Morgunblaðið - 23.05.2012, Blaðsíða 30

30 MENNING
MORGUNBLAÐIÐ MIÐVIKUDAGUR 23. MAÍ 2012
Helgi Snær Sigurðsson
helgisnaer@mbl.is
„Glymskrattinn leggur sig í líma við að
bregða nýju ljósi á sviðsframkomu og
þekkt dansspor í poppkúltúr samtím-
ans í kraftmikilli og nýstárlegri leik-
húsupplifun sem vindur fram á jafn-
vægisslá tónleika og dans.“ Þannig er
sviðsverkinu Glymskrattanum lýst á
vef Listahátíðar í Reykjavík, sem það
heyrir undir, en verkið verður frum-
sýnt í kvöld í Þjóðleikhúskjallaranum
kl. 20. Í verkinu blandast saman tón-
leikar og dansverk en listamennirnir
sem sömdu það eru tónlistarmaðurinn
Valdimar Jóhannsson og dansararnir
og danshöfundarnir Melkorka Sigríður
Magnúsdóttir og Sigríður Soffía Níels-
dóttir. Blaðamaður ræddi í byrjun viku
við Sigríði um þetta forvitnilega verk.
-Hvernig hófst vinnan að þessu verki
og hver var grunnhugmyndin?
„Við byrjuðum ferlið í listamanna-
vinnustofu sem er gamalt klaustur í
Frakklandi. Við höfum verið að vinna í
Þjóðleikhúskjallaranum síðustu sex
vikurnar. Hugmynd okkar var að vinna
með dans og söng. Þar sem við höfum
báðar verið að vinna með rödd í síðustu
verkum vorum við spenntar fyrir því
að taka það lengra og semja tónlist þar
sem hreyfing gæti einnig verið í for-
grunni,“ svarar Sigríður. „Við fengum
tónlistarmanninn Valdimar Jóhanns-
son til liðs við okkur og saman höfum
við unnið að Glymskrattanum, dans-
tónleikasýningu með 10 frumsömdum,
íslenskum lögum í mismunandi stílum.
Þetta er virkilega kraftmikil sýning,“
segir Sigríður.
Umhverfið hefur áhrif
á útkomuna
-Þið hófuð að semja verkið í klaustri,
heldurðu að það umhverfi hafi haft
áhrif á útkomuna?
„Já, ég held að umhverfið sem
maður skapar í hafi alltaf áhrif á út-
komuna. Í okkar tilfelli var það meira
fólkið í klaustrinu heldur en bygg-
ingin sjálf. Það voru nokkrir eft-
irminnilegir karakterar í klaustrinu
sem voru innblástur, bæði fyrir texta
og hreyfingar. Annars held ég að
Þjóðleikhúskjallarinn hafi haft meiri
áhrif. Við sömdum heilt lag sem var
innblásið af kjallaranum, um stelpu
og hund í neðanjarðarbyrgi,“ segir
Sigríður kímin.
-Glymskrattinn, hvaðan kom sá tit-
ill?
„Nafnið er tilkomið af því að við
vinnum með marga tónlistarstíla.
Þegar þú setur pening í Glymskratt-
ann veistu ekkert hvað þú færð sem
getur verið spennandi. Við reynum að
taka mismunandi stereótýpur af tón-
listarstílum, s.s. popp, diskó, rapp og
ballöður en setja nýtt „twist“ á lögin.
Við bætum við kóreógrafíu, ýkjum
eða minnkum klisjur svo úr verður
ákveðinn gleðikabarett fullur af húm-
or, söng og dansi.“
Sigríður segir ákveðnar hreyfingar
og dans beintengt við hvern tónlist-
arstíl. „Í Glymskrattanum prófum við
að fara bæði með og á móti reglunum,
hvort hægt sé að syngja dansvænt
rapplag án þess að hreyfa sig í takt
við tónlistina og hvort þú getir jafnvel
dansað við þögnina,“ segir hún. Í
verkinu sé reynt að sameina mismun-
andi þætti sviðslista, dans og tónlist
en ljós og hljóð leiki einnig stórt hlut-
verk. „Við vildum að áhorfendur
gætu komið á tónleika, hlustað á mis-
munandi lög en séð danssýningu í
leiðinni. Kveikjan að þessari hug-
mynd um danstónleika var einnig sú
staðreynd að dans er oftast sýndur í
mjög formlegu samhengi, okkur
langaði að fólk gæti upplifað dans á
afslappaðri nótum.“
Litrík og skemmtileg sýning
-Á vef Listahátíðar segir að Þjóð-
leikhúskjallaranum verði breytt í raf-
magnaðan danstónleikastað, hverju
eiga gestir von á?
„Allt í allt stefnir þetta í mjög lit-
ríka og skemmtilega sýningu, tíu
frumsamin lög, átta búningaskipti,
þrjú svið, sex diskókúlur og eina upp-
stoppaða rjúpu. Við vinnum með frá-
bærum tæknimönnum sem láta
hvorki tíma né rými stoppa sig, það
er m.a. búið að tvöfalda allan tækni-
búnað í Þjóðleikhúskjallaranum. Ell-
en Loftsdóttir gerir ótrúlega búninga
og Brynja Björnsdóttir leikmynda-
hönnuður er búin að útbúa þrískipta
leikmynd svo það má segja að allt sé í
botni í þessari sýningu. Það sem er
einnig óvenjulegt við sýninguna er að
hún byrjar kl. 22:30 en hugmyndin er
að fólk geti farið út að borða og komið
svo í kjallarann í gleðisprengju,“ seg-
ir Sigríður að lokum.
Glymskrattinn er styrktur af
EUF, Listahátíð í Reykjavík, Þjóð-
leikhúsinu og KKnord.
Sex diskókúlur og uppstoppuð rjúpa
 Sviðsverkið Glymskrattinn verður frumsýnt í kvöld  Dansað á mörkum tónleika og danssýningar
Morgunblaðið/Styrmir Kári
Jafnvægisslá Tíu frumsamin lög, átta búningaskipti, þrjú svið, sex diskókúlur og ein uppstoppuð rjúpa.
Árni Matthíasson
arnim@mbl.is
Gítarleikarinn Andrés Þór Gunn-
laugsson sendi á dögunum frá sér
geisladiskinn Mónókróm, sem hefur
að geyma lög Andrésar Þórs í
flutningi hans og Agnars Más
Magnússonar píanóleikara, Þor-
gríms Jónssonar kontrabassaleik-
ara og Scotts McLemores trommu-
leikara. Þeir félagar koma saman í
Þjóðmenningarhúsinu við Hverf-
isgötu á föstudagskvöld og leika
verk af plötunni í bland við aðra
ópusa, en Andrés Þór hefur áður
gefið út plöturnar Blik og Nýjan
dag.
Tónlistin á Mónókróm er óneit-
anlega mjög djassskotin, en líka
skreytt poppi, blágresi og þjóðlaga-
tónlist. Þar ræður miklu að Andrés
Þór leggur á stundum frá sér raf-
gítarinn og tekur sér í hönd dóbró
og lap steel gítar. Óneitanlega
bregður manni í brún að heyra
dóbró í djasslagi, en kemst svo að
því að það svínivirkar, eins og ég
nefni við Andrés Þór, sem svarar
því til að útgangspunkturinn með
hjóðfæraskipan á plötunni hafi ver-
ið að fara nýjar leiðir, „að finna
nýja rödd fyrir mig og sjá hversu
langt ég gæti teygt hugmyndina.
Ég hef mikið unnið í djass und-
anfarin ár, en upp á síðkastið hef
ég verið að hlusta á annarskonar
strengjahljóðfæri, ekki bara dobro
og lap steel gítar, heldur líka banjó
og mandólín og á þá sem spila á
þannig hljóðfæri. Mig langaði því
að læða þessu inn í mína tónlist,
sem sækir mest úr djassheiminum,
og sjá líka hvernig hinir í hljóm-
sveitinni myndu taka þessu,“ segir
Andrés Þór og hlær er hann bætir
því við að þeir hafi tekið því vel
þegar dobro kom uppúr gítartösk-
unni.
„Með árunum verður maður opn-
ari fyrir músík, eða það er mín
reynsla, og reynir að skynja kjarn-
ann í tónlistinni án þess að eyrna-
merkja hana, að leyfa henni að hafa
áhrif á sig sama hvaðan hún kemur.
Það skýrir það hvers vegna ég fer
inn á þessar brautir. Ég hef verið
að opna eyrun fyrir allskonar tón-
list sem ég hef ekki gefið neinn sér-
stakan gaum hingað til, en áhuginn
er að vakna og eðlilegt skref að
skoða allskonar fleira,“ segir Andr-
és Þór, en bendir líka á að hann sé
líka að nota popp- og rokkáhrif úr
sínum grunni. „Þetta er líka frels-
andi á vissan hátt, það að leyfa sér
að gera eitthvað án þess að gefa því
endilega eitthvert nafn. Þetta er
tónlistin sem kemur frá mér á
þessari stundu, tónlist sem passar
fyrir bandið og þetta hugarástand.“
Tónleikarnir í Þjóðmenning-
arhúsinu á föstudag hefjast kl. 20.
Ljósmynd/Arnþór Birkisson
Frelsandi Félagarnir Andrés Þór Gunnlaugsson, Agnar Már Magnússon,
Þorgrímur Jónsson og Scott McLemore.
Frelsandi á vissan hátt
 Andrés Þór Gunnlaugsson heldur útgáfutónleika Mónókróms
Álnabær veitir alhliðaþjónustu er lýtur að gardínum.
Máltaka, uppsetning og ráðleggingar.
SCREEN- OG
RÚLLUGARDÍNUR
Henta vel þar sem sól er mikil
en þú vilt samt geta séð út
Álnabær
Allt fyrir gluggann… úrval, gæði og þjónusta.
Síðumúla 32, Reykjavík ▪ Tjarnargötu 17, Keflavík ▪ Glerárgötu 32, Akureyri
alnabaer.is ▪ Opnunartími: mán -fös 11-18