Morgunblaðið - 23.05.2012, Blaðsíða 6

Morgunblaðið/Árni Sæberg
Glöggir lesendur Morgunblaðsins hafa e.t.v. tekið eftir
því, ef þeir hafa rýnt í ljósmynd sem birtist í blaðinu í
gær af grárri Douglas DC-3 flugvél, að hún er merkt
með stöfunum DoS Air Wings. Vélin er bandarísk og
DoS er skammstöfun fyrir bandaríska utanríkisráðu-
neytið.
Í svari frá Lauru Gritz, talsmanni bandaríska sendi-
ráðsins í Reykjavík, kemur fram að vélin er að koma
frá Líbíu en þar sinnti hún flutningum fyrir sendiráð
Bandaríkjanna í Trípólí. Áður var hún í Afganistan þar
sem hún var einkum notuð til birgðaflutninga í
tengslum við baráttuna gegn fíkniefnasmygli og -rækt-
un. Ekki var þörf fyrir vélina vegna þessara verkefna
lengur og þess vegna er verið að flytja hana til Flórída í
Bandaríkjunum. Utanríkisráðuneytið er með yfir 200
flugvélar í notkun og eru þær einkum notaðar í baráttu
gegn fíkniefnum og til að flytja starfsmenn sendiráða.
Þótt þessi Þristur sem nú er á Reykjavíkurflugvelli
hafi upphaflega verið af gerðinni DC-3 er hún nú nefnd
Basler Turbo-67 eftir að hafa fengið aðra gerð hreyfla,
sömu tegund og er á Fokker-skrúfuþotunum, skrokk-
urinn hefur jafnframt verið lengdur fyrir framan
vængina og ýmsum búnaði bætt við.
Á vef Basler Turbo segir m.a. að auðvelt sé að laga
vélar sem þessar að aðstæðum, s.s. með því að setja á
þær skíði, vopn og fleiri aukahluti. runarp@mbl.is
„Þristur“ í verkefnum fyrir
Bandaríkin í Líbíu og Afganistan
6 FRÉTTIRInnlent
MORGUNBLAÐIÐ MIÐVIKUDAGUR 23. MAÍ 2012
,,Ég er að mestu hættur, en Ragnheiður dóttir
mín er tekin við þessu öllu,“ segir Karl Gunn-
laugsson, garðyrkjubóndi á Varmalæk á Flúð-
um. Hann segist vera kominn í frí enda kominn á
níræðisaldur. Karl segist sinna einstaka vor-
hreingerningum og gengur í verk ef eitthvað bil-
ar. ,,Ég er hálfgerður húsdraugur,“ segir Karl
en hann hefur búið á Flúðum síðan 1956. ,,Við
hjónin rákum búið áður, en við fluttum hingað
þegar hér voru innan við 30 íbúar. Það mætti
segja að ég væri einn af frumbyggjunum á Flúð-
um,“ segir Karl.
Karl segist þó hafa fasta atvinnu enn þann dag
í dag. ,,Ég er atvinnugolfari, við félagarnir mæt-
um alla daga út á golfvöll. Það er bara eins og að
mæta í vinnuna,“ segir Karl.
Á Varmalæk er tómataræktunin fyrir-
ferðarmest en einnig eru margar blómjurtir
ræktaðar á Varmalæk. ,,Sumarblómin eru að
fara út núna enda sumarið loksins komið,“ segir
Karl.
Sumarblómin fara loksins út í góða veðrið
Morgunblaðið/Sigurður Sigmundsson
Ragnheiður Karlsdóttir rekur nú garðyrkjubýlið á Varmalæk á Flúðum í stað föður síns
Ágúst Ingi Jónsson
aij@mbl.is
Í umsögn borgarráðs um frumvörp til laga um veiði-
gjöld og stjórnun fiskveiða er lögð áhersla á að al-
þingi hagi veiðigjöldum þannig að vel rekin fyrir-
tæki geti staðið undir þeim og jafnframt skilað
eigendum sínum ásættanlegum arði. Einnig þurfi
„að tryggja að þjóðin, eigandi fiskimiðanna, fái
ásættanlegan arð af sinni auðlind,“ segir í umsögn-
inni sem send hefur verið atvinnuveganefnd þings-
ins.
Umsögnin var samþykkt með 5 atkvæðum en
borgarráðsfulltrúar Sjálfstæðisflokks sátu hjá.
Fram kemur að borgarráð telji mikilvægt að við
rýningu Alþingis á sérstöku veiðigjaldi verði sér-
staklega skoðað hvort taka beri meira tillit til skuld-
settra sjávarútvegsfyrirtækja, en gert sé í frum-
varpinu. Þetta mætti gera með því að gefa lengri
aðlögunarfrest við innleiðingu á sérstöku veiðigjaldi.
Því er sérstaklega fagnað að settur verður á laggir
markaður, kvótaþing, sem gefi nýliðum færi á að
komast inn í greinina.
Gjörbreytir eðli viðskipta
með aflaheimildir
„Gera verður ráð fyrir því að innleiðing veiði-
gjalda muni hafa þau áhrif til lengri tíma að verð á
aflaheimildum á kvótaþingi lækki verulega, enda
mun verð aflaheimilda til framtíðar hætta að endur-
spegla óeðlilega arðskröfu þeirra kvótaeigenda sem
ekki nýta sjálfir aflaheimildir sínar. Nýliðar munu
ekki þurfa að greiða andvirði auðlindarentunnar til
þeirra sem eru að selja og þeir sem eru að selja
munu ekki geta horfið frá útgerð með andvirði auð-
lindarentunnar sem hagnað. Þetta mun gjörbreyta
eðli viðskipta með aflaheimildir,“ segir í umsögninni.
Lögð er áhersla á að fiskimiðin eru sameign
þjóðarinnar og mikilvægt að tryggja sjálfbæra nýt-
ingu þeirra. Hafa beri í huga að árangursrík fisk-
veiðistjórnun byggist á því að útgerðin sé tilbúin að
taka á sig aflamarksskerðingar þegar gengið er of
nærri stofninum og njóti þess á móti þegar stofn-
stærðin leyfir slíkt.
Aðeins um þúsund manns
Um atvinnugreinina segir í umsögninni: „Um
4.600 störfuðu á landinu öllu við fiskveiðar árið 2011
eða um 2,7% vinnuaflsins en á höfuðborgarsvæðinu
aðeins um 1.000 manns eða 0,5% af vinnuaflinu. Í
fiskiðnaði störfuðu á sama tíma um 4.300 manns, þar
af um 800 manns á höfuðborgarsvæðinu. Þetta sýnir
að helsti tekjustofn borgarinnar, útsvarstekjur,
byggist í takmörkuðum mæli á atvinnutekjum
starfsfólks í sjávarútvegi.“
Tæplega 15% allra aflaheimilda eru skráð í
Reykjavík.
Lengja mætti aðlögunarfrest
 Borgarráð hefur skilað umsögn um fiskveiðifrumvörp ríkisstjórnarinnar
 Skoða hvort taka beri meira tillit til skuldsettra sjávarútvegsfyrirtækja
Í bókun fulltrúa Sjálfstæðis-
flokksins er varað alvarlega við
að sett verði lög sem íþyngja
svo undirstöðuatvinnugrein
þjóðarinnar að rekstrar-
forsendur fjölmargra fyrirtækja
geti verið brostnar með ófyrir-
séðum afleiðingum fyrir þjóðfé-
lagið í heild. Bent er á að
Reykjavík sé einn helsti út-
gerðarstaður landsins og meðal
útgerðarfyrirtækja þar sé
stærsta útgerðarfyrirtæki
landsins. Frumvörpin muni ekki
aðeins hafa áhrif á minni og
meðalstór fyrirtæki heldur
einnig hafa harkaleg áhrif á
stærri útgerðarfyrirtæki, sem
m.a. eru staðsett í borginni.
Harkaleg áhrif
á útgerðina
VARAÐ ALVARLEGA VIÐ
–– Meira fyrir lesendur
Katrín Theódórsdóttir
Sími:569 1105
kata@mbl.is
Morgunblaðið
gefur út glæsilegt
sérblað um
Tísku og förðun
föstudaginn
1. júní
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, föstudginn 25. maí.
í blaðinu verður fjallað um
tískuna sumarið 2012 í förðun,
snyrtingu, sólarkremum og
fatnaði auk umhirðu
húðarinnar, dekur og fleira.
SÉRBLAÐ
Tíska & förðun
Gunnar I. Birgis-
son og Sigrún
Ágústa Braga-
dóttir voru dæmd
í Héraðsdómi
Reykjaness í gær
til þess að greiða
150 þúsund krón-
ur í sekt hvort um
sig fyrir að hafa
gefið Fjármála-
eftirlitinu rangar
upplýsingar sem stjórnarformaður
og framkvæmdastjóri Lífeyrissjóðs
Kópavogs.
Stjórn lífeyrissjóðsins var ákærð
fyrir að ávaxta fé hans með pen-
ingamarkaðslánum og að blekkja
FME með bréfi þar sem því var lýst
yfir að fjárfestingar sjóðsins væru í
samræmi við lög. Voru þau Gunnar
og Sigrún Ágústa sýknuð af fyrri
ákæruliðnum en sakfelld fyrir þann
seinni. Stjórnarmennirnir Ómar
Stefánsson, Flosi Eiríksson, Jón Júl-
íusson og Sigrún Guðmundsdóttir
sem einnig voru ákærð voru sýknuð
af öllum sakargiftum.
Töluverður málskostnaður hlaust
af málinu og var Gunnari og Sigrúnu
Ágústu gert að greiða fimmtung af
þóknun verjenda sinna.
andri@mbl.is
Dæmd til
greiðslu
sektar
 Sýknuð af fyrri
ákæruliðnum
Gunnar I.
Birgisson