Morgunblaðið - 04.01.2012, Side 32

32 | MORGUNBLAÐIÐ
A
nna býður upp á tvenns
konar námslínur, útlits-
og förðunarnám og innan-
hússtílistanám. Skóla-
blaðið fékk hana til að
segja nánar frá þessu námi.
„Stílistanámið tekur tvær annir í
grunninn. Sú fyrri gengur út á fata-
stíl, fatasamsetningu og textíl, og fer
í að greina viðfangsefnið með tilliti
til styrkleika og veikleika, og eins er
unnið út frá fjórum grunnþáttum
sem skoðaðir eru hverju sinni: fata-
skápur, persónuleiki, áhugamál og
starf. Þetta þarf allt að hafa til hlið-
sjónar þegar stílisti vinnur sitt
verk,“ segir Anna.
„Seinni önnin gengur út á litgrein-
ingu og förðun. Í litgreiningu
vinnum við út frá átján flokka kerfi,
hvorki meira né minna. Hér áður
fyrr var litgreining iðulega hugsuð
út frá fjórum flokkum, kenndum við
árstíðirnar fjórar, en fræðin eru
komin heldur lengra í dag. Nú eru
ýmis atriði tekin með í reikninginn,
eins og til dæmis hvort viðkomandi
er ungur eða gamall, er hann sport-
leg típa eða viðskiptatýpan og svo
framvegis. Það er að mörgu að huga
í þessum efnum ef vel á að vera,“ út-
skýrir Anna. Í förðunarhlutanum er
svo farið yfir förðun við öll tækifæri
og tilefni. „Þá höfum við hugfast að
best farðaða konan er jafnan sú þar
sem þú tekur eftir konunni en ekki
förðuninni,“ bætir Anna við.
Ýmsir möguleikar að námi loknu
Að sögn Önnu standa nemendum
margs konar möguleikar til boða
hvað starf varðar. „Fyrir utan hið
hefðbundna starf stílista má til
dæmis nefna að fyrirtæki ráða í
auknum mæli sérstaka ímynd-
arráðgjafa, sem stjórna stemning-
unni á vinnustað eftir tilefni, að-
stæðum og árstíðum. Viðkomandi
velur gjafir sem fyrirtækið gefur,
stýrir skreytingum og viðburðum og
fleira í þeim dúr. Einnig má nefna
starf verslunarstjóra í fatabúðum.
Fólk í því starfi þarf að kunna skil á
atriðum eins og þeirri staðreynd að
konur með perulaga eða spor-
öskjulaga vöxt eru samtals 70% af
öllum konum. Það þarf þá að stýra
innkaupum í takt við það. Grænn og
fjólublár eru litir sem seljast síður,
og það þarf þá að kaupa minna af
þeim,“ bendir Anna á. „Nær allir
stílistar hérlendis virðast helst gera
ráð fyrir því að konur séu ýmist
beinar í vesti eða með lögun stunda-
glass. Sannleikurinn er þó sá að þær
eru ekki nema 10-15% af heildinni.“
Loks bendir Anna á að hægt er að
taka framhaldsnámskeið í stílíser-
ingu hjá henni. „Það snýst um karl-
mannsímyndina, metrómanninn, al-
þjóðlega bisnesslúkkið fyrir karla
jafnt sem konur. Grunnnámið og
framhaldsnámskeiðið tekur saman
um eitt ár.“
Einnig bendir hún á að starfið sé
margþættara en margan grunar.
„Stílistar starfa alls ekki eingöngu
sem tískustílistar. Oft þarf að að-
stoða fólk sem þarf hjálp við að líta
sem best út vegna veikinda, svo sem
fólk sem er að jafna sig eftir krabba-
meinsmeðferð eða lystarstol.“
Að stílisera heimili
„Innanhússtílistar þurfa að hugsa
út frá einni grundvallarspurningu:
hvernig líður fólki í rýminu? Inn í
þær pælingar þarf að taka liti, áferð
og efni, ásamt innanstokksmunum,
gerð og fjölda, með tilliti til þeirra
sem nota rýmið. Eru húsráðendur
stórbeinótt fólk eða fíngert? Það
ræður miklu um val húsgagna og
skrautmuna,“ segir Anna.
„Oft þarf að leysa mál sem koma
upp vegna þess að ólíkt fólk býr
saman. Það þarf til dæmis ákveðna
kunnáttu til að raða saman í innbú
þar sem rauðhærð kona og ljós-
hærður maður búa saman, svo báð-
um líði sem best.“
Námstilhögun og námslok
Anna er aðalkennari í útlits- og
förðunarnáminu en innanhússtílist-
anáminu stýra þau Helga Sig-
urbjarnadóttir innanhússarkitekt og
Þorsteinn Haraldsson bygginga-
fræðingur. „Kerfið sem ég byggi á
þróaði Barbara Jacques fyrir rúm-
um 20 árum og það hefur staðist tím-
ans tönn. Ég hef kynnt mér þessi
fræði í þaula en ekki fundið neitt
betra kerfi,“ segir Anna. „Nem-
endur stunda það sem kallast dreif-
nám. Þau koma einu sinni í viku í
fjögurra klukkustunda tíma og skila
verkefni eftir hvern tíma. Þá vinna
þau verkefnið heima og skila mynd
af afrakstrinum. Að náminu loknu
útskrifast nemendur með diplómu
sem hefur verið metin til eininga í
framhaldsskólum. Mestu máli skipt-
ir þó mappan sem nemendur koma
sér upp meðan á náminu stendur.
Vinnubókin er það sem mestu skipt-
ir þegar sótt er um vinnu eða nám í
framhaldinu,“ segir Anna að lokum.
jonagnar@mbl.is
Þegar útlitið skiptir máli
Í húsnæði Tækniskólans -
skóla atvinnulífsins á
Skólavörðuholti rekur
Anna F. Gunnarsdóttir stíl-
istaskólann The Academy
of color and Style. Þar
gefst nemendum kostur á
að læra hagnýta hluti sem
snúa að sjónrænum þætti.
Morgunblaðið/Ómar
Með nemum Á fyrri önn er fjallað um fatastíl og samsetningu og grunnþætti eins og fataskáp, persónuleika, áhugamál og starf. Seinni önnin gengur út á litgreiningu og förðun.
’Unnið er út frá fjór-um grunnþáttumsem skoðaðir eru hverjusinni: fataskápur, per-sónuleiki, áhugamál og
starf, en þetta þarf allt að
hafa til hliðsjónar þegar
stílisti vinnur sitt verk.
Spegilmynd Kunnátta til að raða saman í innbú svo báðum líði sem best, segir Anna F. Gunnarsdóttir stílisti.
Morgunblaðið/Ómar