Morgunblaðið - 26.01.2012, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 26. JANÚAR 2012
Egill Ólafsson
egol@mbl.is
Þó að stjórn Eignasafns Seðlabanka
Íslands ehf. hafi ákveðið að fella nið-
ur kröfur á stofnfjárhafa í Sparisjóði
Svarfdæla ætla a.m.k. 19 stofnfjár-
hafar að halda áfram málarekstri
vegna stofnfjáraukningar sem þeir
tóku þátt í. Þessir einstaklingar
greiddu stofnféð á sínum tíma eða
greiddu upp lán sem þeir tóku.
Saga Fjárfestingarbanki veitti í
árslok 2007 rúmlega 100 stofnfjár-
eigendum lán í tengslum við stofn-
fjáraukningu í Sparisjóði Svarfdæla.
Þau voru síðar seld yfir í systurfélag
bankans, Hildu hf. sem Eignasafn
Seðlabankans yfirtók í fyrra.
112 stofnfjáreigendur höfðuðu
dómsmál á hendur Hildu þar sem
gerðar eru þær kröfur að lánin verði
dæmd ólögmæt með vísan til niður-
stöðu Hæstaréttar í svokölluðum
Byr-málum og þess fordæmis sem
niðurfelling Landsbankans á stofn-
fjáreigendalánum hjá Sparisjóði
Keflavíkur skapaði.
Þrátt fyrir ákvörðun stjórnar
Eignasafns Seðlabankans um að
fella niður kröfur standa eftir 19 mál.
Þar er um að ræða stofnfjárhafa sem
annað hvort greiddu stofnfjáraukn-
inguna á sínum tíma án lántöku eða
greiddu lánin upp.
Jóhann Ólafsson, formaður Félags
stofnfjáreigenda í Sparisjóði Svarf-
dæla, segir að það sé ósanngjarnt að
þessir menn sitji uppi með tjónið á
meðan lánin séu felld niður. Hann
segir að þessir stofnfjárhafar muni
halda áfram með sín mál. Málin
verða þingfest í byrjun febrúar.
Stofnfjárhafafundur Sparisjóðs
Svarfdæla samþykkti í fyrrakvöld að
rekstur Sparisjóðs Svarfdæla yrði
seldur Landsbankanum.
Samkvæmt tilboðinu yfirtekur
Landsbankinn skuldbindingar
vegna innlána og víkjandi lána, sem
samtals nema um 3.200 milljónum
króna og greiðir að auki 165 millj-
ónir. Jóhann segir að miðað við þá
stöðu sem upp var komin hafi þetta
verið besta niðurstaðan. Hins vegar
séu fyrrverandi stofnfjárhafar ekki
sáttir við rekstur sjóðsins síðustu ár.
Nítján enn í málarekstri
 Mál stofnfjárhafa í Sparisjóði Svarfdæla sem tóku lán fyrir
stofnfé felld niður en óljóst með aðra  Greiddu fyrir stofnféð
FRÉTTASKÝRING
Egill Ólafsson
egol@mbl.is
Verðmæti innfluttra kjötvara var tvö-
falt meira á síðasta ári en árið á und-
an. Innflutningurinn dróst saman eft-
ir hrun en hefur aukist mikið síðan og
raunar aldrei verið meiri. Margt
bendir til að innflutningurinn eigi enn
eftir að aukast, en á næstu dögum
verður lagt fram frumvarp á Alþingi
sem felur í sér að lagðir verða á
magntollar á innfluttar búvörur í stað
verðtolla sem komu til sögunnar þeg-
ar Jón Bjarnason, fyrrverandi sjávar-
útvegs- og landbúnaðarráðherra,
varð ráðherra.
Miklar takmarkanir eru á innflutn-
ingi á búvörum, bæði vegna tolla sem
lagðir eru á og vegna heilbrigðis-
reglna. Ísland er aðili að GATT og
hefur skuldbundið sig til að heimila
innflutning á tilteknu magni af land-
búnaðarvörum á lágmarkstollum.
Þar að auki hefur Ísland gert tvíhliða
samning við Evrópusambandið um að
flytja tollfrjálst inn landbúnaðarvör-
ur gegn því að við getum flutt út toll-
frjálst landbúnaðarvörur til sam-
bandsins.
Sjávarútvegs- og landbúnaðar-
ráðuneytið hefur viðhaft þá reglu
undanfarin ár að auglýsa tollkvóta
vegna innflutnings á búvörum á
haustin. Síðan senda innflytjendur
inn tilboð og á grundvelli þeirra er
tollkvótum úthlutað til þeirra sem
hæst bjóða. Í lok desember var til-
kynnt hverjir hefðu fengið úthlutað
vegna ESB-samningsins. Niðurstaða
tilboðanna er að innflytjendur eru til-
búnir að greiða liðlega 200 milljónir
til að fá að flytja inn samkvæmt
samningnum.
Athygli vekur að Mjólkursamsalan
fékk um 40% af ostakvótanum.
Mjólkursamsalan hefur yfirleitt skil-
að inn tilboðum, en hefur stundum
ekkert fengið úthlutað. MS ætlar að
flytja inn osta í ár.
Á árum áður voru dæmi um að inn-
flytjendur fengju úthlutaða tollkvóta
sem þeir nýttu svo aldrei. Ásakanir
komu þá fram um að keppinautar hér
á landi væru að reyna að hindra inn-
flutning með því að sækja um toll-
kvóta sem þeir ætluðu sér aldrei að
nýta. Reglunum var hins vegar breytt
fyrir nokkrum árum og nú verða inn-
flytjendur að leggja fram banka-
tryggingu og greiða innan sjö daga
fyrir tollkvótana.
Aðferð Jóns við
innflutning breytt
Eftir að Ísland skuldbatt sig í
gegnum GATT-samninga til að heim-
ila innflutning á landbúnaðarvörum á
lágmarkstollum var þessi innflutn-
ingur heimilaður á grundvelli svokall-
aðra magntolla. Heimild var þó einnig
fyrir hendi að leggja á svokallaða
verðtolla. Eftir að Jón Bjarnason
varð ráðherra breytti hann reglugerð
og ákvað að innflutningurinn færi
fram með verðtollum. Það þýddi að sá
tollur sem greiða þurfti af vörum sem
fluttar voru inn á þessum grundvelli
var hærri en vara sem var flutt inn
samkvæmt almennum tollareglum.
Innflutningnum var því sjálfhætt,
enda var ekkert flutt inn á grundvelli
lágmarkstolla meðan Jón var ráð-
herra. Á hinn bóginn var hægt að
flytja inn samkvæmt samningi við
ESB eða greiða tolla af vörunum.
Umboðsmaður Alþingis komist aft-
ur á móti að þeirri niðurstöðu í fyrra
að ráðherrann hefði ekki farið að lög-
um þegar hann ákvað að leggja á
verðtoll. Nú hefur verið unnið frum-
varp í sjávarútvegs- og landbúnaðar-
ráðuneytinu sem kveður á um að
framvegis verði lagður á magntollur
við innflutning á búvörum á lág-
markstollum samkvæmt GATT-
samningi. Frumvarpið verður lagt
fram á þingi á næstu dögum. Þetta
mun væntanlega gera innflutning á
landbúnaðarvörum á þessum grund-
velli mögulegan á ný.
Innflutningurinn
nam 1.152 milljónum
Innflutningurinn á kjötvörum frá
janúar til nóvember á síðasta ári nam
1.152 milljónum, en var 612 milljónir
árið 2010. Útflutningur á kjötvörum
nam hins vegar 3.342 milljónum á
fyrstu ellefu mánuðum síðasta árs,
aðallega lambakjöt.
Það sem aðallega er flutt inn er
nautakjöt, svínakjöt og kjúklingar, en
auk þess er flutt inn talsvert af villi-
bráð og ýmsum unnum kjötvörum.
Stóraukinn innflutningur
 Innflutningur á kjötvörum til landsins var tvöfalt meiri í fyrra en árið 2010
 Von á frumvarpi sem gerir ráð fyrir magntollum á búvörur í stað verðtolla
Morgunblaðið/G.Rúnar
Matvörur Innflutningur á ostum og unnum mjólkurvörum hefur aukist hér á landi á milli ára, en þó minna en á kjötvörum.
Morgunblaðið/Skapti Hallgrímsson
Kjöt Innflutningur á kjötvörum frá janúar til nóvember á liðnu ári nam
1.152 milljónum króna, en var 612 milljónir árið áður.
Innflutningur á
kjötvörum
(í milljónum króna)
1.200
1.000
800
600
400
200
0
20
05
20
06
20
07
20
08
20
09
20
10
20
11
*
*Janúar til nóvember Heimild: Hagstofan
21
5,
8
47
7,
3 58
7,7
96
4,
9
61
1,
8
61
1,
7
1.
15
2
Oddný Sturlu-
dóttir, formaður
skóla- og frí-
stundaráðs, verð-
ur ekki viðstödd
opinn fund sem
hópur foreldra í
Hamrahverfi hef-
ur boðað til í
kvöld þar sem
ræða á flutning
unglingastigs Hamraskóla í Folda-
skóla í haust. Fundurinn hefst
klukkan 19:30 í Hamraskóla.
„Ef henni finnst þetta málefni
ekki þess virði að mæta, þá er það
hennar mál. Mér finnst ótrúlegt ef
þeir borgarfulltrúar sem standa fyr-
ir þessu máli ætla ekki að mæta,“
segir Árni Guðmundsson, einn tals-
manna hópsins sem stendur fyrir
fundinum.
Bauð fund á skrifstofu sinni
Það var hinn 7. janúar sem hóp-
urinn bauð Oddnýju og fleiri fulltrú-
um borgarinnar til fundar til að fá
skýrari svör um sameininguna,
hvað hún þýðir fyrir framtíð skól-
ans. Hinn 12. janúar svaraði Oddný
boðinu en sagðist ekki telja þörf á
öðrum opnum fundi um sameining-
armálin. Þess í stað bauð hún Árna
auk tveggja annarra talsmanna
hópsins að koma til fundar við sig á
skrifstofu sinni til að ræða málin.
„Við þrjú erum bara lítið brot af
þessum hópi sem spratt upp eftir
fund með stýrihópi sameining-
armálanna í Foldaskóla í desember.
Það er náttúrlega ekki boðlegt að
tugir foreldra sem voru á þeim
fundi fari að troða sér inn á hennar
skrifstofu. Það er mun eðlilegra að
við boðum hana á fund sem og við
höfum gert með þessum árangri,“
segir Árni.
Því ítrekaði hópurinn fundarboðið
til Oddnýjar og svaraði hún tölvu-
pósti hópsins á þriðjudag. Þar sagði
hún fundartímann ekki henta en
verið væri að skoða fundartíma í
næstu viku. kjartan@mbl.is
Fundurinn
fer fram án
Oddnýjar
 Sagði fundartím-
ann ekki henta
Árni Guðmundsson
Ósátt Hópur foreldra nemenda í
Hamraskóla boðar til fundarins.
Reynir Aðalsteinsson,
tamningameistari og
einn af virtustu reið-
mönnum og reiðkenn-
urum landsins, lést af
völdum krabbameins í
gær, 67 ára að aldri.
Reynir fæddist í
Reykjavík 16. nóv-
ember 1944. Hann nam
búfræði við Bændaskól-
ann á Hvanneyri, auk
þess sem hann lærði
tamningar. Reynir
starfaði síðar sem yfir-
reiðkennari við Land-
búnaðarháskóla Íslands
á Hvanneyri.
Reynir var frumkvöðull í því að
innleiða nútímareiðmennsku á Ís-
landi. Hann var líklega fyrstur
manna til gera tamn-
ingar og þjálfun hrossa
að lifibrauði sínu og
fjölskyldunnar allt árið.
Reynir var mikill
keppnismaður og lagði
lengi stund á keppni á
hrossum. Hann var
margfaldur Íslands-
meistari í hestaíþrótt-
um. Reynir tók einnig
margsinnis þátt í Evr-
ópu- og heimsmeistara-
mótum og vann þar
marga eftirminnilega
titla. Hann var enn-
fremur virtur tamn-
ingameistari og heiðursfélagi í Félagi
tamningamanna.
Reynir lætur eftir sig eiginkonu,
Jónínu Hlíðar, og sex uppkomin börn.
Andlát
Reynir Aðalsteinsson