Morgunblaðið - 04.01.2012, Side 30

Læra að skilja
hundinn betur
B
esti vinurinn á líka sinn
skóla, en námið í hunda-
skólanum er reyndar
ekki síður hugsað fyrir
eigandann en hundinn.
Freyja Kristinsdóttir stofnaði fyr-
ir tveimur árum hundaskólann
Míó minn, en skólinn er nefndur
eftir smáhundi hennar, sem svo
aftur fékk nafnið frá barnabókinni
vinsælu.
Það var einmitt Míó að þakka að
Freyja fékk fyrst áhuga á hunda-
þjálfun. „Ég var í dýralæknanámi
í Danmörku og eignaðist þá Míó,
minn fyrsta hund. Hann átti mjög
bágt, var ofboðslega stressaður
greyið og með ýmis hegðunar-
vandamál sem fylgdu því að hafa
skipt um heimili nokkrum sinnum.
Það var þá sem ég hóf að lesa mér
mikið til um hundaþjálfun; nokkuð
sem ekki er mikið fjallað um í
dýralæknanáminu,“ segir Freyja.
„Þar komst ég m.a. á sporið með
að nota jákvæða styrkingu til að
leiðrétta hegðunina hjá Míó. Já-
kvæðnin virkaði best á hann, enda
svo óörugg lítil sál að hann gat
farið alveg í kerfi ef hann var
skammaður.“
Að náminu loknu, eftir viðdvöl á
Íslandi, hélt Freyja til starfa í
Bretlandi. Meðfram störfum sem
smádýralæknir bætti hún við sig
formlegri hundaþjálfunarmenntun
hjá Gwen Bailey, sem þykir með
helstu sérfræðingum á sviðinu.
Hundaskóli Freyju og Míós varð
svo til árið 2010.
Tvöföldun á áratug
Freyja segir mikla eftirspurn
eftir hundaþjálfun og skýrist hún
meðal annars af þeirri sprengingu
sem orðið hefur í hundahaldi í
Reykjavík og nágrenni. Á um ára-
tug hefur fjöldi heimilishunda í
höfuðborginni meira en tvöfaldast
og um leið eru æ fleiri meðvitaðir
um mikilvægi þess að bæði þekkja
hegðun hundsins og huga vel að
þjálfun hans. Freyja segir enda að
það að fara með hundinn í hunda-
skóla sé gott bæði fyrir hund, eig-
anda og samfélagið allt. „Fyrir
marga eigendur getur hunda-
námskeið opnað augun fyrir lát-
bragði hundsins og gert eigand-
anum kleift að skilja þennan
heimilismeðlim betur. Mér þykir
sjálfri mjög gaman að sjá þá
breytingu sem verður oft á eig-
endunum milli kennslustunda, og
hvað þeim þykir það merkileg
uppgötvun að skilja alls kyns
skilaboð í fasi og látbragði hunds-
ins sem áður fóru alveg framhjá
þeim.“
Auk þess að kenna rétta um-
gengni, grunnatriði í góðri hunda-
hegðun og -þjálfun, fer Freyja
m.a. yfir lög og reglur um hunda-
hald. Freyja segir samvist hunds
og manns verða betri ef allir til-
einka sér tillitssemi og virða regl-
ur, en eins verði hundahaldið
þægilegra og skemmtilegra ef eig-
andinn kann að hafa stjórn á
hundinum hvort sem er heima í
stofu eða á gönguferð um bæj-
arfélagið. „Námskeiðin eru líka
góð fyrir hundana, ekki síst vegna
þess að þar venjast þeir því að
umgangast aðra hunda. Ekki er
mikið um staði á höfuð-
borgarsvæðinu þar sem hundar fá
tækifæri til að umgangast hver
annan og hvað þá leika sér lausir,
og ýmis vandamál sem geta hlotist
af því ef hundar eru ekki vandir á
að umgangast aðra hunda.“
Loks segir Freyja að hundaskól-
inn geti orðið til þess að fyrir-
byggja mistök í uppeldi hundsins,
en rangt uppeldi getur magnað
upp hegðunar- og skapgerð-
arvandamál og í verstu tilvikum
orðið til þess að aflífa þarf hund-
inn ef af honum þykir stafa hætta.
„Töluvert hefur borið á fréttum
undanfarið af hundum sem bitið
hafa frá sér. Þó ekki sé hægt að
fullyrða um öll tilvikin má telja
sennilegt að oft sé um að ræða
skilningsbrest á milli manns og
hunds, og jafnvel að eigandinn
hefur ekki þekkt streitu- og ótta-
merki sem hundurinn hefur gefið
frá sér til sýna að honum líði illa
eða telji sér ógnað. Að bíta frá sér
er eitthvað sem hundur gerir ekki
nema í algjörri neyð.“
Rétt er líka að minna á að allir
hundar eiga erindi í hundaskólann;
jafnvel líka litlu krúttin sem passa
ofan í handtösku. „Allt eru þetta
hundar, og þurfa ákveðið uppeldi
til að læra að hegða sér vel.“
ai@mbl.is
Námskeið í hundaskól-
anum gagnast bæði hund-
inum og eigandanum og
stuðlar að betra hunda-
haldi almennt.
Morgunblaðið/Árni Sæberg
Ný þekking Miklar framfarir hafa orðið í hundaþjálfun, og víðast hvar eru kenndar aðrar aðferðir í dag en fyrir nokkrum árum.
30 | MORGUNBLAÐIÐ
Ármúli 38, 108 Reykjavík
Sími: 551 6751 / 691 6980
www.pianoskolinn.is
pianoskolinn@pianoskolinn.is
pianoskoli@gmail.com
MUNIÐ FRÍSTUNDAKORTIÐ!
NÝ NÁMSKEIÐ!
NÁM Á VORÖNN!
ALLIR VELKOMNIR!
BYRJENDUR SEM OG
LENGRA KOMNIR
Norska
Framhaldsskólakennari,
sem bjó 12 ár í Noregi,
kennir byrjendum norska
bókmálið.
Sími 698 7292/5657292
Jákvæðnin best
Þeir sem sótt hafa námskeið hjá
hundaskóla fyrir mörgum árum
ættu, að sögn Freyju, að hressa
upp á þekkinguna á nýju nám-
skeiði. Miklar og örar framfarir
hafi orðið í hundaþjálfun og að-
ferðirnar nú aðrar og betri en
þær sem fólk kann að hafa lært á
námskeiðum á árum áður.
„Sumir hafa t.d. lært þjálfunar-
aðferðir sem byggjast á tölu-
verðri hörku, en nú hefur verið
sýnt fram á að slíkar aðferðir eru
óþarfi, og jákvæð styrking alla
jafna best. Ekki má samt halda
að jákvæð styrking sé það sama
og agaleysi, og rétt að hundurinn
læri að virða þau mörk sem eig-
andinn setur. Mörkin þurfa þá
líka að vera skýr og þeim vand-
lega framfylgt, því annars verður
hundurinn bara ringlaður.“
Gott að byrja
snemma
Freyja segir aldrei of seint að
fara með hund í hundaskólann,
en best þykir henni að fá hunda
strax á hvolpanámskeið við 3-5
mánaða aldur. „Það hefur ekkert
að gera með að þeir séu mót-
tækilegri fyrir þjálfun á þeim
aldri, heldur frekar að það er
góður aldur til að efla félagslega
þroskann og sá aldur sem
hundar eru hvað opnastir fyrir
að hitta aðra hunda.“
Freyja ráðleggur fólki að
panta tíma hjá hundaskóla jafn-
vel áður en hundurinn er kominn
á heimilið. „Aðsóknin er mikil og
hafa sumir brennt sig á að þykja
vera orðið tímabært að fara á
námskeið um fjögurra mánaða
aldur, en komast svo að því að
það er jafnvel þriggja mánaða
biðtími eftir næsta lausa plássi.“