Morgunblaðið - 13.07.2012, Blaðsíða 14

14 FRÉTTIRInnlent
MORGUNBLAÐIÐ FÖSTUDAGUR 13. JÚLÍ 2012
Í rafhlöðum eru efni sem eru skaðleg
náttúrunni. Þær mega því alls ekki fara í
almennt sorp að notkun lokinni.
Efnamóttakan leggur heimilum og
fyrirtækjum til ókeypis kassa til að auðvelda
söfnun á ónýtum rafhlöðum. Einnig má setja
í hann ónýt smáraftæki.
Kassinn er margnota og hann má nálgast á
söfnunarstöðvum sveitarfélaga.
Gufunesi · 112 Reykjavík · Sími 559 2200 · efnamottakan.is
Rafhlöðukassi
Það má losa úr kassanum á
söfnunarstöðvum sveitarfélaga
(endurvinnslustöðvum). Einnig er víða
tekið á móti rafhlöðunum í sérstakar
rafhlöðutunnar á bensínstöðvum N1 og Skeljungs.
Hvert á að skila?
SVIÐSLJÓS
Guðni Einarsson
gudni@mbl.is
Kreppan í evrulöndum hefur haft
áhrif á viðskipti með íslenska hesta.
Afleiðingar kreppunnar ytra þurfa
ekki endilega að vera slæmar fyrir
íslenska hrossabændur, að mati
Einars Öder Magnússonar, reið-
kennara og hrossaræktanda. Hann
hefur lengi haldið námskeið í reið-
mennsku fyrir eigendur íslenskra
hesta, aðallega í Norður-Evrópu.
„Ég finn að kreppan er farin að
segja til sín þar,“ sagði Einar.
„Námskeiðahaldið gengur mjög vel,
fólk kostar því upp á sig, en ég finn
að það hugsar sig tvisvar um áður
en það kaupir næsta hest.“
Hann taldi ástandið vera skást í
Noregi. En er einhver hestasala?
„Það hefur komið margt fólk og
víða að erlendis frá til mín að skoða
hesta og kaupa. Ég veit að það eru
sölur í uppsiglingu og á von á að af
þeim verði,“ sagði Einar. Hann
sagði viðskiptavinina vera úr hópi
eigenda íslenskra hesta sem hann
hefur ræktað tengsl við undanfarin
þrjátíu ár í gegnum námskeiðin.
„Maður finnur að fólk leitar núna
í öruggari viðskipti en áður. Það
kaupir meira gelta hesta og ekki
eins mikið ótamið og áður,“ sagði
Einar. Hann kvaðst hafa haldið því
fram í gegnum tíðina að þegar gangi
illa að selja hesta þá eigi hrossa-
ræktendur að vinna vöruna meira.
Með því á Einar við að hestarnir séu
vel tamdir og fullunnir reiðhestar.
Þessir hestar eru oft 6-10 vetra
gamlir, eru þægir þegar farið er á
bak, góðir í beisli og kunni bending-
arnar, þekki fótastjórnun og handa-
hreyfingar.
Einar sagði útlenda eigendur ís-
lenskra hesta t.d. bregðast við
kreppunni með því að hætta að
rækta hesta því það sé kostnaðar-
samt. „Menn þurfa samt að kaupa
hesta einhvers staðar og ég sé fyrir
mér að það verði á Íslandi. Ég hef á
tilfinningunni að sá tími geti komið
og það fljótlega að eftirspurnin eftir
hestum aukist hér vegna þess að
fólk hafi séð að það borgi sig ekki að
rækta hestana í útlöndum,“ sagði
Einar. „Það eru jákvæð teikn á lofti
í bransanum.“
Senda út hesta í hverri viku
„Við sendum út hesta í hverri
viku, alveg upp undir 30 hesta í
hverju flugi og það eru heilmiklar
bókanir fyrir hesta í flug fram eftir
hausti,“ sagði Gunnar Arnarson
hrossabóndi og útflytjandi í Auðs-
holtshjáleigu. Hann og Kristbjörg
Eyvindsdóttir, kona hans, hafa
stundað hrossaútflutning allt frá
árinu 1986 og hafa þau flutt út lang-
flest hross allra útflytjenda frá þeim
tíma eða 10-12 þúsund hesta.
Gunnar sagði að hestapest sem
kom hér upp fyrir um tveimur árum
hefði stoppað útflutning um hríð.
Salan tók svo aftur við sér og fram-
an af síðasta vetri var útflutningur
með svipuðu móti og verið hafði áð-
ur en pestin kom upp. Gunnar sagði
að sumarið væri alltaf rólegasti tím-
inn í útflutningi hesta. Kaupendur í
útlöndum vilji ekki fá hestana yfir
heitasta tímann. Aðaltíminn í
útflutningi er á tímabilinu frá ágúst
og fram í nóvember. En hvernig
finnst Gunnari þróunin vera?
„Miðað við þær aðstæður sem eru
í Evrópu þá finnst mér þetta halda
velli ótrúlega vel. Það eru aðeins
breyttar línur í þessu, en þetta er
alls ekki dautt,“ sagði Gunnar.
Hann sagði að hægt hafi á hrossa-
sölu til Danmerkur og Svíþjóðar en
önnur lönd komið sterkari inn. „Það
hefur farið meira niður til Þýska-
lands og Sviss. Svisslendingar
kaupa yfirleitt bara mikið tamin og
góð hross. Þeir hafa lítið landrými
og gera miklar kröfur til hrossa sem
þeir taka yfirhöfuð.“
Gunnar sagði að Bandaríkja-
markaður hefði verið dapur undan-
farin ár og engan veginn staðið und-
ir þeim væntingum sem til hans
voru gerðar.
„Það er erfið staða í öllum þess-
um löndum og ástandið í Evrópu
kannski eitthvað svipað því sem var
hér fyrir 2-3 árum. Menn halda að
sér höndum þar eins og eðlilegt er í
þessu árferði,“ sagði Gunnar.
Hann sagði að í útlöndum hefði
verið markaður fyrir 1.000-1.500 ís-
lenska hesta að jafnaði á ári. Innan-
landsmarkaðurinn var orðinn tvö-
falt stærri en útflutnings-
markaðurinn en nú er hann ekki
nema svipur hjá sjón miðað við það
sem var, ef til vill ekki nema um 30%
af því sem var þegar best lét, að
mati Gunnars.
„Þetta ástand hér innanlands
vegur þyngst í dag. Þeir sem voru
kaupendur hér þegar best lét vilja
nú fækka hrossunum. Það skapar
mikið það yfirframboð sem er á
hestum,“ sagði Gunnar.
Morgunblaðið/Heiðar
Skoðun Dýralæknar skoða alla hestana áður en þeir fara úr landi og eins við komuna til útlanda. Við komuna út fara þeir beint í hesthús.
Hrossakaup í kreppunni
 Kreppan í evrulöndum hefur haft áhrif á viðhorf kaupenda íslenskra hesta
 Meiri eftirspurn er eftir vel tömdum hestum og ræktendur ytra rifa seglin
Íslenska upplýsingatæknifyrirtækið
Maritech hefur í þriðja sinn verið
valið í forsetaklúbb Microsoft Dyna-
mics sem einn stærsti söluaðili
Dynamics NAV kerfisins með
„framúrskarandi árangur í sölu“ og
fyrir „stöðuga viðleitni til að mæta
þörfum viðskiptavina með lausnum
og þjónustu sem henta þeim“.
Frá þessu er greint í tilkynningu
frá Maritech og segir þar að aðeins
bestu 5% af söluaðilum Dynamics
NAV komist í forsetaklúbbinn.
Maritech er upplýsingatækni-
fyrirtæki sem hefur þróað sérkerfi
fyrir Dynamics NAV á borð við
Wise-vörulínuna. Viðskiptavinir hér
á landi eru til dæmis HB Grandi,
Össur og CCP en fyrirtækið þjón-
ustar í heild 500 viðskiptavini um all-
an heim.
Haft er eftir Jóni Heiðari Páls-
syni, sviðsstjóra sölu- og markaðs-
sviðs Maritech, í tilkynningu að lyk-
illinn að árangri og vexti Maritech sé
sú áhersla sem lögð hefur verið á
viðskiptalausnir, einkum fyrir sjáv-
arútveginn, og viðskiptagreind.
Maritech hafi lagt mikla vinnu í þró-
un á þessum sviðum.
Í forseta-
klúbbi
Microsoft
 Tæknifyrirtækið
Maritech heiðrað
Orra Vigfússyni,
formanni vernd-
arsjóðs villtra
laxastofna, verð-
ur veitt franska
heiðursorðan
Chevalier du Mé-
rite agricole 14.
júlí á þjóðhátíð-
ardegi Frakka.
Sendiherra
Frakklands,
Marc Bouteiller, mun afhenda Orra
heiðursorðuna í franska sendiráðinu
í Reykjavík. Í tilkynningu frá sendi-
ráðinu segir að Orri hafi unnið mikið
starf síðastliðin 20 ár til verndar
villta laxastofninum, og einnig beitt
sér fyrir því að koma ám í Frakk-
landi í náttúrulegt horf. „Orri Vig-
fússon hefur breitt út hugmyndir um
endurbætur á ám til síns nátt-
úrulega horfs, órofið samband vist-
kerfa og sjálfbæra notkun vatns-
orku. Með starfi sínu með frönskum
yfirvöldum og samtökum hefur hann
fundið lausnir og auðveldað sameig-
inlega ákvarðanatöku, til bóta fyrir
alla aðila.“
Orra veitt
frönsk
heiðursorða
Orri Vigfússon
„Allir hestar sem fara til útlanda
fara um mínar hendur,“ sagði Sig-
urður Jónsson, en hann er fylgd-
armaður eða „flugfreyja“ hest-
anna sem fluttir eru úr landi.
Sigurður sagði að frá ársbyrjun
til 8. júlí s.l. hefðu verið flutt út
574 hross en á sama tímabili í
fyrra voru þau 494. Hrossin eru
flutt með fraktflugi Icelandair
Cargo a.m.k einu sinni í hverri
viku. Sigurður sagði misjafnt hvað
margir hestar færu í hverri ferð,
allt frá tíu og upp í 84. Helstu
áfangastaðir
eru Billund í
Danmörku,
Liége í Belgíu,
Norrköping í
Svíþjóð og New
York í Banda-
ríkjunum, Flug-
ið til meg-
inlands Evrópu
tekur um þrjár
klukkustundir. Eftir lendingu fara
hestarnir beint í hesthús og er
gefið bæði þar vatn og hey.
Meira flutt út nú en í fyrra
SIGURÐUR JÓNSSON ER „FLUGFREYJA“ HESTANNA
Folald Frá Auðs-
holtshjáleigu.