttskýjað
Orlando 6 heiðskírt
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
VEÐUR KL. 12 Í DAG
4. janúar Sólarupprás Sólsetur
REYKJAVÍK 11:17 15:49
ÍSAFJÖRÐUR 11:57 15:18
SIGLUFJÖRÐUR 11:42 14:59
DJÚPIVOGUR 10:54 15:11
Jón Pétur Jónsson
Sigrún Rósa Björnsdóttir
Ingveldur Geirsdóttir
Betur fór en á horfðist þegar sex
manns lentu í snjóflóði í Fossdal á
Barðaströnd síðdegis á mánudag-
inn. Sexmenningarnir, fimm karlar
og ein kona, fóru að gá að kindum
sem voru í sjálfheldu í klettum en
lentu í snjóflóðinu þegar þau voru á
heimleið.
Talið er að snjóflóðið hafi verið 50
til 100 metra breitt. Þau lentu öll í
flóðinu og runnu á að giska 30-40
metra en stöðvuðust öll á yfirborð-
inu. „En það þurfti að draga upp
stelpuna sem var með okkur. Axl-
irnar á henni og höfuðið stóðu upp
úr en hún gat samt ekki hreyft sig.
Það þurfti bara að toga í hana og þá
var hún laus,“ sagði Jónas Þrast-
arson, einn þeirra sem lentu í flóð-
inu, í samtali við Mbl.is í gær.
Fór nokkra kollhnísa
Barði Sveinsson, bóndi á Innri-
Múla á Barðaströnd, var einn þeirra
sem lentu í snjóflóðinu. Spurður út í
hvað olli því að flóðið féll telur hann
að það hafi verið hella ofan á göml-
um snjó sem fór af stað. Stór fleki
hafi einfaldlega sunkað niður og
menn hafi ekkert getað gert.
„Ég ætlaði að reyna að hlaupa inn
með hlíðinni. Ég hélt að þetta væri
bara bútur fyrir ofan okkur. En
þetta er bara augnablik, þá er mað-
ur kominn á kaf og veltist með því,“
segir Barði sem segist hafa farið
nokkra kollhnísa með flóðinu.
„Þetta gerðist svo fljótt. Maður var
alveg á fullu á hlaupum. Svo bara
tekur þetta mann. Ég hef aldrei lent
í svona. Maður getur ekki hugsað
eða neitt. Spáir ekkert í neitt á með-
an maður er í flóðinu. Ég man að
maður var að veltast í þessu,“ segir
Barði.
Það að enginn hafi slasast bendir
til þess að ekkert grjót hafi verið
þar sem flóðið féll og endaði að sögn
Barða. „Ef það hefði verið meiri
snjór þarna og komist niður að
þessum hjalla hefði það haldið
áfram niður og fram af brún. Niður
í hlíð,“ segir Barði. Flóðið hafi hins
vegar stöðvast rétt fyrir ofan
brúnina. Hefði flóðið verið kröft-
ugra hefði ekki þurft að spyrja að
leikslokum.
Voru ljónheppin
Jónas sagði þau ljónheppin að
þetta endaði svo vel enda hefði get-
að farið miklu verr. „Flóðið rann
ekki langt en þar sem það var dýpst
var það örugglega metri til einn og
hálfur á dýpt og það hefði því hæg-
lega einhver getað grafist þar und-
ir.“
Hópurinn sem lenti í snjóflóðinu
er allur í björgunarsveit og þrjú eru
meðlimir í Björgunarhundasveit Ís-
lands og sérhæfa hundana sína í leit
í snjóflóði. „Það að lenda í snjóflóði
og komast óskaddaður úr því er
mjög dýrmæt reynsla fyrir okkur.
Við erum búin að sitja ótal fyr-
irlestra um snjóflóð og heyra frá-
sagnir annarra en að lenda sjálfur í
því er allt öðruvísi, þótt ég mæli
auðvitað alls ekki með því fyrir
neinn að lenda í snjóflóði upp á
reynsluna,“ sagði Jónas.
Tveir smalahundar voru með í för
en þeir voru komnir það langt á
undan að þeir sluppu við snjóflóðið.
Fleiri þarf til að sækja ærnar
Kindurnar sem hópurinn fór til
að ná í létu ekki ná sér og allt lítur
út fyrir að það þurfi að fara aðra
ferð til að reyna að fanga þær heim
í hús. „Við vorum búin að fara niður
á Fuglbergið, þar sem þær [kind-
urnar] eru, að reyna ná þeim. En
þær eru svo styggar. Það er autt
hjá þeim og þær komast svo vítt
um,“ segir Barði. Ljóst sé að það
þurfi fleiri til að sækja ærnar. „Við
reynum að fara einhvern tímann í
aðra ferð. Maður fer að skjóta þetta
niður ef tíðin fer ekki að skána. Þær
hafa ekki endalausa beit,“ segir
Barði og bætir við að enn sem kom-
ið sé líði kindunum ágætlega.
Í klettum Hópurinn á leið í Fossdal síðdegis á mánudaginn í leit að fé.
Ljósmynd/Jónas Þrastarson
Snjóflóð Hópurinn eftir að hann lenti í snjóflóðinu með flóðið í bakgrunni.
„Svo bara tekur þetta mann“
 Sex manns lentu í snjóflóði í Fossdal á Barðaströnd  Runnu um 30 til 40
metra með flóðinu og stöðvuðust öll á yfirborðinu  Hefði getað farið miklu verr