Morgunblaðið - 13.07.2012, Blaðsíða 31

MENNING 31
MORGUNBLAÐIÐ FÖSTUDAGUR 13. JÚLÍ 2012
Kolbrún Bergþórsdóttir
kolbrun@mbl.is
Ó
lympíuleikarnir hefjast
seinna í þessum mánuði
í London. Í tilefni leik-
anna var nýlega haldin
nokkurra daga ljóðahá-
tíð í borginni og þangað var boðið
einu ljóðskáldi frá hverju Ólympíu-
landi. Ljóðahátíðin fékk heitið Par-
nassus-ljóðahátíðin, en Parnassus er
nafn á kletti í grísku goðafræðinni,
sem var bústaður Appoló og þar
höfðust músurnar líka við.
Gerður Kristný var fulltrúi Ís-
lands á hátíðinni. „Hugmyndin að
þessari ljóðahátíð kom frá skáldinu
Simon Armitage frá Yorkshire sem
hefur komið nokkrum sinnum til Ís-
lands og skrifaði bók um eina ferð-
ina,“ segir Gerður Kristný. „Hann
vildi að bókmenntir fengju líka at-
hygli í London Ólympíusumarið
mikla og fékk Southbank í lið með
sér.
Fyrsta kvöldið var ljóðaregn, það
er að segja ljóðum á bókamerkjum
var varpað úr þyrlu yfir Jubilee
Gardens. Þetta hefur verið gert í
borgum sem hafa orðið fyrir
sprengjuregni, eins og til dæmis
Varsjá og verður ef til vill gert í Hi-
roshima síðar. Stórkostlegt að sjá
fólk hlaupa um í kappi og reyna að
veiða sér ljóð. Það var barist um
ljóðin!
Á milli þess sem ég las upp sjálf
fór ég á upplestra, svo sem hjá nób-
elsverðlaunahöfunum Wole Soyinka
og Seamus Heaney. Stemmningin á
hátíðinni var gríðarlega skemmtileg.
Til dæmis vakti það mikinn hlátur
þegar farsími Soyinka tók að pípa í
miðjum upplestri og skáldið dró
gripinn vandræðalegt upp úr brjóst-
vasanum til að slökkva. Að Parnas-
sus-hátíðinni lokinni var sumum
okkar boðið á aðrar hátíðir. Ég fór
til Derry á Norður-Írlandi með
skáldum frá meðal annars Gren-
anda, Sómalíu, Kýpur og Túvalú.“
Þú virðist vera mikið á ferð og
flugi til að kynna verk þín, er það
bara gaman eða stundum lýjandi?
„Það á vel við mig að vera á ferð
og flugi. Mér finnst gaman að kynn-
ast nýjum löndum og nýju fólki.
Hefði ég ekki deilt kofa í finnskum
skógi með skáldi frá Wales fyrir
þremur árum hefði ég ekki verið
beðin að lesa upp úr Blóðhófni í rit-
listarskóla þar í landi í fyrra og í
leiðinni verið boðið að lesa upp í Wa-
terstones-versluninni á Piccadilly.
Útsendari Parnassus-hátíðarinnar
kom þangað til að hlusta og bauð
mér í kjölfarið á hátíðina. Svona get-
ur ein ferð leitt til fleiri. Það er líka
hollt að hitta skáld sem lesa ljóð af
svo mikilli ástríðu að þau henda sér
æpandi í gólfið eins og tíðkast á
Indónesíu eða hitta indversk skáld
sem efast ekki um að ljóðlistin geti
tryggt heimsbyggðinni frið. Mér
gengur líka alltaf vel að yrkja á
ferðalögum, bæði hér heima og er-
lendis. Síðan eflir fátt andann meir
en að komast í erlendar bókabúðir.“
Hvað er framundan?
„Í sumar les ég upp úr Blóðhófni í
Stokkhólmi ásamt sænska þýð-
andum John Swedenmark. Síðan
spretti ég af klárnum á ljóðahátíðum
í Bretlandi og Finnlandi í haust.“
Hvenær er von á næstu bók og
um hvað er hún?
„Í haust gef ég út fimmtu ljóða-
bókina mína. Hún heitir Strandir og
hefur að geyma stök ljóð og einn
bálk sem ber nafnið Skautaferð. Þar
verður þyrlað upp byl svo það er
vissara að taka fram hosurnar og
renna upp í háls.“
Ljóðaregn í London
Morgunblaðið/Ómar
Gerður Kristný „Það á vel við mig að vera á ferð og flugi. Mér finnst gaman að kynnast nýjum löndum og nýju fólki.“
 Gerður Kristný er á ferð og flugi og var nýlega meðal fjölda skálda á ljóðahátíð í London
 Hún segir gott að yrkja á ferðalögum  Fimmta ljóðabók hennar kemur út í haust
» Það er líka hollt aðhitta skáld sem lesa
ljóð af svo mikilli ástríðu
að þau henda sér æp-
andi í gólfið eins og tíðk-
ast á Indónesíu eða hitta
indversk skáld sem
efast ekki um að ljóð-
listin geti tryggt heims-
byggðinni frið.
Listahátíðin Listaflóð á vígaslóðum
er haldin á Syðstu-Grund í Blöndu-
hlíð um helgina. „Hauksnesbardag-
inn var háður á landareigninni okkar
og þaðan kemur nafnið á hátíðinni en
við erum að halda hana í annað skipt-
ið í ár,“ segir Kolbrún María Sæ-
mundsdóttir, ábúandi á Syðstu-
Grund og einn skipuleggjenda hátíð-
arinnar. „Í fyrra var hátíðin bara í
einn dag en núna ætlum við að byrja í
kvöld með tónleikum sem kallast
Sunnan við garðinn hennar mömmu.
Þar mun Tindatríóð koma fram en
söngtríóið skipa feðgar af Kjalarnes-
inu, þeir Atli Guðlaugsson og synir
hans Bjarni og Guðlaugur. Karlakór-
inn Brandur Kolbeinsson mun síðan
einnig stíga á svið auk annara atriða.“
Á laugardeginum verður dag-
skráin opin fram eftir degi að sögn
Kolbrúnar. „Lítill garðmarkaður
verður starfræktur þar sem hand-
verksfólk og annað listafólk sýnir og
kynnir varning sinn og hægt er að
gera góð kaup. Félagar úr Víkinga-
félaginu Hringhorna á Akranesi
mæta til leiks. Slá upp búðum í kvöld
og á morgun munu þeir sýna leiki
fornmanna og bjóða gestum í leik,
börnum sem fullorðnum og fjölbreytt
tónlistaratriði verða yfir daginn.“
Hátíð Á Syðstu-Grund um helgina.
Fjölskylduhátíð
á vígaslóðum
 Karlakór,
víkingar og
handverksfólk
skemmta gestum Tilboð 100 myndir á
aðeins 2700 kr,-
Komdu með 100 myndir eða meira og við
prentum þær út fyrir þig á 27 kall stykkið.
Gildir fyrir allar pantanir sem koma inn
og eru sóttar fyrir 15. júlí 2012
www.hanspetersen.is
Höfum opnað nýja verslun í Reykjanesbæ.